ముఖాముఖి Archives | Cine Chitram

సమసమాజ నిర్మాణం కోసం నడుం బిగించిన బొమ్మకు మురళి

CineChitram — Sat, 08 Apr 2017 13:07:22 +0000

ఉన్నత చదువులు చదివి , విదేశాల్లో ఉద్యోగం చేసి ధనవంతుల కుటుంబంలో పుట్టినప్పటికీ సమాజంలో జరుగుతున్న అన్యాయాలపై సమారశంఖం పూరించి సమసమాజ నిర్మాణం కోసం పిడికిలి బిగించిన వ్యక్తి , శక్తి బొమ్మకు మురళి . సమాజంలో నెలకొన్న అసమానతలను రూపుమాపాలనే సదుద్దేశ్యం తో అణగారిన వర్గాల ఉజ్వల భావి భారతావని కోసం రిజర్వేషన్ లను అందించారు రాజ్యాంగ నిపుణులు . కానీ సదుద్దేశ్యం తో నెలకొల్పిన రిజర్వేషన్ లు అమలుకాక పోవడంతో ఆ లక్ష్యాన్ని అందుకోవడానికి , జనాలను మరింత చైతన్యవంతం చేయడానికి సినిమా రంగం పవర్ ఫుల్ కాబట్టి ఈ రంగాన్ని ఎంచుకున్నాడు బొమ్మకు మురళి . ప్రేమ్ రాజ్ దర్శకత్వంలో బొమ్మకు మురళి నిర్మించిన శరణం గచ్చామి చిత్రం నిన్న రిలీజ్ అయి ఆదరణ పొందుతున్న నేపథ్యంలో ఈరోజు మీడియా సమావేశాన్ని ఏర్పాటు చేసాడు . ఆ సందర్భంగా పలు ఆసక్తికర విశేషాలను వెల్లడించాడు .

బోడుప్పల్ లో దాదాపు 200 కార్యక్రమాలకు పైగా చేసి ప్రజల తలలో నాలుకలా వ్యవహరించానని అయితే భారత రాజ్యాంగం ఇచ్చిన స్పూర్తిని రాజకీయ నాయకులు దెబ్బ తీస్తున్డటం తో ఆ దిశగా నేనేమి చేయగలనని తీవ్రంగా ఆలోచిస్తున్న సమయంలో సినిమానే పవర్ ఫుల్ మీడియా కాబట్టి ఈ రంగంలోకి రావడం జరిగింది .

కుల వ్యవస్థ నిర్మూలన కావాలంటే అది ఒక్కసారిగా జరిగే వ్యవహారం కాబట్టి ముందుగా రాజ్యాంగ స్పూర్తి దెబ్బతినకుండా రాజ్యాంగం కలిపించిన హక్కులు అణగారిన వర్గాలకు అందాలనే లక్ష్యంతోనే ఈ శరణం గచ్చామి చిత్రం నిర్మించాను , రిజర్వేషన్ ల ప్రక్రియ సక్రమంగా అమలు జరిగితే ……. సమసమాజ నిర్మాణం జరిగితేనే కులాల వ్యవస్థ పోతుందని లేదంటే ఈ జాడ్యం మరింతగా ఎక్కువ అవడమే కాకుండా ఒకరినొకరు దోచుకునే సంస్కృతి ఎక్కువ అవుతుంది .

ఇక సినిమా రిలీజ్ కోసం ఎన్నో కష్టాలు పడాల్సి వచ్చిందని , సెన్సార్ ఆఫీసర్ మూర్ఖత్వం వల్ల కేంద్ర సెన్సార్ బోర్డ్ కి వెళ్ళాల్సి వచ్చింది . మొత్తానికి అన్ని అడ్డంకులను అధిగమించి రెండు తెలుగు రాష్ట్రాలలో 85 థియేటర్ లలో నిన్న సినిమా రిలీజ్ చేసాం . రిలీజ్ అయిన అన్ని చోట్ల నుండి రెస్పాన్స్ బాగా వస్తోంది . అందుకే ఈరోజు మరో 20 థియేటర్ లు పెరిగాయి .

నా తదుపరి చిత్రం ప్రతీ ఒక్కరూ ఓటు హక్కుని వినియోగించుకోవాలనే కాన్సెప్ట్ తో తీయబోతున్నాను ,దానికి కూడా కథ స్క్రీన్ ప్లే తో పాటు దర్శకత్వం కూడా నేనే వహిస్తానని అన్నాడు బొమ్మకు మురళి.

Stills

The post సమసమాజ నిర్మాణం కోసం నడుం బిగించిన బొమ్మకు మురళి appeared first on Cine Chitram.

తెలుగు సినిమాల‌కే నా ప్రాధాన్యం -అనూప్ సింగ్ ఠాగూర్‌

CineChitram — Thu, 06 Apr 2017 18:29:00 +0000

రోగ్‌, సింగం3,విన్నర్ సినిమాల‌తో విల‌న్‌గా ఎంట్రీ ఇచ్చిన న‌టుడు అనూప్ సింగ్ ఠాకూర్‌. లేటేస్ట్ గా అనూప్ న‌టించిన రోగ్ మార్చి 31న ప్రేక్ష‌కుల ముందుకు వ‌చ్చిన సంద‌ర్భంగా అనూప్ మీడియాతో ముచ్చటించారు..

అనూప్ సింగ్ మాట్లాడుతూ – “నేను మూడు సంవ‌త్స‌రాల క్రిత‌మే సినిమాల్లోకి రావాల‌నుకున్నాను. నేను మ‌హాభార‌తం సీరియ‌ల్‌లో న‌టిస్తున్న‌ప్పుడు నా న‌ట‌న‌కు మంచి ప్ర‌శంస‌లు ల‌భించాయి. ఎలాగైనా పూరిగారి సినిమాల్లో న‌టించాల‌ని ఇక్క‌డ‌కు వ‌చ్చిన‌ప్పుడు అల్యూమినియం ఫ్యాక్ట‌రీలో టెంప‌ర్ షూటింగ్ జ‌రుగుతుంటే నేను దూరం నుండి చూశాను. ఇప్పుడు పూరిగారి ద‌ర్శ‌క‌త్వంలో రోగ్ సినిమాతో ప‌రిచ‌యం కావడం ఎంతో ఆనందంగా ఉంది. నేను మిస్ట‌ర్ వ‌ర‌ల్డ్ అవార్డ్ గెలుచుకున్న దానికంటే పూరిగారి సినిమాలో అవ‌కాశం రావ‌డంతో ఎక్కువ‌గా సంతోషించాను. పూరిగారు నన్ను చాలా కొత్త‌గా చూపించారు. ఆయ‌న‌కు నేను జీవితాంతం రుణ‌ప‌డి ఉంటాను. నేను రోగ్‌తో తెలుగు, క‌న్న‌డ సినిమాల్లోకి ఎంట్రీ ఇచ్చినా తెలుగు సినిమాల‌కే నా ప్రాధాన్యం ఉంటుంది. ముంబైలో సెటిల్ అయినా మా పూర్వీకులకు

హైద్రాబాద్ తో సంబంధం ఉంది .. తెలుగు సినిమాల్లో ఎవ‌రు క‌ష్ట‌ప‌డితే వారికే ఎక్క‌వ ప్రాధాన్య‌త ఉంటుంది. నేను ఇంకా రెండు సినిమాలు చేస్తున్నాను. నేను మరాఠి భాషలో రెండు సినిమాలలో హీరోగా కూడా న‌టించ‌బోతున్నాను. త్వ‌ర‌లోనే వాటి వివ‌రాల‌ను తెలియ‌జేస్తాను. అలాగే బాలీవుడ్‌లో కూడా సినిమాలు చేస్తున్నాను“ అన్నారు.అంతేకాకుండా బుల్లితెరపై నటించిన అనుభవం వెండితెరపై ఎంతో ఉపయోగపడిందని తెలిపారు..

