కార్యక్రమములు Archives | Cine Chitram

చెన్నై లో మిక్చర్ పొట్లం ప్రీమియర్ షో

CineChitram — Fri, 12 May 2017 16:01:20 +0000

శ్వేతాబసు ప్రసాద్ కీలక పాత్ర పోషించిన మిక్చర్ పొట్లం చిత్రం ఈనెల 19న రిలీజ్ కి సిద్ధమైంది . సీనియర్ నటుడు భానుచందర్ తనయుడు జయంత్ హీరోగా పరిచయం అవుతున్నాడు ఈ మిక్చర్ పొట్లం చిత్రంతో . గీతాంజలి మరో హీరోయిన్ గా నటిస్తున్న ఈ చిత్రానికి ఎం వి సతీష్ కుమార్ దర్శకత్వం వహించగా గోదావరి సినీ టోన్ పతాకంపై కలపటపు లక్ష్మీ ప్రసాద్ , కంటే వీరన్న చౌదరీ , లంకపల్లి శ్రీనివాసరావు లు సంయుక్తంగా నిర్మించారు . వెటరన్ సంగీత దర్శకుడు మాధవపెద్ది సురేష్ ఈ చిత్రానికి సంగీతం అందించడం విశేషం .

మిక్చర్ పొట్లం రిలీజ్ కి సిద్దమైన నేపథ్యంలో చెన్నై లో ఈ చిత్ర ప్రీమియర్ షో ఏర్పాటు చేసారు . ఈ షో ని చూసినవాళ్లలో దర్శకులు , నటులు కే భాగ్యరాజా దంపతులు , మాజీ హీరోయిన్ లిజి , భానుచందర్ , ఎస్పీ బాలసుబ్రహ్మణ్యం , చారుహాసన్ ,వెన్నెలకంటి తదితరులతో పాటు పలువురు సినీ ప్రముఖులు ఈ వేడుకలో పాల్గొన్నారు . మిక్చర్ పొట్లం ని చూసిన భాగ్యరాజా , ఎస్పీ బాలు , లిజి , చారుహాసన్ లు అభినందనలతో ముంచెత్తారు . మిక్చర్ పొట్లం సినిమా చాలా బాగుందని తప్పకుండా ప్రేక్షకులకు కూడా బాగా నచ్చుతుందని దర్శక నిర్మాతలకు శుభాకాంక్షలు అందజేశారు .

చిత్ర నిర్మాతలు కలపటపు లక్ష్మీప్రసాద్ ,కంటే వీరన్న చౌదరి , లంకపల్లి శ్రీనివాసరావు లు మాట్లాడుతూ ‘ ‘ మిక్చర్ పొట్లం తో తొలి ప్రయత్నంగా చిత్ర నిర్మాణ రంగంలోకి వచ్చామని , అన్ని అంశాలతో ప్రేక్షకులను అలరించేలా ఈ సినిమా రూపొందిందని ……. మా మిక్చర్ పొట్లం ప్రీమియర్ షోకి కేరళ నుండి ప్రత్యేకంగా చెన్నై కి అది కూడా సతీసమేతంగా రావడం మా అదృష్టమని అలాగే భాగ్యరాజా గారికి మా సినిమా నచ్చడం చాలా సంతోషంగా ఉందని అన్నారు .

దర్శకులు ఎంవి సతీష్ మాట్లాడుతూ ” చెన్నై లో జరిగిన ప్రీమియర్ షోకి పెద్ద ఎత్తున స్పందన వచ్చిందని , అన్నింటికీ మించి సినిమా రంగంలో లెజెండ్స్ అయిన కే భాగ్యరాజా , చారుహాసన్ , మాజీ హీరోయిన్ లిజి లతో పాటు పలువురు సినీ ప్రముఖులు మా చిత్రాన్ని చూసి అభినందించడం నా జీవితంలో మర్చిపోలేని సంఘటన అని ఈనెల 19న మిక్చర్ పొట్లం చిత్రాన్ని రిలీజ్ చేస్తున్నామని తప్పకుండా ప్రేక్షకులను అలరిస్తుందన్న నమ్మకం ఉందన్నారు

The post చెన్నై లో మిక్చర్ పొట్లం ప్రీమియర్ షో appeared first on Cine Chitram.

మెగాబ్రదర్‌ నాగబాబుచే పూజా కార్యక్రమాలతో ప్రారంభమైన ‘కళ్యాణ్‌ ఫ్యాన్‌ ఆఫ్‌ పవన్‌’

