ప్రశ౦స Archives | Cine Chitram

శతమానంభవతి, పెళ్లిచూపులు చిత్రాలు తెలుగు సినిమా ఖ్యాతిని నిలబెట్టాయి: కేవీ రమణచారి

CineChitram — Tue, 18 Apr 2017 18:53:48 +0000

పెళ్లిచూపులు చిత్రం తెలంగాణ యాసకు, భాషకు జాతీయ స్థాయిలో గౌరవాన్ని తెచ్చిపెట్టింది. మనదైన మాండళికాన్ని సహజంగా ఆవిష్కరించిన చిత్రమిది అని అన్నారు రాష్ట్ర ప్రభుత్వ సలహాదారు కె.వి.రమణాచారి. ఇటీవలే కేంద్ర ప్రభుత్వం ప్రకటించిన 64 జాతీయ సినీ పురస్కారాల్లో తెలుగు చిత్రాలు పెళ్లిచూపులు, శతమానంభవతి అవార్డుల్ని దక్కించుకున్న విషయం తెలిసిందే. ఈ సందర్భంగా ఫిలిమ్ క్రిటిక్స్ అసోసియేషన్ శతమానంభవతి చిత్ర నిర్మాత దిల్‌రాజు, దర్శకుడు సతీష్‌వేగేశ్నతో పాటు పెళ్లిచూపులు దర్శకుడు తరుణ్‌భాస్కర్, నిర్మాత రాజ్‌కందుకూరి, ైస్టెలిష్ట్ లతానాయుడు, హీరో విజయ్ దేవరకొండ, 2012,2013 నంది అవార్డుల విజేతలైన మామిడి హరికృష్ణ, నందగోపాల్, రవిచంద్రలను మంగళవారం హైదరాబాద్‌లో సన్మానించింది. ఈ వేడుకకు ముఖ్యఅతిథిగా హాజరైన ప్రభుత్వ సలహాదారు కె.వి.రమణాచారి మాట్లాడుతూ శతమానంభవతి, పెళ్లిచూపులు చిత్రాలు తెలుగువారందరికి ఆనందదాయకంగా నిలిచాయి. జాతీయ స్థాయిలో తెలుగు సినిమా ఖ్యాతిని నిలబెట్టిన దర్శకనిర్మాతల్ని ఫిలిమ్ క్రిటిక్స్ అసోసియేషన్ గౌరవించడం అభినందనీయం. సీతాకొకచిలుక కావడానికి గొంగళిపురుగు దశను దాటాలి. అలాగే యువతరంలో దాగివున్న ప్రతిభ వెలుగులోకి రావడానికి వారికి చేయూత అవసరం. నిర్మాతగా తెరవెనుక నుండి బాధ్యతల్ని నిర్వర్తిస్తూ హీరోలను ముందుకు నడిపిస్తున్నారు దిల్‌రాజు. శతమానంభవతిలో ప్రకాష్‌రాజ్, జయసుధ అద్వితీయమైన అభినయాన్ని కనబరిచారు. తక్కువ సంభాషణలు, చక్కటి హావభావాలతో అర్థవంతంగా వారి నటన సాగింది. దర్శకుడు తాను తెరపై చూపించదలుచుకున్న మంచి అంశానికి అవసరమైన స్వేచ్ఛ, వనరులతో పాటు అభిరుచికలిగిన నిర్మాత దొరికితే శతమానంభవతి లాంటి చిత్రాలు రూపొందుతాయి. సిరివెన్నెల, సిరిసిరిమువ్వ, స్వాతిముత్యం, శంకరాభరణం వంటి ఆహ్లాదకరమైన టైటిల్స్‌తో ఒకప్పుడు సినిమాలు రూపొందేవి. చాలా కాలం తర్వాత మళ్లీ తెలుగుదనంతో కూడిన మంచి టైటిల్‌తో శతమానంభవతి తెరకెక్కింది. పెళ్లిచూపులులో నిత్యజీవితంలో ఉపయోగించే యాస, భాషను సహజంగా చూపించారు దర్శకుడు తరుణ్‌భాస్కర్. సినిమాల కోసం ప్రత్యేకంగా సంభాషణలను సృష్టించాల్సిన అసవరం లేదని, నిత్యం ఉపయోగించే భాష సరిపోతుందనే తరుణ్‌భాస్కర్ చొరవను ప్రోత్సహించిన రాజ్‌కందుకూరి, సురేష్‌బాబు అభినందనీయులు అని తెలిపారు. రాష్ట్ర ప్రెస్ అకాడమీ చైర్మన్ అల్లం నారాయణ మాట్లాడుతూ మూసధోరణిలో సాగుతున్న తెలుగు సినిమా పరిశ్రమలో కథాబలమున్న చిన్న సినిమా పెళ్లిచూపులు జాతీయ స్థాయిలో