నిర్మాత కల్వకుంట్ల తేజేశ్వరరావు : అనూప్ సింగం 3 చిత్రం ద్వారా తెలుగు తెరకు పరిచయమైన సంగతి అందరికి తెలిసిందే…మిస్టర్ వర్డల్ గా పేరుతెచ్చుకున్న అనూప్ సినిమాలలో కూడా రాణించడం చాలా ఆనందంగా ఉందన్నారు..అంతేకాకుండా లేటేస్ట్ పూరీ గారి రోగ్ చిత్రంలో విలన్ పాత్ర పోషించి అందరిని ఆకట్టుకున్నాడు..తెలుగులో మరిన్ని చిత్రాలు చేయాలని ,నటుడిగా టాలీవుడ్ లో మంచి స్థానాన్ని సంపాదించుకోవాలని అన్నారు..

ఈ కార్యక్రమంలో నిర్మాత కల్వకుంట్ల తేజేశ్వరరావు , పారిశ్రామికవేత్త అంబర్ పేట శంకర్ , ఆర్ కె.గౌడ్ పాల్గోన్నారు..

anoop-singh-thakoor_001

anoop-singh-thakoor_002

anoop-singh-thakoor_003

anoop-singh-thakoor_004

anoop-singh-thakoor_005

anoop-singh-thakoor_006

anoop-singh-thakoor_007

anoop-singh-thakoor_008

anoop-singh-thakoor_009

anoop-singh-thakoor_010

anoop-singh-thakoor_011

anoop-singh-thakoor_012

anoop-singh-thakoor_013

anoop-singh-thakoor_014

anoop-singh-thakoor_015

anoop-singh-thakoor_016

anoop-singh-thakoor_017

anoop-singh-thakoor_018

The post తెలుగు సినిమాల‌కే నా ప్రాధాన్యం -అనూప్ సింగ్ ఠాగూర్‌ appeared first on Cine Chitram.

నాపై, కథపై దిల్‌రాజుగారు పెట్టుకున్న నమ్మకమే ‘శతమానం భవతి’ సక్సెస్‌కు కారణం – దర్శకుడు సతీష్‌ వేగేశ్న

CineChitram — Wed, 08 Feb 2017 16:31:18 +0000

శ్రీ వెంకటేశ్వర క్రియేషన్స్‌ బ్యానర్‌పై శర్వానంద్‌, అనుపమ పరమేశ్వరన్‌ హీరో హీరోయిన్లుగా సతీష్‌ వేగేశ్న దర్శకత్వంలో దిల్‌రాజు నిర్మించిన చిత్రం ‘శతమానం భవతి’. ఈ సినిమా సంక్రాంతి సందర్భంగా జనవరి 14న రిలీజై బ్లాక్‌బస్టర్‌ హిట్‌ అయ్యింది. ఈ సందర్భంగా దర్శకుడు సతీష్‌ వేగేశ్న సినిమా స‌క్సెస్ గురించి సోమ‌వారం పాత్రికేయులతో ముచ్చటించారు…

సక్సెస్‌ను ఎలా ఎంజాయ్‌ చేస్తున్నారు?

– చాలా హ్యాపీగా ఉన్నాను. శతమానం భవతి’ సక్సెస్‌ను ఎంజాయ్‌ చేస్తున్నాను. అయితే శతమానం భవతి సినిమాకు ముందు, తర్వాత సతీష్‌ వేగేశ్న ఒకేలానే ఉన్నాడు. కాకుంటే శతమానం భవతి సక్సెస్‌తో మంచి పేరు వచ్చింది.

‘శతమానం భవతి’ ముందు సతీష్‌, తర్వాత సతీష్‌ ఎలా మారాడు?

– ‘శతమానం భవతి’ సినిమాకు ముందు నేను కథలు చెబుతానని ఫైల్‌ పట్టుకుని తిరిగేవాడిని. ఈ సక్సెస్‌తో కథలు చెప్పమని అడుగుతున్నారు. అంతే తప్ప సతీష్‌ మారడు. ఏ స్క్రిప్ట్‌ అయినా నమ్మే చేస్తాం. కొన్నిసార్లు ఆడియెన్స్‌కు మనం చెప్పే కథ కనెక్ట్‌ అవుతుంది. కొన్నిసార్టు కనెక్ట్‌ కాదు. ఇక ఇలాంటి సినిమా వచ్చి చాలా కాలం అయ్యింది. కామన్‌గా ఆడియెన్స్‌ అందరూ కనెక్ట్‌ అయ్యే సబ్టెక్ట్‌ కాబట్టి సినిమా ప్రేక్షకులకు విపరీతంగా నచ్చింది. డెఫనెట్‌గా సినిమా సక్సెస్‌ అవుతుందని ఊహించాం కానీ ఇంత పెద్ద హ్యుజ్‌ సక్సెస్‌ అవుతుందని అనుకోలేదు.

ఈ సినిమాకు మీకు వచ్చిన బెస్ట్‌ కాంప్లిమెంట్‌ ఏదీ?

– ఈ కథను ముందుగా రాఘవేంద్రరావుగారికి వినిపించాను. ఆయన విని ఎన్ని రోజులుగా ఈ కథపై వర్క్‌ చేస్తున్నావు అన్నారు. అప్పటికి వన్‌ ఇయర్‌ అయ్యుండటంతో వన్‌ ఇయర్‌ సార్‌ అన్నాను. ఈ వర్క్‌ కనపడుతుంది. సాధారణంగా హీరో హీరోయిన్లపైనే దర్శకులు కాన్‌సన్‌ట్రేషన్‌ చేస్తారు. కానీ ఈ కథలో ప్రతి క్యారెక్టర్‌కు ప్రాముఖ్యత ఉందని మెచ్చుకున్నారు. సినిమా రిలీజైన తర్వాత దాసరి నారాయణరావుగారు బోకేను పంపారు. తర్వాత ఆయన ఫోన్‌ చేసి సినిమా ప్రశాంతంగా ఉంది. సినిమాను కచ్చితంగా నేషనల్‌ అవార్డ్‌కు పంపండి అని అన్నారు. రీసెంట్‌గా డైరెక్టర్స్‌ అసోసియేషన్‌కు షో వేసినప్పుడు చాలా సంవత్సరాల తర్వాత కె.విశ్వనాథ్‌గారు వచ్చి సినిమా చూసి..సినిమా చాలా బావుంది. సినిమా చూసిన తర్వాత మేం కూడా నేర్చుకోవాలనిపించేలా ఉందని అన్నారు. అంటే తెలుగు సినిమాను ఎక్కడికో తీసుకెళ్లిన దర్శకులైన ఈ ముగ్గురు నా సినిమాను అప్రిసియేట్‌ చేయడం చాలా గొప్ప విషయం.

ఈ కథకు ముందు వేరు హీరోలను అనుకన్నారు కదా..తర్వాత శర్వానంద్‌తో చేయడానికి కారణమేంటి?

– సంక్రాంతి కాన్సెప్ట్‌ మూవీ కాబట్టి సంక్రాంతికే సినిమా రిలీజ్‌ చేయాలని గోల్‌గా పెట్టుకున్నాం. కాబట్టి ముందు ‘శతమానం భవతి’ కథ విన్న సాయిధరమ్‌ తేజ్‌ కానీ, రాజ్‌తరుణ్‌ కానీ కథ నచ్చింది..సినిమా చేద్దామనే అన్నారు. అయితే కానీ డేట్స్‌ అడ్జస్ట్‌ చేయడానికి వారికి కుదరలేదు. కాబట్టి సినిమాను సంక్రాంతికి విడుదల చేయాలని అనుకున్నాం. ఒకపక్క హీరోల డేట్స్‌ అడ్జస్ట్‌ చేయలేకపోవడంతో, ఎవరైతే బావుంటుందని ఆలోచించాం. శర్వానంద్‌ అయితే సరిపోతాడనిపించి శర్వాను కలవడం, అతనికి కథ నచ్చడంతో సినిమాను స్టార్ట్‌ చేశాం.

దిల్‌రాజుగారికే ఈ కథను ఎందుకు చెప్పాలనుకున్నారు?