CineChitram — Thu, 11 May 2017 05:04:57 +0000

శ్రీ లక్ష్మీలోహిత క్రియేషన్స్‌ అండ్‌ శ్రీ శరణ్య సినీ చిత్ర కంబైన్స్‌ సంయుక్తంగా సత్య డైరెక్షన్‌లో నిర్మాత టి. రామకృష్ణ నిర్మిస్తున్న చిత్రం ‘కళ్యాణ్‌ ఫ్యాన్‌ ఆఫ్‌ పవన్‌’. కళ్యాణ్‌, లక్ష్మీశిల్ప హీరో హీరోయిన్‌లుగా నటిస్తున్న ఈ చిత్రం బుధవారం హైదరాబాద్‌ అన్నపూర్ణ స్టూడియోస్‌లో మెగా బ్రదర్‌ నాగబాబు చేతుల మీదుగా పూజా కార్యక్రమాలను జరుపుకుంది. అనంతరం నటి కవిత తొలి సన్నివేశానికి క్లాప్‌ నివ్వగా నిర్మాత సాయివెంకట్‌ కెమెరా స్విచ్ఛాన్‌ చేశారు. ప్రముఖ దర్శకులు సాగర్‌ ఈ చిత్రం తొలి సన్నివేశానికి గౌరవ దర్శకత్వం వహించారు. అనంతరం చిత్ర నిర్మాత టి. రామకృష్ణ మాట్లాడుతూ.. చిత్ర ప్రారంభోత్సవానికి విచ్చేసి మమ్మల్ని ఆశీర్వదించిన అతిధులందరికీ ప్రత్యేక ధన్యవాదాలు తెలుపుకుంటున్నాము. జూన్‌ మొదటివారం నుండి చిత్ర రెగ్యులర్‌ షూటింగ్‌ మొదలవుతోంది. విశాఖపట్నం, అరకు, హైదరాబాద్‌ పరిసర ప్రాంతాలలో మొదటి షెడ్యుల్‌ షూటింగ్‌ని ప్లాన్‌ చేశాము…అని తెలిపారు.

కళ్యాణ్‌, లక్ష్మీశిల్ప, పోసాని కృష్ణమురళీ, సాయికుమార్‌, కవిత, విజయ్‌, వెంకటేష్‌ మరియు నూతన నటీనటులు నటించనున్న ఈ చిత్రానికి మ్యూజిక్‌: జయసూర్య, ఎడిటింగ్‌: నందమూరి హరి, కెమెరా: మహిషర్ల, నిర్మాత: టి. రామకృష్ణ, దర్శకత్వం: సత్య.

The post మెగాబ్రదర్‌ నాగబాబుచే పూజా కార్యక్రమాలతో ప్రారంభమైన ‘కళ్యాణ్‌ ఫ్యాన్‌ ఆఫ్‌ పవన్‌’ appeared first on Cine Chitram.

గోపీచంద్ “ఆరడుగుల బుల్లెట్” !!

CineChitram — Sat, 22 Apr 2017 10:28:51 +0000

యాక్షన్ హీరో గోపీచంద్-సెన్సేషనల్ డైరెక్టర్ బి.గోపాల్ ల కాంబినేషన్ లో జయా బాలాజీ రియల్ మీడియా పతాకంపై తెరకెక్కుతున్న ఈ చిత్రానికి తాండ్ర రమేష్ నిర్మాత. గోపీచంద్ సరసన నయనతార కథానాయికగా నటిస్తున్న ఈ యాక్షన్ ఎంటర్టైనర్ కు “ఆరడుగుల బుల్లెట్” అనే పవర్ ఫుల్ టైటిల్ ను కన్ఫర్మ్ చేశారు. మణిశర్మ సంగీత సారధ్యం వహిస్తున్నారు.

చిత్ర నిర్మాత తాండ్ర రమేష్ మాట్లాడుతూ.. “గతంలో చిరంజీవి, బాలకృష్ణ, మోహన్ బాబు వంటి స్టార్ హీరోలకు ఇండస్ట్రీ హిట్ లు ఇచ్చిన దర్శకుడు బి.గోపాల్ ఇప్పుడు గోపీచంద్ కు కూడా అదే స్థాయి హిట్ చిత్రాన్ని ఇవ్వనున్నారు. ఫ్యామిలీ మాస్ యాక్షన్ ఎంటర్ టైనర్ గా తెరకెక్కిన మా సినిమాకి “ఆరడుగుల బుల్లెట్” అనే టైటిల్ ను ఫిక్స్ చేశాం. ఫ్యామిలీ ఆడియన్స్ తోపాటు యూత్, మాస్ ఆడియన్స్ కు నచ్చే అంశాలు మేళవించి దర్శకులు బి.గోపాల్ ఈ చిత్రాన్ని తెరకెక్కించారు. ప్రముఖ రచయితలు వక్కంతం వంశీ అందించిన కథ, అబ్బూరి రవి మాటలు, బాల మురుగన్ సినిమాటోగ్రఫీ సినిమాకి హైలైట్స్ గా నిలుస్తాయి. గోపీచంద్ కెరీర్ లో ఈ చిత్రం ఓ మైలురాయిగా నిలుస్తుంది. నిర్మాణానంతర కార్యక్రమాలు దాదాపుగా పూర్తి చేసుకున్న “ఆరడుగుల బుల్లెట్”ను మేలో ప్రేక్షకుల ముందుకు తీసుకురానున్నాం” అన్నారు.