అవార్డునుఅందుకోవడం గర్వకారణంగా చెప్పవచ్చు. హిందీ చిత్రసీమలో ప్రయోగాత్మక కథాంశాలు, నూతన ఒరవడితో కూడిన మంచి సినిమాలు అనేకం రూపొందుతున్నాయి. కానీ తెలుగు మాత్రం ఆ దిశగా ప్రయత్నాలు జరగడం లేదు. విలువలతో కూడిన మంచి సినిమాలు రావడంలేదు. కొత్త సినిమాల్లో సంగీతం, సాహిత్యం పతనమైపోతున్నాయి. ఇలాంటి తరుణంలో శతమానంభవతిలో పల్లెటూరి వాతావరణాన్ని, పెద్దలకు, పిల్లలకు మధ్య ఉండే అనుబంధాల్ని, భావోద్వేగాల్ని చాలా హృద్యంగా ఆవిష్కరించారు. పెళ్లిచూపులు సినిమాకుగాను మాటల రచయితగా తరుణ్‌భాస్కర్‌కు అవార్డు రావడం గర్వకారణంగా చెప్పవచ్చు. హైదరాబాద్ యాస, భాషలోని రమ్యతను సినిమాలో చక్కగా ఆవిష్కరించారు. తక్కువ బడ్జెట్‌తో రూపొందిన చిన్న సినిమాలకు అవార్డులు రావడం పట్ల తెలుగు చిత్రపరిశ్రమలోని పెద్ద నిర్మాతలు, సంస్థలు ఆత్మపరిశీలన చేసుకోవాల్సిన అవసరముంది. తెలంగాణ పట్ల సినీ పరిశ్రమ ఆలోచన ధోరణినిని సవరించుకోవాల్సిన అవసరముంది. ఆత్మగౌరవంతో ముడిపడి ఉన్న అంశమని గుర్తించాలి. సినీ పరిశ్రమ హైదరాబాద్ నుంచి ఎక్కడికి తరలిపోదు. ఇక్కడే మనగడ సాగిస్తుంది అని తెలిపారు. తెలంగాణ భాషా సాంస్కృతిక శాఖ డైరెక్టర్, 2012 ఏడాదికిగాను ఉత్తమ సినీ విమర్శకుడిగా నంది పురస్కారాన్ని అందుకున్న మామిడి హరికృష్ణ మాట్లాడుతూ బంగారు తెలంగాణ సాధించాలనే లక్ష్యంతో అన్ని వర్గాల ప్రజలకు ప్రయోజనాలకు చేకూర్చేలా సీఏం కేసీఆర్ అనేక ప్రణాళికలు, పథకాల్ని అమలు చేస్తున్నారు. తరుణ్‌భాస్కర్ రూపొందించిన సైన్మా లఘు చిత్రం తెలంగాణ ప్రభుత్వ భాషా సాంస్కృతిక వారోత్సవాల్లో తొలుత ప్రదర్శితమైంది. కొత్త తరహా, రేపటి తెలంగాణ సినిమాకు పెళ్లిచూపులు చిత్రం చక్కటి నాందిగా నిలిచింది. నైజాం కాలం నుంచి తెలంగాణ సినిమా ప్రగతిశీల భావాలతో ముందుకు సాగుతుంది. ఓ ప్రయోజనాత్మక, అర్థవంతమైన సినిమాలకు తెలంగాణ చిత్రాలు ఉదాహరణగా నిలుస్తున్నాయి. భవిష్యత్తులో తెలంగాణ సినిమా తనదైన ముద్రతో ఎదుగుతుందనడానికి పెళ్లిచూపులు, అప్పట్లో ఒకడుండేవాడు, ఘాజీ సినిమాల్ని నిదర్శనంగా చెప్పవచ్చు అని పేర్కొన్నారు. శతమానంభవతి లాంటి మంచి సినిమా ప్రేక్షకుల్లోకి తీసుకుపోవడానికి, అవార్డులు తెచ్చిపెట్టడానికి కారణమైన ఫిలిమ్ క్రిటిక్స్ అసోసియేషన్ నుంచి సన్మానాన్ని పొందడం ఆనందంగా ఉందని నిర్మాత దిల్‌రాజు పేర్కొన్నారు. ఈ కార్యక్రమంలో తరుణ్‌భాస్కర్, విజయ్‌దేవరకొండ, సతీష్‌వేగేశ్న, రాజ్‌కందుకూరి, సమాచార హక్కు కమీషనర్ విజయ్‌బాబు, ఫిలిమ్ క్రిటిక్స్ అసోసియేషన్ అధ్యక్షుడు బీఏరాజు, ఉపాధ్యక్షుడు లక్ష్మీనారాయణ, సెక్రటరీ మడూరి మధు, సీనియర్ సినీ జర్నలిస్ట్ గుడుపూడి శ్రీహరి, గీతాభాస్కర్, లతానాయుడు, పత్యాగాత్మ, సురేష్ కొండేటి తదితరులు పాల్గొన్నారు.