– ఈ కథను దిల్‌రాజుగారికే చెప్పడానికి రెండు కారణాలున్నాయి. నేను దర్శకుడుగా సక్సెస్‌లో లేను. అలాంటప్పడు నన్ను నమ్మి సినిమా చేసే నిర్మాత కానీ, లేదా కథను నమ్మి సినిమా చేసే నిర్మాత కానీ ఉండాలి. కథ నచ్చితే దర్శకుడుకి ఇంతకుముందు సక్సెస్‌ ఉందా లేదా అని ఆలోచించకుండా సినిమా చేసే ప్రొడ్యూసర్‌ దిల్‌రాజుగారు. రాజుగారికి కమర్షియల్‌ సినిమాలంకటే బొమ్మరిల్లు, కొత్తబంగారులోకం, సీతమ్మవాకిట్లో సిరిమల్లెచెట్టు వంటి సినిమాల ద్వారా వచ్చిన పేరే ఎక్కువ అని నేను అనుకుంటున్నాను. కాబట్టి మంచి కథను చెబితే రాజుగారు నమ్మి చేస్తారని నమ్మడంతోనే ఆయనకు ఈ కథను చెప్పాను. ఆయనకు నచ్చింది.

ఇంత పెద్ద రెస్పాన్స్‌ రావడానికి ప్రత్యేకంగా కారణమేదైనా ఉందా?

– ఇంతకు ముందు కూడా ఇలాంటి ఫ్యామిలీ ఎంటర్‌టైనింగ్‌ చిత్రాలు వచ్చాయి. అయితే ఆడియెన్స్‌ కనెక్ట్‌ అయిన సన్నివేశాలు తక్కువగా ఉన్నాయి. కానీ శతమానం భవతి చిత్రంలో ఆడియెన్స్‌ కనెక్ట్‌ అయ్యే సన్నివేశాలు ఎక్కువగా ఉన్నాయి. ఈ మధ్య కాలంలో ఇలాంటి ఎమోషనల్‌ పాయింట్‌ను ఎవరూ టచ్‌ చేయలేదు. కథ కొత్తది కాకపోవచ్చు కానీ, వెళ్ళిన స్క్రీన్‌ప్లే కొత్తగా ఉంటుంది. అందుకే ఆడియెన్స్‌ పర్సనల్‌గా బాగా కనెక్ట్‌ అయ్యారు.

ఈ సినిమా మేకింగ్‌ టైంలో దిల్‌రాజుగారి ప్రభావం ఎంత?

– దిల్‌రాజుగారి బ్యానర్‌లో వచ్చే ఏ సినిమా అయినా ఆయన ఇన్‌వాల్వ్‌మెంట్‌ ఉంటుంది. ఈ సినిమాకు ఇంత మంచి ఆదరణ లభింస్తుందంటే కారణం ముందు ఇది దిల్‌రాజు బ్యానర్‌లో వస్తున్న సినిమా అని ఆడియెన్స్‌ అనుకోవడమే. ఆయన దగ్గరుండి ప్రతి వ్యవహారాన్ని దగ్గరుండి చూసుకుని అవుట్‌పుట్‌ బాగా వచ్చేలా చూసుకుంటారు.

అసలు ‘శతమానం భవతి’ కథాలోచన ఎలా వచ్చింది?

– నేను ఈనాడు జర్నలిస్ట్‌గా వర్క్‌ చేశాను. నేను పనిచేస్తున్నప్పుడు పత్రికలకు దసరా,దీపావళి, సంక్రాంతి పండుగలప్పుడే సెలవులుండేవి. సెలవు వస్తుందనగానే రేపు సెలవు కదా..అనే ఫీలింగ్‌ ఉండేది. నిద్ర లేవగానే ఈరోజు పండుగ వాతావరణం లేదేంటి అనే బాధ ఉండేది. దీని బేస్‌ చేసుకుని పల్లె పయనమెటు? అనే షార్ట్‌ స్టోరీ రాశాను. ఆ కథను ఆంధ్రప్రభ ఉగాదికథల పోటీకి కూడా పంపాను. కానీ వారు ముద్రించలేదు. నేను రాసిన కథలో ఓ అమ్మాయి సంక్రాంతి పండుగ కోసం తన తాతగారి ఊరుకి వస్తుంది కానీ, తను ఊహించిన విధంగా ఊర్లో పండుగ వాతావరణం కనపడదు. అదే విషయాన్ని తాత దగ్గర అడుగుతుంది. తాతయ్యేమో..ఈ ప్రశ్నకు జనమే సమాధానం చెప్పాలి. పల్లెటూర్లు ఎదగాలి కానీ మూలాలు మరచి ఎదగడం ఎంత వరకు కరెక్టో తెలియడం లేదంటూ చెబుతాడు. ఈ కథను కబడీ కబడీ టైంలో జగపతిబాబుగారికి చెప్పాను. ఆయన ఈ కథను షార్ట్‌ ఫిలిం చేద్దాం నేను ప్రొడ్యూస్‌ చేస్తానని అన్నారు. సరేనని అన్నాను కానీ, మళ్లీ వర్క్‌లో పడిపోయాను. కొన్ని రోజుల తర్వాత ఇదే కథను కొంత మంది స్నేహితులకు చెబితే ఈ కథను సినిమా కథగా డెవలప్‌ చేయమని వారు అన్నారు. అప్పుడు నేను నా పాయింట్‌ను సినిమా కథగా డెవలప్‌ చేసి పక్కన పెట్టుకున్నాను. రామయ్యా వస్తావయ్యా, సుబ్రమణ్యం ఫర్‌ సేల్‌ సినిమాలకు దిల్‌రాజుగారి బ్యానర్‌లో పనిచేశాను. ఆయనైతే ఈ కథను చేస్తారని నమ్మి ఈ కథను ఆయనకు చెప్పాను. ఆయనకు నచ్చడంతో సినిమా ప్రయాణం మొదలైంది. పక్కా స్క్రిప్ట్‌ను తయారు చేసుకోవడంతో సినిమాను 49 రోజుల్లోనే పూర్తి చేయగలిగాం. ‘శతమానం భవతి’ సక్సెస్‌ దర్శకుడిగా నా బాధ్యత మరింత పెరిగింది.

నెక్ట్స్‌ సినిమా ఎవరితో ఉంటుంది?

– ఇంకా ఏ సినిమా చేయాలనే దానిపై నిర్ణయం తీసుకోలేదు. దిల్‌రాజుగారితో ఓ సినిమా చేయాల్సి ఉంది. ప్రస్తుతానికి కథను సిద్ధం చేసుకున్న తర్వాత ఎవరితో చేస్తే బావుంటుందో వారికి కథ వినిపించి సినిమా చేస్తాను. నా నెక్ట్స్‌ మూవీ కూడా ఫ్యామిలీ ఎమోషన్స్‌, రిలేషన్స్‌ మీదనే ఉంటుంది.

The post నాపై, కథపై దిల్‌రాజుగారు పెట్టుకున్న నమ్మకమే ‘శతమానం భవతి’ సక్సెస్‌కు కారణం – దర్శకుడు సతీష్‌ వేగేశ్న appeared first on Cine Chitram.

రొమాంటిక్ స్పైసి ఎంటర్టైనర్ `ఇప్పట్లో రాముడిలా సీతలా ఎవరుంటారండీ బాబు`: డైరెక్టర్ వెంకటేష్.k

CineChitram — Tue, 07 Feb 2017 15:45:21 +0000

ప్రజంట్‌ అమ్మాయిలు , అబ్బాయిలు ఎలా ఉంటున్నారనే అంశంతో వారి లైఫ్‌ స్టైల్‌ని తెరపై ఆవిష్కరిస్తూ సహజత్వానికి దగ్గరగా ఉండేలా వెంకటేష్‌.కె ‘ఇప్పట్లో రాముడిలా సీతలా ఎవరుంటారండి బాబు’ చిత్రాన్ని డైరక్ట్‌ చేశారు.యూత్‌ఫుల్‌ రొమాంటిక్ స్పైసీ ఎంటర్‌టైనర్‌గా తెరకెక్కిన ఈ చిత్రంలోప్రశాంత్‌ ,మహీధర్‌, లలిత , ఇషితా హీరో హీరోయిన్లుగా నటించారు. బేబీ ఆముక్త సమర్పణలో ప్రశ్నార్ద్‌ తాతా నిర్మించారు. ఈ చిత్రం అన్ని కార్యక్రమాలు పూర్తి చేసుకుని విడుదల సన్నాహాల్లో ఉంది. ఈ సందర్భంగా చిత్ర దర్శకుడు బాక్సాఫీస్‌తో ముచ్చటించారు. ఆ విశేషాలు ఆయన మాటల్లో….

`ఇప్పట్లో రాముడిలా సీతలా ఎవరుంటా రండీ బాబు’ ఈ టైటిల్‌ పెట్టడానికి రీజన్‌?

కథానుసారంగా ఈ టైటిల్‌ పెట్టాను. సినిమా చూస్తే ఈ సినిమాకు టైటిల్‌ పర్‌ఫెక్ట్‌ యాప్ట్‌ అని మీరే అంటారు.

కథ గురించి వివరిస్తారా?

ఇద్దరు కాలేజ్‌ స్టూడెంట్స్‌ లక్సరీ లైఫ్‌ కు అలవాటు పడి చిన్న చిన్న దొంగతనాలు చేస్తుంటారు. కొంత మంది అమ్మాయిు, ఆంటీల వీక్‌నెస్‌ పట్టుకొని వారికి మాయ మాటలు చెప్పి వలలో వేసుకుంటారు. వారితో రొమాన్స్‌ చేయడమే కాకుండా వారి దగ్గర డబ్బు, నగలు దోచుకుంటుంటారు. ఈ క్రమంలో వీళ్లలో ఒక్కొక్క లేడీ వరుసగా హత్య చేయబడుతుంటారు. అసలు ఈ హత్య ఎవరు? ఎందుకు? చేస్తున్నారన్నది చిత్ర కథాంశం. ఇంటర్‌వెల్‌ సీన్‌, క్లైమాక్స్‌ సీన్‌ ఇంత వరకు తెరపై చూడని విధంగా ఉంటుంది. అందుకే దీన్ని రొమాంటిక్‌ క్రైమ్‌ స్పైసీ ఎంటర్‌టైనర్‌గా తీర్చిదిద్దాం.

ఈ కథ వెనకా రియల్‌ ఇన్సిడెంట్స్‌ ఏమైనా ఉన్నాయా?

కథ కల్పితమే కాకుంటే, సీన్స్ కానీ, పాత్ర స్వభావం కానీ నిత్యం మనం చూస్తున్నవే ఉంటాయి. ఒక్క మాటలో చెప్పా లంటే రోడ్డు మీద కుర్రాళ్లు ఎలా మాట్లాడు కుంటారో,. ఎలా బిహేవ్‌ చేస్తుంటారో అలాగే సినిమా అంతా నేచరల్‌గా ఉంటుంది. నేను ఏదైనా నేచరల్‌గా ఉండటానికే ఇష్టపడతాను. ఇక మీదట కూడా ఇలాంటి సహజ సిద్ధమైన కథతో సినిమాలు చేస్తాను.

ఈ సినిమా ద్వారా ఏమి చెబుతున్నారు?

మనం మెసేజ్‌లు ఇస్తే తీసుకునే పొజిషన్‌ లో ఇక్కడ ఎవరూ లేరన్నది నా అభిప్రాయం. కాబట్టి ఎలాంటి మెసేజ్‌ లు మా సిననిమాలో లేవు. రొమాన్స్‌కు, అలవాటు పడిన అమ్మా యిులు , అబ్బాయిులు చివరకు ఎలా క్రైమ్‌లో ఇరుకుంటున్నారు అన్నది చూపించాను. ఇందులో ప్రేమ ఉంది. దానికి తాలూకు పెయిన్‌ ఉంది. ఆల్‌ కమర్షియల్‌ యాంగిల్స్‌ ఉన్నాయి.

మీ నిర్మాత గురించి చెప్పండి?

ప్రశ్నార్త్‌ తాతా గారు ఈ చిత్రాన్ని నిర్మించారు. నాకు మంచి మిత్రుడు. తనకు కథ నచ్చి వెంటనే ఫైనల్‌ చేశారు. ఎన్ని ఆటంకా లు ఎదురైనప్పటికీ సినిమాను ఏ విషయంలో రాజీ పడకుండా చాలా రిచ్‌గా నిర్మించారు. సినిమా పట్ల ఎంతో పాషన్‌ ఉన్న వ్యక్తి.

ఇటీవ విడుదలైన పాటకు రెస్పాన్స్‌ ఎలా ఉంది?

రమేష్‌.డి అనే కొత్త మ్యూజిక్‌ డైరక్టర్‌ని పరిచయం చేస్తున్నాం. 4 సూపర్బ్‌సాంగ్స్‌ ఇచ్చారు. ఇటీవల విడుదలైన పాటకు, టీజర్‌కు సోషల్‌ నెట్‌వర్క్స్‌లో ట్రెమండస్‌ రెస్పాన్స్‌ భిస్తోంది. ఇక జోష్యభట్ల గారు చేసిన నేపథ్య సంగీతం సినిమాకు ప్రధాన ఆకర్షణగా నిుస్తుందని చెప్పాలి.

మీ తొలి సినిమాగా ఇలాంటి బోల్డ్‌ సబ్జెక్ట్‌ ఎన్నుకోవడానికి రీజన్‌?

నాకు ఇలాంటి నేచరల్‌ సబ్జెక్ట్స్‌ చేయడం అంటే ఇష్టం. అందుకే చేశాను. ఇక మీదట కూడా చేస్తాను. నాకు తెలిసి రొమాన్స్‌లో అన్ని భావో ద్వేగాలు ఉంటాయి. ఇందులో కూడా లవ్‌ ఉంది, క్రైమ్‌ ఉంది. ఎమోషన్‌ ఉంది. యాక్షన్‌ ఉంది. కామెడీ ఉంది. ఎవరూ చేసిన వీటిని బేస్‌ చేసుకుని సినిమా చేయాల్సిందే. గన్‌ పట్టిన వాడైనా, ఫ్యాక్షనిస్టైనా ఫైనల్‌గా రొమాన్స్‌ చేస్తాడు కాబట్టి ..రొమాంటిక్‌ సబ్జెక్ట్‌ ఎంచుకున్నా. నాకు ఈ సినిమా ఎలాంటి పేరు తెస్తుందో చెప్పలేను కానీ, ప్రజంట్‌ నడుస్తున్న ట్రెండ్‌ ఎలా ఉందో కళ్లకు కట్టినట్లు చూపించాడీ దర్శకుడు అని చూసిన ప్రతి ఒక్కరూ అనుకుంటారు.

సెన్సార్‌ వారి టాక్‌ ఎలా ఉంది?

ఈ చిత్రంలో పతాకస్థాయిలో రొమాన్స్‌ ఉన్న కారణంగా ‘ఏ’ సర్టిఫికెట్‌ ఇచ్చారు. చిన్నచిన్న కట్స్‌, మ్యూట్స్‌ చెప్పారు. సినిమా ఏదో బోల్డ్‌గా తీయాలని తీయలేదు. కథానుసారంగా అలా తీయాల్సి వచ్చింది కాబట్టి తీసాను.

మీ సినిమా స్టిల్స్‌, టీజర్‌ చూసిన వాళ్లు బాలీవుడ్‌ మహేష్‌భట్‌ సినిమాల్లా ఉందంటున్నారు? మీ కామెంట్‌?

మా సినిమా కూడా బాలీవుడ్‌ డైరెక్టర్‌ మహేష్‌భట్‌ సినిమా తరహాలో ఫుల్‌ రొమాంటిక్‌గా ఉంటుందన్న మాట వాస్తవమే. నాకు తెలిసి ఇంత బోల్డ్‌గా తొగులో ఫుల్‌లెన్త్‌ శృంగార భరిత చిత్రం రావటం ఇదే మొదటిసారి. యూత్‌ని బాగా ఆకర్షించే చిత్రం. నిజంగా బాలీవుడ్‌ డైరక్టర్‌ తో పోలిస్తే సంతోషమే. ఎందుకంటే మహేష్‌భట్‌గారు ఎలాంటి డైరక్టరో అందరికీ తెలిసిందే

మీ తదుపరి చిత్రం?

ఈ సినిమాను మార్చిలో విడుదల చేయడానికి ప్లాన్‌ చేస్తున్నాం. నా కొత్త సినిమా కూడా మార్చిలోనే ప్రారంభిస్తాను. త్వరలో దానికి సంబం ధించిన పూర్తి వివరా లు వ్లెడిస్తానన్నారు యువ దర్శకుడు వెంకటేష్‌ కె.