The post శతమానంభవతి, పెళ్లిచూపులు చిత్రాలు తెలుగు సినిమా ఖ్యాతిని నిలబెట్టాయి: కేవీ రమణచారి appeared first on Cine Chitram.

మీడియాకు కృతఙ్ఞతలు చెప్పిన పెళ్ళిచూపులు టీ౦

CineChitram — Sat, 15 Apr 2017 15:41:25 +0000

ఇటీవలె ఘన విజయం సాధించిన పెళ్ళిచూపులు చిత్రం రెండు నెషనల్ ఆవార్ద్స్ సొంతం చెసుకున్న సందర్భంగా నిర్మాతలు రాజ్ కందుకూరి మరియు యష్ రంగినెని లు సమ్యుక్తంగా వారి ఆనందాన్ని పత్రికా ముఖంగా తెలియచెస్తూ పెక్షకులకు జ్యురి సభ్యులకు మనస్పూర్తిగా వారి కృతజ్నతలు తెలియజేశారు. అలాగే.. తమ సినిమాకు జాతీయ స్థాయిలో గుర్తింపు రావడానికి కారణభూతులవ్వడమే కాక చిన్న సినిమాగా విడుదలై అఖండ విజయం సాధించడానికి తోడ్పడిన మీడియా మిత్రులందరికీ దర్శకనిర్మాతలు తమ ప్రత్యేకంగా ధన్యవాదాలు తెలిపారు.

అలాగె మె ౩న జరిగె నెషనల్ అవార్ద్స్ వెడుకలొ ఢిల్లి లొ వారిద్దరూ అవార్ద్స్ తీసుకొబొవడం చాలా ఆనందం గా ఉందని తెలిపారు. ఈ సందర్భంగా వారు పెళ్ళిచూపులు చిత్ర సభ్యులను కూడా అభినందించారు.

The post మీడియాకు కృతఙ్ఞతలు చెప్పిన పెళ్ళిచూపులు టీ౦ appeared first on Cine Chitram.

ద‌ర్శ‌క‌ర‌త్న దాస‌రి నారాయ‌ణ‌రావుకి అల్లు రామ‌లింగ‌య్య అవార్డు ప్ర‌దానోత్స‌వం!!

CineChitram — Fri, 17 Mar 2017 18:06:10 +0000

మెగాస్టార్ చేతుల మీదుగా `అల్లు అకాడ‌మీ ఆఫ్ ఆర్ట్` ప్రారంభం

`గ‌త 13 సంవ‌త్స‌రాలుగా స్వ‌ర్గీయ అల్లు రామ‌లింగ‌య్యా గారి పేరిట క‌ళా పీఠీం జీతాయ పుర‌స్కారం కార్య‌క్రమం అద్భుతంగా జ‌రుగుతుంది. క‌ళాకారుల‌కు ఆయ‌న పేరిట అవార్డులు అందించ‌డం ఎంతో ఆనందాన్నిచ్చింది. మ‌నిషిగా పుట్టిన త‌ర్వాత మ‌న సంస్కారం తెలిజేయ‌డానికి గీటు రాయి రెండు విష‌యాలు. ఒక‌టి మన మ‌ధ్య లేని పెద్ద‌ల‌ను గుర్తుచేసుకోవడం.. పెద్ద‌ల‌ను ఇలా గౌర‌వించుకోవ‌డం ఎంతో గొప్ప విష‌యం. ఈసారి ఆ అవార్డును ద‌ర్శ‌క‌ర‌త్న దాస‌రి నారాయ‌ణ‌రావు గారికి అందిచ‌డం సంతోషంగా ఉంది` అన్నారు మెగాస్టార్ చిరంజీవి.