Stills

The post రొమాంటిక్ స్పైసి ఎంటర్టైనర్ `ఇప్పట్లో రాముడిలా సీతలా ఎవరుంటారండీ బాబు`: డైరెక్టర్ వెంకటేష్.k appeared first on Cine Chitram.

కేర‌క్ట‌ర్ న‌చ్చితే తెలుగు సినిమాల్లో న‌టిస్తా – త్యాగరాజన్‌

CineChitram — Tue, 06 Dec 2016 12:50:56 +0000

తెలుగులో `అంతిమ‌తీర్పు`, `మ‌గాడు, `స్టేట్ రౌడీ` వంటి చిత్రాల న‌టుడిగా త్యాగ‌రాజ‌న్‌కు మంచి గుర్తింపు ఉంది. హీరో ప్ర‌శాంత్ తండ్రిగా, త‌మిళ చిత్రాల ద‌ర్శ‌క‌నిర్మాత‌గా ఆయ‌న్ని అంద‌రూ గుర్తుప‌డ‌తారు. తెలుగింటి అల్లుడ‌యిన త్యాగ‌రాజ‌న్ తాజాగా `రోజ్ గార్డెన్`లో న‌టిస్తున్నారు. నితిన్ నాష్, ఫ‌ర్నాజ్ శెట్టి జంట‌గా న‌టిస్తున్న చిత్రం `రోజ్ గార్డెన్`. జి.ర‌వికుమార్ ద‌ర్శ‌క‌త్వం వ‌హిస్తున్నారు.

అనురాధ ఫిలింస్ డివిజ‌న్ సంస్థ నిర్మిస్తున్న చిత్రమిది. చ‌ద‌ల‌వాడ తిరుప‌తిరావు స‌మ‌ర్ప‌ణ‌లో చ‌ద‌ల‌వాడ శ్రీనివాస‌రావు ఈ చిత్రాన్ని నిర్మిస్తున్నారు. ఈ చిత్రం షూటింగ్ ప్ర‌స్తుతం శంషాబాద్‌లో జ‌రుగుతోంది. ఈ చిత్రీక‌ర‌ణ‌లో పాల్గొంటున్న త్యాగ‌రాజ‌న్ శుక్ర‌వారం హైద‌రాబాద్‌లో విలేక‌రుల‌తో మాట్లాడారు. ఆ విశేషాలు..

“తెలుగులో `అంతిమ‌తీర్పు`, `మ‌గాడు`, `స్టేట్ రౌడీ` వంటి చిత్రాలు నాకు చాలా మంచి పేరు తెచ్చిపెట్టాయి. దాదాపు మూడు ద‌శాబ్దాల త‌ర్వాత నేనిప్పుడు `రోజ్ గార్డెన్` అనే తెలుగు సినిమాలో న‌టిస్తున్నాను. ఈ చిత్రంలో ఓ టీవీ ఛానెల్ అధినేత‌గా క‌నిపిస్తాను. ఎవ‌రూ కాశ్మీర్‌లో టీవీ చానెల్ పెట్ట‌డానికి సాహ‌సించ‌రు. అలాంటి స‌మ‌యంలో నేను అక్క‌డ చానెల్‌ పెట్టాల‌నుకుంటాను. ప‌నిచేయ‌డానికి ఎవ‌రూ ముందుకు రాని త‌రుణంలో ఓ అబ్బాయి వ‌స్తాడు. అలా అత‌ను ముందుకు రావ‌డానికి కార‌ణం ఏంటి? ఆ త‌ర్వాత ఏమైంది? అనేది ఆస‌క్తిక‌రం. ఈ చిత్ర ద‌ర్శ‌కుడు ర‌వికుమార్ నాకు చాలా స‌న్నిహితుడు. అత‌నికి ప‌లు శాఖ‌ల‌పై మంచి అవ‌గాహ‌న ఉంది. మా `తొలిముద్దు` సినిమాకు ర‌వికుమార్ కూడా ప‌నిచేశారు. ఆ చిత్రానికి కెమెరామేన్‌గా ప‌నిచేసిన శంక‌ర్ ఇప్పుడు `రోజ్‌గార్డెన్` కు కెమెరామేన్‌గా వ‌ర్క్ చేస్తున్నారు. ర‌వికుమార్ ఈ మధ్య నా ద‌గ్గ‌ర‌కు వ‌చ్చి `రోజ్ గార్డెన్` కాన్సెప్ట్ చెప్పారు. నేను న‌టిస్తే బావుంటుంద‌ని కోరారు. పాత్ర న‌చ్చింది. దాంతో పాటు ర‌వి మాట కాద‌న‌లేక ఒప్పుకున్నాను. కాశ్మీర్‌లో చిత్రీక‌రించిన స‌న్నివేశాలు, పాట‌లు త‌ప్ప‌కుండా ప్రేక్ష‌కుల‌కు బాగా న‌చ్చుతాయి“ అని అన్నారు. కేర‌క్ట‌ర్ న‌చ్చితే భ‌విష్య‌త్తులో కూడా తెలుగు సినిమాల్లో న‌టించాల‌నే ఆస‌క్తి ఉంద‌ని తెలిపారు.

త‌న త‌న‌యుడు, హీరో ప్ర‌శాంత్ గురించి మాట్లాడుతూ “ప్ర‌శాంత్ న‌టించిన ద్విభాషా చిత్రం `బొబ్బిలి` త్వ‌ర‌లో విడుద‌ల కానుంది. ఇప్పుడు ప్ర‌శాంత్ హిందీలో ఓ సినిమా చేస్తున్నాడు. ఆ సినిమాకు ద‌ర్శ‌క‌నిర్మాత‌ను నేనే. ఆ త‌ర్వాత ప్ర‌శాంత్ ఓ తెలుగు సినిమాలో న‌టిస్తాడు. తెలుగులో ప్ర‌ముఖ ద‌ర్శ‌కుడు దానికి ద‌ర్శ‌క‌త్వం వ‌హిస్తారు. ప్ర‌శాంత్ నేరుగా తెలుగులో చేసే ఆ సినిమాకు సంబంధించిన క‌థ‌ల‌ను ఇప్పుడు వింటున్నాం“అని చెప్పారు.

`క్వీన్` సినిమా గురించి మాట్లాడుతూ “కంగ‌నా ర‌నౌత్ న‌టించిన క్వీన్ చిత్రం సౌత్ ఇండియా రైట్స్ నేను తీసుకున్న విష‌యం తెలిసిందే. తెలుగు, త‌మిళ‌, క‌న్న‌డ‌, మ‌ల‌యాళంలో ఈ సినిమాను రూపొందించ‌నున్నాం. నాలుగు భాష‌ల్లోనూ రెండో నాయిక‌గా ఎమీ జాక్స‌న్ న‌టిస్తుంది. త‌మిళంలో త‌మ‌న్నా హీరోయిన్‌గా న‌టిస్తుంది. మ‌ల‌యాళంలో అమ‌లాపాల్ నాయిక‌. త‌మిళ‌, మ‌ల‌యాళ చిత్రాల‌కు రేవ‌తి ద‌ర్శ‌క‌త్వం వ‌హిస్తారు. క‌న్న‌డ‌లో ప‌రుల్ యాద‌వ్ హీరోయిన్‌గా ప్ర‌కాశ్‌రాజ్ ద‌ర్శ‌క‌త్వంలో ఈ సినిమా ఉంటుంది. తెలుగులో అనీష్ కురువిళ్ల ద‌ర్శ‌క‌త్వం చేస్తారు. తెలుగుకు సంబంధించి ఇంకా హీరోయిన్ ఫైన‌లైజ్ కాలేదు. ఈ నాలుగు భాష‌ల్లోనూ నేనే నిర్మిస్తాను“ అని తెలిపారు.

Stills

The post కేర‌క్ట‌ర్ న‌చ్చితే తెలుగు సినిమాల్లో న‌టిస్తా – త్యాగరాజన్‌ appeared first on Cine Chitram.

“జ‌యమ్ము నిశ్చ‌య‌మ్ము రా” ద‌ర్శ‌కుడు శివ‌రాజ్ క‌నుమూరి తో ముఖాముఖి

CineChitram — Mon, 05 Dec 2016 17:35:02 +0000

వంశీ, బాపు, ప్రియ‌ద‌ర్శ‌న్‌, రామ్‌గోపాల్‌వ‌ర్మ వంటి దిగ్గ‌జ ద‌ర్శ‌కుల స్పూర్తితోనే చిత్ర‌సీమ‌లో అడుగుపెట్టాన‌ని అంటున్నారు శివ‌రాజ్ క‌నుమూరి. స‌హ‌జ‌త్వంతో కూడిన మంచి సినిమాను ప్రేక్ష‌కుల‌కు అందించాల‌నే ల‌క్ష్యంతోనే “జ‌యమ్ము నిశ్చ‌య‌మ్ము రా” చిత్రాన్ని తెర‌కెక్కించాను అన్నారు. ఆయ‌న ద‌ర్శ‌క‌త్వం వహిస్తూ స‌తీష్ క‌నుమూరితో క‌ల‌సి నిర్మించిన చిత్రం “జ‌యమ్ము నిశ్చ‌య‌మ్ము రా”. ఇటీవ‌లే ఈ చిత్రం విడుద‌లైంది. ఈ సంద‌ర్భంగా శివ‌రాజ్ క‌నుమూరి పాత్రికేయుల‌తో ముచ్చ‌టించారు. ఆ విశేషాలివి.

తూర్పుగోదావ‌రి జిల్లాలోని మ‌ట్ట‌ప‌ర్రు నా స్వ‌స్ధ‌లం. ఎమ్మెస్సీ కంప్యూట‌ర్స్ పూర్తిచేశాను. లండ‌న్‌లో నాలుగేళ్ల‌పాటు ఉద్యోగం చేశాను. ద‌ర్శ‌కుడిని కావాల‌నే సంక‌ల్పంతో వ‌ర్మ కార్పోరేష‌న్‌లో అసిస్టెంట్‌గా కెరీర్‌ను మొద‌లుపెట్టాను. రామ్‌గోపాల్‌వ‌ర్మ‌, జెడి చ‌క్ర‌వ‌ర్తి వ‌ద్ద ప‌లు సినిమాల‌కు ప‌నిచేశాను. “జ‌యమ్ము నిశ్చ‌య‌మ్ము రా” చిత్రంతో ద‌ర్శ‌కుడిగా తొలి ప్ర‌య‌త్నంలోనే పెద్ద విజ‌యాన్ని అందుకోవ‌డం ఆనందంగా ఉంది. క‌థ‌లోని భావోద్వేగాల‌తో ప్రేక్ష‌కులు స‌హానుభూతి చెందుతున్నారు. ప్ర‌తి ఒక్క‌రూ సినిమాను ఎంజాయ్ చేస్తున్నారు.

స‌మైక్యంగా న‌వ్వుకుందాం…
తొలుత కొత్త హీరోతో ఈ చిత్రాన్ని తెర‌కెక్కించాల‌ని అనుకున్నాను. అమాయ‌కుడైన ప‌క్కింటి అబ్బాయి పాత్ర‌కు శ్రీ‌నివాస్‌రెడ్డి అయితే న్యాయం చేయ‌గ‌ల‌డ‌ని అనిపించింది. క‌థ చెప్ప‌గానే ఆయ‌న సినిమా చేయ‌డానికి సిద్ధ‌మ‌య్యారు. తెలంగాణ‌, ఆంధ్ర‌ప్ర‌దేశ్ క‌ల‌సి ఉన్న స‌మ‌యంలో 2013 సంవ‌త్స‌రం నేప‌థ్యంలో క‌థ సాగుతుంది. తెలంగాణ ప్రాంతానికి చెందిన యువ‌కుడు ఆంధ్రా ప్రాంతంలో ఉద్యోగం చేయాల్సి వ‌స్తే ఎలాంటి ఇబ్బందులు ఎదుర్కొంటాడు అనే అంశానికి వినోదం, సెంటిమెంట్ మిళితం చేసి క‌థ‌ను చేసుకున్నాను. ఎలాంటి వివాదాల‌కు తావు లేకుండా సున్నిత‌మైన భావోద్వేగాల‌తో సినిమా సాగుతుంది. కుటుంబ‌మంతా క‌ల‌సి చూసే సినిమా ఇది. అంతేకాకుండా రెండు రాష్ర్టాల‌కు సంబంధించిన క‌థ కావ‌డంతో స‌మైక్యంగా న‌వ్వుకుందాం అని సినిమాలో చాటిచెప్పాం.

దేశ‌వాళీ వినోదం..
మ‌న‌చుట్టు ప‌క్క‌ల నిత్య జీవితంలో తార‌సిల్లే వ్య‌క్తుల‌ను స్ఫూర్తిగా తీసుకొని ఇందులో పాత్ర‌ల‌ను సృష్టించాను. పంచ్ డైలాగ్‌లు, ప్రాస‌ల జోలికి పోకుండా పూర్తిగా నిజ జీవితంలో ఎలా మాట్లాడుకుంటామో అలాంటి సంభాష‌ణ‌లే ఉప‌యోగించాం. సెట్స్ వేయ‌కుండా నిజ‌మైన లొకేష‌న్స్‌లోనే సినిమాను తెర‌కెక్కించాం. స‌హ‌జ‌త్వానికి ఎక్కువ ప్రాధాన్య‌త‌ను ఇచ్చాం. ఈ దేశ‌వాళీ వినోదం అంద‌రినీ మెప్పిస్తోంది. రావిశాస్త్రి ర‌చించిన అల్ప‌జీవి న‌వ‌ల న‌న్ను చాలా ఆక‌ట్టుకుంది. అందులోని అంశాల‌ను సినిమా రూపంగా మ‌లిస్తే బాగుంటుంద‌ని అనిపించింది.
సుకుమార్ అవ‌కాశ‌మిచ్చారు. తొలి సినిమాతోనే కృష్ణ‌భ‌గ‌వాన్‌, పోసాని కృష్ణ‌ముర‌ళి, శ్రీ‌నివాస్‌రెడ్డి లాంటి సీనియ‌ర్ న‌టీన‌టుల‌తో క‌ల‌సి ప‌నిచేసే అవ‌కాశం రావ‌డం ఆనందంగా ఉంది. వినూత్న క‌థాంశంతో రూపొందిన చిత్రం కావ‌డంతో ఇండ‌స్ట్రీ వ‌ర్గాలు మాకు అండ‌గా నిలిచాయి. సుకుమార్‌, కొర‌టాల శివ‌, వ‌క్కంతం వంశీ, అనిల్ రావిపూడి సినిమా చూసిన ప్ర‌తి ఒక్క‌రూ బాగుంద‌ని మెచ్చుకున్నారు. వారు ఇచ్చిన ప్రోత్సాహం వ‌ల్లే మంచి ఓపెనింగ్స్ వ‌చ్చాయి. ప్ర‌స్తుతం “జ‌య‌మ్ము నిశ్చ‌య‌మ్ము రా” విజ‌యోత్సాహాన్ని ప‌రిపూర్ణంగా ఆస్వాదిస్తున్నాను.

Stills

The post “జ‌యమ్ము నిశ్చ‌య‌మ్ము రా” ద‌ర్శ‌కుడు శివ‌రాజ్ క‌నుమూరి తో ముఖాముఖి appeared first on Cine Chitram.

గౌత౦ మీనన్ తో ముఖాముఖి

CineChitram — Wed, 16 Nov 2016 04:39:46 +0000

నాగచైతన్య, మంజిమ మోహన్ జంటగా గౌతమ్‌ వాసుదేవ మీనన్‌ దర్శకత్వంలో రూపొందుతున్న మరో విభిన్న కథా చిత్రం ‘సాహసం శ్వాసగా సాగిపోస‌. మిర్యా స‌త్య‌నారాయ‌ణ రెడ్డి సమర్పణలో ద్వారకా క్రియేషన్స్‌ బేనర్‌పై గౌతమ్‌ వాసుదేవ మీనన్‌ దర్శకత్వంలో మిర్యాల రవీందర్‌రెడ్డి నిర్మిస్తున్నారు. ఈ సినిమాను న‌వంబ‌ర్ 11న విడుదలైంది. ఈ సంద‌ర్భంగా చిత్ర ద‌ర్శ‌కుడు గౌత‌మ్ వాసుదేవ్ మీన‌న్‌తో ఇంట‌ర్వ్యూ…..