2016 సంవ‌త్స‌రానికి గాను సాంస్కృతిక బంధు సారిప‌ల్లి కొండల‌రావు సార‌థ్యంలో డా..అల్లు రామ‌లింగ‌య్య క‌ళాపీఠం జాతీయ పుర‌స్కారం ద‌ర్శ‌క‌త‌ర్న దాస‌రి నారాయ‌ణ‌రావుగారికి అంద‌జేశారు. దాస‌రి అనారోగ్యం కార‌ణంగా ఆసుప‌త్రిలో చికిత్స తీసుకుంటోన్న నేప‌థ్యంలో అవార్డును చిరంజీవి చేతులమీదుగా అల్లు అరవిందు అందుకున్నారు.

అనంత‌రం చిరంజీవి ఇంకా మాట్లాడుతూ `దాస‌రి గారికి- అల్లు రామ‌లింగ‌య్య గారి గురించి చెప్పుకోవాలంటే గీతా ఆర్స్ట్ గురించి చె ప్పుకోవాలి. దాస‌రి గారు గీతా ఆర్స్ట్ లో రెండ‌వ సినిమా డైరెక్ట్ చేశారు. అప్పుడే గీతా ఆర్స్ట్ కు పునాది ప‌డింది. ఈరోజు ఆ సంస్థ ఇంత గొప్ప గా ఉంది అంటే కార‌ణం దాస‌రి గారే. ఆయ‌న వేసిన పునాది వ‌ల్లే . 2016 ఏడాదికి ఆయ‌న‌కు అవార్డు అంద‌జేయ‌డం సంతోషంగా ఉంది. పౌరాణిక నాట‌కం చూడ‌టం ఇదే తొలిసారి. `శ్రీనాథ‌క‌వి సౌర్వ‌భౌమ` నాట‌కాన్ని గుమ్మ‌డి గోపాల‌కృష్ణ గారి టీమ్ న‌టించి మెప్పించిన తీరు న‌న్ను క‌ట్టిప‌డేసింది. నాట‌కాల‌కు ఈరోజుల్లో ఎవ‌రు చూస్తార‌నుకుంటారు. కానీ ఆడిటోరియంలో అంతా మంచి మ‌న‌స్సును హ‌త్తుకునే స‌న్నివేశాలు వ‌చ్చిన‌ప్పుడు మ‌న‌న్ఫూర్తిగా చ‌ప్ప‌ట్లు కొట్ట‌డం చూస్తుంటే నాట‌కాలంటే ఎంత మంది ఇష్ట‌ప‌డుతున్నారో అర్ధ‌మైంది. రామ‌లింగ‌య్య గారికి నాట‌కాలంటే అమితాస‌క్తి. ఆయ‌న నాట‌కాల నుంచే సినిమాల్లోకి వ‌చ్చారు. ఆయ‌న పేరిట ..నాట‌క రంగాన్ని ప్రోత్స‌హిస్తు అవార్డులివ్వ‌డం చాలా సంతోషాన్నిస్తుంది. ఇప్పుడు అల్లు అకాడ‌మీ ఆఫ్ ఆర్ట్స్ ను ఇప్పుడు ప్రారంభించ‌డం.దానికి నేను చైర్మ‌న్ గా ఉండ‌టం చాలా సంతోషంగా ఉంది` అని అన్నారు.

నిర్మాత అల్లు అర‌వింద్ మాట్లాడుతూ ` 65 క్రితం అల్లు రామ‌లింగ‌య్య గారు బ‌ట్ట‌ల పెట్టె ప‌ట్టుకుని మ‌ద్రాస్ ప‌య‌నం అయ్యారు. ఆయ‌న న‌టుడ‌వ్వ‌డం వ‌ల్ల ఇప్పుడు మూడ‌వ త‌రం కొన‌సాగుతుంది. చాలా సంతోషంగా ఉంది. గ‌త కొన్నేళ్ల నుంచి రామ‌లింగ‌య్య గారి పేరిటి సారిప‌ల్లి కొండ‌ల‌రావు గారి అధ్య‌క్ష‌త‌న ఈ అవార్డుల ఇవ్వ‌డం జ‌రుగుతుంది. కానీ ఇక‌పై ఆయ‌న సౌజ‌న్యంలో నే అల్లు అకాడ‌మీ ఆఫ్ ఆర్ట్ పై ఈ అవార్డు ఇవ్వ‌డం జ‌రుగుతుంది. అల్లు రామ‌లింగ‌య్య గారి 100 సంవ‌త్స‌రాలు పూర్త‌య్యే వ‌రకూ వైభ‌వంగా ఈ అకాడ‌మీపైనే ఇస్తాం. త‌ర్వాత నా పిల్ల‌లు కు ఇష్ట‌మైతే దాన్ని కొన‌సాగిస్తారు. అలాగే 2016 ఏడాది కిగా ను దాసరి గారిని అవార్డుతో స‌త్క‌రించుకోవ‌డం ఆనందంగా ఉంది. అనారోగ్యం కార‌ణంగా రాలేక‌పోయారు. చిరంజీవిగారు, నేను స్వ‌యంగా వెళ్లి క‌లిసి అవార్డు ఆయ‌న‌కు అంద‌జేస్తాం` అని అన్నారు.

తెలంగాణ రాష్ర్ట మంత్రి జ‌గ‌దీశ్వ‌ర్ రెడ్డి మాట్లాడుతూ ` సినిమాలు చూడ‌టం త‌క్కువ‌. ఖాళీ స‌మ‌యం దొరికితే కామెడీ ఛాన‌ల్ చూస్తాను. అల్లు రామ‌లింగ‌య్య గారి సీన్స్ వ‌స్తున్నాయంటే అస్స‌లు మిస్ అవ్వ‌ను. ఆయ‌న న‌ట‌నంటే చాలా ఇష్టం. పాత్ర‌లో ఒదిగిపోతారు. అంత గొప్ప వ్య‌క్తి అవార్డు ఫ‌క్ష‌న్ కు నేను రావ‌డం సంతోషంగా ఉంది` అని అన్నారు.

ఈ కార్య‌క్ర‌మంలో ప‌రుచూరి వెంక‌టేశ్వ‌ర‌రావు, కాసు ప్ర‌సాద్ రెడ్డి, మ‌న్నెం గోపీ చంద్ , అల్లు అర్జున్, అల్లు శిరీష్, సారిప‌ల్లి కొండ‌ల‌రావు త‌దిత‌రులు పాల్గొన్నారు.

ఇదే వేదిక పై అల్లు అకాడ‌మీ ఆఫ్ ఆర్ట్ ని మెగాస్టార్ చిరంజీవి ప్రారంభించారు.

The post ద‌ర్శ‌క‌ర‌త్న దాస‌రి నారాయ‌ణ‌రావుకి అల్లు రామ‌లింగ‌య్య అవార్డు ప్ర‌దానోత్స‌వం!! appeared first on Cine Chitram.

కె .వి .రెడ్డి అవార్డు అందుకున్న క్రిష్

CineChitram — Fri, 24 Feb 2017 14:20:02 +0000

‘యువకళావాహిని’ అధ్వర్యం లో రవీంద్రభారతిలో ఫిబ్రవరి 22న కె .వి .రెడ్డి అవార్డు ప్రదానోత్సవం ఘనం గా జరిగింది . మాజీ ముఖ్యమంత్రి ,గవర్నర్ కె .రోశయ్య చేతులమీదుగా దర్శకుడు క్రిష్ కె .వి .రెడ్డి అవార్డు ను అందుకున్నారు . కె .వి .రెడ్డి తక్కువ చిత్రాలే తీసినా అన్నీ జన రంజకం గా రూపొందించారని …. ఆ చిత్రాలు తెలుగు వారి హృదయాలలో చిరస్థాయిగా నిలిచిపోయాయని రోశయ్య అన్నారు .