సినిమా స‌క్సెస్ రెస్పాన్స్ ఎలా ఉంది?

– చాలా బాగుంది. తెలుగు వర్షన్‌తో పాటు తమిళ వర్షన్‌కు(అచ్చమ్ ఎన్బదు మదమైదా – శింబు హీరో) కూడా అద్భుతమైన రెస్పాన్స్ ఉంది. యంగ్‌స్టర్స్ అంతా రొమాన్స్, యాక్షన్‌ను మిక్స్ చేయడాన్ని బాగా ఎంజాయ్ చేస్తున్నారు. రిలీజ్‌కి ఇంత లేట్ అయినా అందరూ ఆ విషయాన్ని పక్కనబెట్టేసి సినిమా చూస్తున్నారు. సో, అందరం హ్యాపీ.

సంవత్సరం పాటు రిలీజ్ ప్రాబ్లమ్స్ ఎందుకు వచ్చాయి?

– తెలుగు రిలీజ్‌కు ఎక్కడా ప్రాబ్లమ్ లేదు. తెలుగులో ఎప్పుడో ఫస్ట్ కాపీతో సహా అంతా రెడీ అయిపోయింది. తమిళ వర్షన్ కొన్ని అనుకోని కారణాల వల్ల వాయిదా పడుతూ వచ్చింది. ఈ మధ్యలో చైతూ కూడా ‘ప్రేమమ్’ మొదలుపెట్టడం, అది రిలీజవ్వడం జరిగిపోయాయి. ఇంత లేట్ అయినా ప్రేక్షకులు ఈ సినిమా కోసం ఎదురుచూడడం మాత్రం మర్చిపోలేనిది.

కరన్సీ బ్యాన్ ఉన్న రోజుల్లో సినిమా విడుదల చేయడం రిస్క్ అనిపించలేదా?

కరన్సీ బ్యాన్‌ను తప్పుపట్టడానికి లేదు. నల్లధనాన్ని తరిమేయాలని ప్రధాని నరేంద్ర మోడీ తీసుకున్న ఈ నిర్ణయం మంచిదే! అయితే మేము ముందే మా సినిమా విడుదల తేదీని ప్రకటించేశాం. అప్పటికే అన్నీ సిద్ధమయ్యాయి. మళ్ళీ వాయిదా వేయడమంటే బాగుండదనే చెప్పిన తేదీకే వచ్చేశాం. కరన్సీ బ్యాన్ వల్ల 30% కలెక్షన్స్ తగ్గినా, మరో మూడు వారాలు సినిమా థియేటర్లలోనే ఉంటుంది కాబట్టి మున్ముందు కలెక్షన్స్ ఇంకా బాగుంటాయన్న నమ్మకం ఉంది.

‘ఏ మాయ చేశావే తరహా’లో ఫస్టాఫ్ నడిపి, సెకండాఫ్ అంతా యాక్షన్ వైపు వెళ్ళారెందుకని?

– ఇది పూర్తిగా ఒక క్యారెక్టర్ డ్రివెన్ స్టోరీ. ఒక కథగా కాకుండా, హీరో పాత్ర ఎటు వెళ్తే సినిమా అలా సాగుతుంది. ఇలాంటి కథలో ఎన్ని జానర్లైనా ఉండొచ్చన్నది నా అభిప్రాయం. నాక్కూడా రెండు, మూడు జానర్స్ మిక్స్ చేసి ప్రయోగం చేయడం చాలా ఇష్టం. అది ఈ సినిమాతో నెరవేరింది. సెకండాఫ్‌కి ఇలా ఎవ్వరూ ఊహించని విధంగా కథే మారిపోవడం కొందరికి బాగా నచ్చింది. ఇంకొందరు అస్సలు బాలేదు అన్నారు. ఏదేమైనా సినిమాపైన డిస్కషన్ జరగాలి. అది నేనెప్పుడూ కోరుకుంటూంటా.

నాగ చైతన్యతో మరోసారి పనిచేయడం ఎలా అనిపించింది? ఏ మాయ చేశావే అప్పటికి, ఈ సినిమాకి ఆయనలో వచ్చిన మార్పు?

– వ్యక్తిగా చై అప్పుడూ, ఇప్పుడూ ఒకేలా ఉన్నాడు. సరదాగా తమ్ముడిలా ఉంటాడు. అతడ్ని డైరెక్ట్ చేయడం చాలా కంఫర్ట్‌గా ఉంటుంది. ఇక్కడ తెలుగు వర్షన్ రిలీజ్‌కు రెడీ అయినా కూడా తమిళ వర్షన్ కోసం లేట్ అవుతున్నా ఓపికగా ఉన్నాడు. ఇక హీరోగా అయితే చైతన్య స్థాయి పెరిగింది. సాహసం శ్వాసగా షూట్ అప్పుడు అంటూ ఉండేవాడిని, “ఈ సినిమాతో నువ్వు మాస్ సినిమాలు కూడా చేయొచ్చు” అని. ఇప్పుడు నిజంగానే మాస్ హీరో అవ్వగలిగే లుక్, స్టేటస్ తెచ్చుకున్నాడు. నేనైతే అతడితో ఇంకో సినిమా చేయడానికైనా రెడీ, చైతూకి ఆ ఫీలింగ్ ఉందో లేదో మరి.

క్లైమాక్స్ విషయంలో కొన్ని విమర్శలు వచ్చాయి కదా, దానిపై మీరేమంటారు?

స) ముందే చెప్పినట్టు ఏ సినిమాకైనా డిస్కషన్ ఉండాలి. అంతవరకూ రియలిస్టిక్‌గా, కాస్త డార్క్‌గా ఉన్న సినిమాను క్లైమాక్స్‌లో పూర్తిగా కమర్షియల్ టచ్‌తో ఎండ్ చేశా. ఇది నేను కావాలని తీసుకున్న నిర్ణయమే! గౌతమ్ మీనన్ మాస్ సినిమా తీస్తే ఇలా ఉంటుందని, చివర్లో ఇచ్చిన టచ్ అన్నమాట. నిజం చెప్పాలంటే క్లైమాక్స్‌లో వచ్చే సబ్‌ప్లాట్‌ని డైలాగ్స్ ద్వారా కాకుండా, మాంటేజ్ సీన్లతో చూపాలనుకున్నా. అవి స్క్రిప్ట్‌లో కూడా ఉన్నాయి. కొన్ని అనుకోని కారణాల వల్ల అది షూట్ చేయడం కుదర్లేదు. అయినప్పటికీ చాలామంది ఈ క్లైమాక్స్‌ను కూడా ఎంజాయ్ చేస్తున్నారు.

తమిళ వర్షన్ వల్ల తెలుగుకి ఇబ్బందులు వచ్చాయి కదా.. భవిష్యత్‌లో ద్విభాషా చిత్రాలను తీయడం మానేస్తారా?

– అది ద్విభాషా చిత్రం అవ్వడం వల్లనే వచ్చిన సమస్య అని చెప్పలేం. కొన్నిసార్లు పరిస్థితులు అలా మారిపోతాయి. నేనైతే ఏ సినిమా అనుకున్నా మొదట రెండు భాషల్లోనూ ఆ సినిమా చేయాలనే ఎక్కువగా ఆలోచిస్తూంటా. నా మేకింగ్ స్టైల్ కూడా ఎవ్వరికీ ఇబ్బంది పెట్టేదిగా ఉండదు కాబట్టి ద్విభాషా చిత్రంతో సమస్యేం లేదు.

The post గౌత౦ మీనన్ తో ముఖాముఖి appeared first on Cine Chitram.

మంజిమ మోహన్‌ తో ముఖాముఖి

CineChitram — Tue, 01 Nov 2016 18:30:11 +0000

లవ్‌, యాక్షన్‌ కలగలిసిన సినిమా ‘సాహసం శ్వాసగా సాగిపో’ – మంజిమ మోహన్‌
నాగచైతన్య, మంజిమ మోహన్‌ జంటగా మిర్యాల సత్యనారాయణరెడ్డి సమర్పణలో ద్వారక క్రియేషన్స్‌ బ్యానర్‌పై గౌతమ్‌ వాసుదేవ్‌ మీనన్‌ జంటగా మిర్యాల రవీందర్‌రెడ్డి నిర్మాతగా రూపొందుతోన్న చిత్రం ‘సాహసం శ్వాసగా సాగిపో’. ఈ సినిమా నవంబర్‌ 11న విడుదల కానుంది. ఈ సందర్భంగా హీరోయిన్‌ మంజిమ మోహన్‌తో ఇంటర్వ్యూ…
‘సాహసం శ్వాసగా సాగిపో’ సినిమాలో అవకాశం ఎలా వచ్చింది?
– నేను చైల్డ్‌ ఆర్టిస్ట్‌ను హీరోయిన్‌గా నేను నటించిన తొలి సినిమా ‘ఒరు వడక్కన్‌ సెల్ఫీ’ ఈ సినిమా ట్రైలర్‌ చూసిన గౌతమ్‌మీనన్‌గారికి నేను నచ్చడంతో ఆయన నన్ను ఆడిషన్‌కు రమ్మని పిలిచారు. ఆడిషన్‌లో నేను సెలక్ట్‌ అయ్యాను. ముందు నన్ను తమిళ సినిమా కోసం ఆడిషన్‌ చేశారనుకున్నాను. అయితే గౌతమ్‌మీనన్‌గారు తెలుగు, తమిళంలో సినిమా చేస్తున్నామని చెప్పగానే నేను భాష పరంగా సమస్య ఉంటుంది కాబట్టి నేను చేయలేనని అన్నాను. ఏం పర్వాలేదు…నువ్వు చేయగలవ్‌ నన్ను నమ్ము అన్నారు. ఆయనపై నమ్మకంతో నేను సినిమా చేయడానికి అంగీకరించాను.
తెలుగులో నటించిన ఎక్స్‌పీరియెన్స్‌ ఎలా ఉంది?
– మంచి అనుభవం అనే చెప్పాలి. ముందు నాకు తెలుగు ఓ ఏలియన్‌ భాషగా తోచేది. కానీ ‘సాహసం శ్వాసగా సాగిపో’ సినిమా చేయడం వల్ల ఇప్పుడు కొంత అర్థం చేసుకోగలుగుతున్నాను. నేను మలయాళీ, తమిళం మాట్లాడటం వచ్చు.
ఒకే సినిమాను వేర్వేరు హీరోలతో చేయడం ఎలా అనిపించింది?
– వేర్వేరు హీరోలతో ఒకే సినిమా చేయడం ఇబ్బందిగా అనిపించలేదు కానీ ఒకే సీన్‌ను వేర్వేరుగా చేయడం ఇబ్బందిగా ఫీలయ్యాను. ఇద్దరు హీరోలు బాగా సపోర్ట్‌ చేశారు. నాగచైతన్య నాకు షూటింగ్‌ ముందే రోజు తెలుగు నేర్పించేవారు. నేను తెలుగు డైలాగ్స్‌ నేర్చుకుని చేసేదాన్ని.
మీ ఫ్యామిలీని ఎలా ఒప్పించారు..?
– నాన్న మలయాళ సినిమాల్లో సినిమాటోగ్రాఫర్‌. ఓ సినిమాలో చైల్డ్‌ ఆర్టిస్ట్‌ అవసరం కావడంతో నాన్నగారు నన్ను నటించమని అడిగారు. అలా ఇండస్ట్రీలోకి చైల్డ్‌ ఆర్టిస్ట్‌గా అడుగుపెట్టాను. హీరోయిన్‌ కావాలనుకోగానే నాన్నకు చెప్పాను. అయితే ఆయన ముందు చదువు పూర్తి చేయమని అన్నారు. డిగ్రీ పూర్తయిన తర్వాత నాన్న ఒప్పుకున్నారు. నాన్నకు ఇండస్ట్రీ అంటే అవగాహన ఉండటంతో పెద్దగా కష్టపడలేదనే అనాలి. చైల్డ్‌ ఆర్టిస్ట్‌గా ఎనిమిది సినిమాలు నటిస్తే, హీరోయిన్‌గా మలయాళంలో ఒక సినిమా చేశాను. తెలుగు, తమిళంలో ఒక సినిమా చేశాను.
నాగచైతన్యతో పనిచేయడం ఎలా అనిపించింది?
– నాగచైతన్య చాలా మంచి కోస్టార్‌. సెట్స్‌లో తనుంటే నన్ను కంఫర్ట్‌గా ఉంచేవాడు. వాతావరణాన్ని జోవియల్‌గా ఉంచేవాడు. డైలాగ్స్‌ విషయంలో నాకు బాగా సపోర్ట్‌ చేశాడు. సీన్‌ను ఎలా చేయాలో డిస్కస్‌ చేసేవాడేవాడు. రొమాంటిక్‌ సీన్స్‌ చేయడంలో నేను వీక్‌ అనే చెప్పాలి. ఇబ్బంది పడేదాన్ని..ఆ సమయంలో చైతు టిప్స్‌ చెప్పాడు. నేను ఎక్కడా ట్రైనింగ్‌ తీసుకోలేదు. షూటింగ్‌ సమయంలో చైతు, శింబు, గౌతమ్‌ మీనన్‌గారు, డైరెక్షన్‌ టీం బాగా సపోర్ట్‌ చేసింది.
క్యారెక్టర్‌ గురించి చెప్పండి?
– సినిమాలో లీలా అనే సింపుల్‌ గర్ల్‌ పాత్రలో కనపడతాను. చైతన్య ఫ్రెండ్‌ చెల్లెలు పాత్రలో కనపడతాను. ఫస్టాఫ్‌ అంతా లవ్‌ ఫీల్‌తో ఉంటే, సెకండాఫ్‌ థ్రిల్లింగ్‌ యాక్షన్‌ మోడ్‌లో ఉంటుంది.
సినిమా విడుదల్లో ఆలస్యం అయ్యింది కదా..ఎలా అనిపించింది?
– నిజానికి సినిమా విడుదల ఆలస్యం అయినప్పుడు కాస్తా ఒత్తిడికి గురైయ్యాను. అయితే గౌతమ్‌మీనన్‌గారు మంచి సినిమా, అవుట్‌ పుట్‌ కావాలంటే సహనం ఉండాలని అనేవారు. రెండు భాషల్లో సినిమా తెరకెక్కేటప్పుడు కొన్ని సమస్యలుంటాయని వెయిట్‌ చేయాలని గౌతమ్‌గారు వివరించారు.
తెలుగు సినిమాలు చూస్తారా?
– లేదండి..పెద్దగా చూసేదాన్ని కాదు… అయితే చిరంజీవిగారు, నాగార్జునగారు, అల్లుఅర్జున్‌ గురించి తెలిసేది. ఎందుకంటే వీరి సినిమాలు మలయాళంలో డబ్‌ అయ్యేవి. తెలుగు సినిమాలో యాక్ట్‌ చేయడం మొదలు పెట్టాక ఏ మాయ చేశావే, మనం సినిమాలను చూశాను. అలాగే నేను శైలజ సినిమా కూడా చూశాను. నేను అందరితో స్నేహంగానే ఉంటాను. పర్టిక్యులర్‌గా బెస్ట్‌ ఫ్రెండ్స్‌ అంటూ ఎవరూ లేరు.
హీరోయిన్‌ అయిన తర్వాత మీ నాన్నగారు ఏమన్నారు?
– సాహసం శ్వాసగా సినిమా చూస్తున్నప్పుడు క్లైమాక్స్‌ సీన్‌ చూసి నేను ఏడ్చేశాను. ఆ సమయంలో నాన్నగారు నన్ను చూసి ఏడ్చేశారు. అప్పుడు నేను నా నటన పట్ల నాన్న సంతృప్తిగా ఉన్నారని అర్థం చేసుకున్నాను. అంతే తప్ప ఎప్పుడూ నాన్న ఇలా చేయాలి..అలా చేయాలని చెప్పలేదు.

The post మంజిమ మోహన్‌ తో ముఖాముఖి appeared first on Cine Chitram.