తెలుగు చలన చిత్ర రంగానికి గౌరవాన్ని ఆపాదించిన దర్శకులలో కె .వి .రెడ్డి అగ్ర గణ్యుడని సిరివెన్నెల సీతారామ శాస్త్రి అన్నారు . ప్రపంచ చలన చిత్ర రంగానికి పాఠ్యఅంశం గా నిలిచిన అలనాటి చిత్రాలను పాఠ్య గ్రంధాలుగా నేటి దర్శకులు అధ్యయనం చెయ్యాలని అన్నారు . కె .వి .రెడ్డి అవార్డు అందుకోవడమంటే జీవిత సాఫల్య పురస్కారాన్ని అందుకోవడం తో సమానమని , అవార్డు గ్రహీత క్రిష్ పెరిగిన బాధ్యతతో మరింత మంచి చిత్రాలు చెయ్యాలని అన్నారు .

తన చిత్రం లోని డైలాగ్ లా ‘ జనం చూసేదే మనం సెయాల ‘ అనేదే కె .వి .రెడ్డి గారు అనుసరించిన విధానమని అవార్డు గ్రహీత క్రిష్ అన్నారు . . ‘మాయాబజార్’ కు సరితూగే చిత్రం ఇంతవరకు రాలేదని , తోట రాముడు ను మించిన కమర్షియల్ హీరో లేడని అన్నారు . చిత్ర నిర్మాణం లో కె .వి .రెడ్డి గారి స్ఫూర్తి తో… తప్పటడుగులు వేసినా, తప్పుటడుగులు పడకుండా పయనిస్తానన్నారు .

సారిపల్లి కొండలరావు అధ్యక్షత వహించిన ఈ కార్యక్రమం లో కె .వి .రెడ్డి గారి తనయుడు కె .రామ చంద్రా రెడ్డి , డా .కె .వి .కృష్ణ కుమారి , గీతాంజలి , తమ్మారెడ్డి భరద్వాజ , బుర్రా సాయిమాధవ్ , జె .బి .రాజు , ‘ సంధ్య ఫిల్మ్స్’ రవి కనగాల, వై .కె .నాగేశ్వర రావు పాల్గొన్నారు . ఈ సందర్భం గా ‘శృతిలయ ఆర్ట్స్ అకాడమీ’ ఆమని సమర్పణ లో కె .వి .రెడ్డి – క్రిష్ చలన చిత్ర సంగీత విభావరి ఆహుతులను అలరించింది

Stills

The post కె .వి .రెడ్డి అవార్డు అందుకున్న క్రిష్ appeared first on Cine Chitram.

“ఘాజీ”పై అగ్ర దర్శకుల ప్రశంసలు !!

CineChitram — Wed, 22 Feb 2017 14:36:10 +0000

జలాంతర్గామి నేపధ్యంలో తెరకెక్కిన మొట్టమొదటి భారతీయ చిత్రంగా పేరు తెచ్చుకొన్న “ఘాజీ” అశేష అభిమానాన్ని చూరగొంది. ఇప్పుడు “ఘాజీ” చిత్రంపై తెలుగు చిత్రసీమకు చెందిన అగ్ర దర్శకులు ప్రశంసల వర్షం కురిపిస్తున్నారు. తెలుగు, తమిళ, హిందీ భాషల్లో విజయవంతంగా ప్రదర్శితమవుతున్న “ఘాజీ” చిత్రంపై ప్రముఖ దర్శకులు చేసి ట్వీట్లు..

రాజమౌళి: ఆన్ స్క్రీన్ మాత్రమే కాదు ఆఫ్ స్క్రీన్ లో కూడా కెప్టెన్ & క్రూ అద్భుతమైన ప్రదర్శనతో అలరించారు. రానాకి శుభాకాంక్షలు!

క్రిష్: తెలుగు సినిమా ఖ్యాతిని పెంచినందుకు, ఒక థ్రిల్లింగ్ సినిమాటిక్ ఎక్స్ పీరియన్స్ ను అందించినందుకు “ఘాజీ” చిత్ర బృందానికి రానాకి నా ధన్యవాదాలు.

కొరటాల శివ: “ఘాజీ” చిత్రాన్ని చూస్తున్నంతసేపూ ఒక అపురూపమైన అనుభూతికి లోనయ్యాను. దర్శకుడు సంకల్ప్ అండ్ టీం చాలా ఎఫెర్ట్ పెట్టి ఈ చిత్రాన్ని తెరకెక్కించారు. అర్జున్ గా రాణా సబ్ మెరైన్ ను ఎంత చాకచక్యంతో నడిపించాడో దర్శకుడు అంతకుమించిన నేర్పుతో చిత్రాన్ని రూపొందించాడు. కథను నమ్మి ఈ చిత్రాన్ని నిర్మించిన నిర్మాతలకు నా శుభాకాంక్షలు. నా స్నేహితుడు మధి సినిమాటోగ్రఫీని ప్రత్యేకంగా మెచ్చుకొని తీరాలి.

వంశీ పైడిపల్లి: దర్శకుడు సంకల్ప్ కి ఈ చిత్రం బ్రిలియంట్ డెబ్యూ, అందరూ తప్పకుండా చూడాల్సిన చిత్రం “ఘాజీ”.

వీరితోపాటు దర్శకులు తేజ, మారుతి కూడా “ఘాజీ” చిత్రాన్ని, చిత్ర బృందాన్ని అభినందించారు!

Stills

The post “ఘాజీ”పై అగ్ర దర్శకుల ప్రశంసలు !! appeared first on Cine Chitram.

దర్శకులు ఎ కోదండరామిరెడ్డి , బి గోపాల్ లకు డా. గజల్ శ్రీనివాస్ పాలకొల్లు కళా పరిషత్ జీవన సాఫల్య పురస్కారాలు

CineChitram — Wed, 15 Feb 2017 15:16:35 +0000

హైదరాబాద్:

ప్రఖ్యాత చలన చిత్ర దర్శకులు ఎ కోదండరామిరెడ్డి , బి గోపాల్ లకు డా. గజల్ శ్రీనివాస్ పాలకొల్లు కళా పరిషత్ జీవన సాఫల్య పురస్కారాలతో సత్కరించనున్నట్లు సంస్థ అధ్యక్షులు శ్రీ మేడికొండ శ్రీనివాస చౌదరి తెలిపారు .

11 మార్చి 2017 సా. 6 గం. లకు పాలకొల్లు లోని శ్రీ యియ్యపు వీరభద్రయ్య కళా ప్రాంగణం , మఠం వీధి, పాలకొల్లు లో జరిగే డా. గజల్ శ్రీనివాస్ పాలకొల్లు కళా పరిషత్
జాతీయ స్థాయి నాటకోత్సవాలు ప్రారంభోత్సవ సభలో వీరిని కేంద్రమంత్రి శ్రీ సుజనా చౌదరి, శాసన మండలి చైర్మన్ శ్రీ చక్రపాణి , వైద్య శాఖా మంత్రి శ్రీ కామినేని శ్రీనివాస్ , పూర్వ కేంద్ర మంత్రి శ్రీమతి పురందేశ్వరి, శ్రీ డొక్కా మాణిక్య వరప్రసాద్ లు సత్కరిస్తారని తెలిపారు . ఈ సభలో పాలకొల్లు కు చెందిన మాటల రచయిత శ్రీ చింతపల్లి రమణ కు “గజల్ ఆత్మీయ ప్రతిభా పురస్కారాన్ని” అందించనున్నారు .

మార్చి 11 నుండి 13 వరకు ఈ జాతీయ నాటకోత్సవాలు నిర్వహించనున్నట్లు అందులో
9 నాటికలను ప్రదర్శించనున్నట్లు సంస్థ వ్యవస్థాపకులు శ్రీ మానాపురం సత్యన్నారాయణ, కార్యదర్శి శ్రీ కృష్ణ వర్మ తెలిపారు

The post దర్శకులు ఎ కోదండరామిరెడ్డి , బి గోపాల్ లకు డా. గజల్ శ్రీనివాస్ పాలకొల్లు కళా పరిషత్ జీవన సాఫల్య పురస్కారాలు appeared first on Cine Chitram.

శ్రీనివాస్ రెడ్డి కి పవన్ కళ్యాణ్ అభినందనలు

CineChitram — Sun, 05 Feb 2017 12:36:10 +0000

పవర్ స్టార్ పవన్ కళ్యాణ్, కమెడీయన్ శ్రీనువాస్ రెడ్డిని అభినందించారు. చాలా అరుదుగా సినిమాలు చూసే పవన్ కళ్యాణ్, రీసెంట్ గా జయమ్ము నిశ్చయమ్మురా సినిమాని చూసారు. కమెడియన్ శ్రీనివాస్ రెడ్డి హీరోగా నటించిన ఈ సినిమా బాక్సాఫీస్ వద్ద మంచి విజయాన్ని అందుకుంది. రెగ్యులర్ కమర్షియల్ సినిమాలా కాకుండా క్లీన్ లవ్ ఎంటర్టైనర్ గా ఈ మూవీ తెరకెక్కింది.

జయమ్ము నిశ్చయమ్ము రా లో ” అత్తారింటికి దారేది” సినిమా కూడా ఒక కీ రోల్ పోషించింది. ఆ సినిమా బ్యాక్ డ్రాప్ లో కొన్ని ఎమోషనల్ సీన్స్ ని డిజైన్ చేసాడు దర్శకుడు శివాజి. ఆ సీన్స్ కి థియేటర్ లో మంచి రెస్పాన్స్ వచ్చింది. సినిమా లొనే పవన్ ఇమేజ్ కొన్ని సన్నివేశాలు బలం అందించింది.

జయమ్ము నిశ్చయమ్మురా సినిమా ప్రేక్షకులను, విమర్శకులను బాగా మెప్పించింది. నటుడిగా శ్రీనివాస్ రెడ్డి స్థాయిని కూడా పెంచింది. సినిమా చూసిన చాలా మంది శ్రీనివాస్ రెడ్డిని మెచ్చుకున్నారు. ఇప్పుడు పవన్ కళ్యాణ్ నుంచి అభినందనలు లభించాయి. ‘నువ్వొక మంచి సినిమా చేశావు. సినిమా చూసి ఎంజాయ్ చేశాను. నీకు నా బెస్ట్ విషెస్’ అని అభినందిస్తూ ఒక ఫ్లవర్ బొకేని శ్రీనివాస్ రెడ్డికి పంపారు పవర్ స్టార్.

జయమ్ము నిశ్చయమ్మురా ఇచ్చి సక్సెస్ తో, కొత్త సినిమాల మీద ఫోకస్ చేస్తూ బిజీగా ఉన్న శ్రీనివాస్ రెడ్డి, సడన్ గా వచ్చిన పవన్ విషెస్ మరింత ఉత్సాహాన్ని ఇచ్చాయి.
. శ్రీనివాస్ రెడ్డి ఈ విషయాన్ని ట్విట్టర్ ద్వారా చెబుతూ పవన్ కళ్యాణ్ కు థ్యాంక్స్ చెప్పారు.

Stills

The post శ్రీనివాస్ రెడ్డి కి పవన్ కళ్యాణ్ అభినందనలు appeared first on Cine Chitram.

మెగాస్టార్ ను సత్కరి౦చిన టి సుబ్బిరమిరెడ్డి

CineChitram — Wed, 01 Feb 2017 15:41:45 +0000

Stills

The post మెగాస్టార్ ను సత్కరి౦చిన టి సుబ్బిరమిరెడ్డి appeared first on Cine Chitram.

భాగ్యరాజ్ ద౦పతులకు సన్మాన౦

CineChitram — Wed, 01 Feb 2017 13:34:53 +0000

Stills

The post భాగ్యరాజ్ ద౦పతులకు సన్మాన౦ appeared first on Cine Chitram.

విలక్షణ నటుడికి పాండిచేరి ప్రభుత్వం సన్మానం!

CineChitram — Fri, 06 Jan 2017 12:14:47 +0000

నటుడిగా, వ్యక్తిగా డా.మోహన్ బాబు గురించి ప్రత్యేకించి చెప్పాల్సిన అవసరం లేదు. పద్మశ్రీ అవార్డ్ గ్రహీత అయిన మోహన్ బాబుకు ఈరోజు సాయంత్రం యానాంలో జరగనున్న వేడుకల్లో పాండిచేరి ప్రభుత్వం ప్రత్యేక సన్మానం చేయనుంది. ఈ సన్మాన వేడుకలో పాండిచేరి ముఖ్యమంత్రి వి.నారాయణస్వామితోపాటు పలువురు రాజకీయ ప్రముఖులు పాలుపంచుకోనున్నారు.

నటుడిగా చిత్ర పరిశ్రమకు, వ్యక్తిగా “శ్రీ విద్యానికేతన్” ద్వారా విద్యా వ్యవస్థకు ఎంతో సేవ చేసిన మోహన్ బాబుగారిని సత్కరించడం చాలా సంతోషంగా ఉందని పాండిచేరి కళాశాఖ నిర్వాహకులు తెలిపారు!

The post విలక్షణ నటుడికి పాండిచేరి ప్రభుత్వం సన్మానం! appeared first on Cine Chitram.