ప్రకాష్ రాజ్, బ్రహ్మానందం, కోట శ్రీనివాసరావు, అభిమన్యు సింగ్, చలపతిరావ్, సలీం బేగ్, ఉత్తేజ్, జయప్రకాష్ రెడ్డి, ఫిరోజ్ అబ్బాసి, రమాప్రభ, సురేఖావాణి, సన, సంధ్యా జనక్, మధునందన్ తదితరులు ఇతర ముఖ్యపాత్రలు పోషిస్తున్న ఈ చిత్రానికి సంగీతం: మణిశర్మ, కథ: వక్కంతం వంశీ, మాటలు: అబ్బూరి రవి, ఫైట్స్: కనల్ కణ్ణన్, సినిమాటోగ్రఫీ: బాల మురుగన్, ఎడిటింగ్: కోటగిరి వెంకటేశ్వర్రావు, ఆర్ట్: నారాయణ రెడ్డి, నిర్మాత: తాండ్ర రమేష్, దర్శకత్వం: బి.గోపాల్!

The post గోపీచంద్ “ఆరడుగుల బుల్లెట్” !! appeared first on Cine Chitram.

సాయి అరుణాచలేశ్వర క్రియేషన్స్‌ ప్రొడక్షన్‌ నెం.1 `హ‌రే రామ హ‌రే కృష్ణ‌` ప్రారంభం

CineChitram — Sat, 22 Apr 2017 08:31:17 +0000

సాయి అరుణాచలేశ్వర క్రియేషన్స్‌ బ్యానర్‌పై దిలీప్‌ ప్రకాష్‌, రెజీనా హీరో హీరోయిన్లుగా అర్జున్‌సాయి దర్శకత్వంలో నవీన్‌ రెడ్డి ఎన్‌ నిర్మాతగా కొత్త చిత్రం `హ‌రే రామ హ‌రే కృష్ణ‌` శుక్రవారం హైదరాబాద్‌ రామానాయుడు స్టూడియోలో ప్రారంభమైంది. ముహుర్తపు సన్నివేశానికి చందు మొండేటి క్లాప్‌ కొట్టగా, ఎడిటర్‌ కోటగిరి వెంకటేశ్వరరావు కెమెరా స్విచ్చాన్‌ చేశారు. తొలి సన్నివేశానికి వీరశంకర్‌ గౌరవ దర్శకత్వం వహించారు. ఈ సందర్భంగా….

దర్శకుడు అర్జున్‌సాయి మాట్లాడుతూ – ”శ్రీమన్నారాయణ, ఢమరుకం, నక్షత్రం సినిమాలకు రచయితగా పనిచేశాను. దర్శకుడుగా నా తొలి చిత్రమిది. కామెడికి ఎక్కువ ఇంపార్టెన్స్‌ ఇస్తూ స్క్రిప్ట్‌ను తయారుచేసుకున్నాను. మే నెల ప్రథమార్థంలో కులుమనాలిలో సినిమా రెగ్యులర్‌ షూటింగ్‌ జరుగుతుంది” అన్నారు.

రెజీనా మాట్లాడుతూ – ”డిఫరెంట్‌ కథ, కథనాలతో సాగే చిత్రమిది. హెచ్‌.ఆర్‌.డిపార్ట్‌మెంట్‌లో కనపడే అమ్మాయి. సంప్రదాయ కళలకు ఆదరణ తగ్గిపోతున్నాయి. అలా ఆదరణ తగ్గిపోతున్న సంప్రదాయ కళలను కాపాడటానికి ప్రయత్నించే యువతి పాత్రలో నేను నటిస్తున్నాను. నా పాత్రను దర్శకుడు అర్జున్‌గారు బాగా డిజైన్‌ చేశారు. ఈ సినిమాలో నా మదర్‌ పాత్రలో సీనియర్‌ హీరోయిన్‌ ఆమనిగారు నటిస్తున్నారు” అన్నారు.

నిర్మాత నవీన్‌రెడ్డి ఎన్‌ మాట్లాడుతూ – ”ఏడాదిన్నర క్రితం ఈ కథను దర్శకుడు అర్జున్‌ చెప్పారు. వినగానే బాగా నచ్చింది. రెగ్యులర్‌ కమర్షియల్‌ సినిమాలకు భిన్నంగా మా సినిమాను రూపొందిస్తాం. మంచి టీం కుదిరింది. ప్రకాష్‌రాజ్‌, రసూల్‌ ఎల్లోర్‌గారు ఒప్పుకోకుంటే సినిమా చేసేవాడిని. రెజీనా చాలా బిజీగా ఉన్నా, కథ నచ్చగానే సినిమా చేయడానికి ఒప్పుకోవడం ఆనందంగా ఉంది.తెలుగు, తమిళంలో ఏకకాలంలో సినిమాను తెరకెక్కిస్తాం” అన్నారు.

రసూల్‌ ఎల్లోర్‌ మాట్లాడుతూ – ”హిందీలో చేయాల్సిన సినిమా ఇది. చాలా డిఫరెంట్‌గా ఉంటుంది. అప్పుడప్పుడు ప్రేక్షకులకు చేంజ్‌ కలిగించే కాన్సెప్ట్‌ చిత్రమిది. కొత్త నటీనటులను ఆదరిస్తే మరిన్ని కొత్త సినిమాలు వస్తాయి” అన్నారు.

దిలీప్‌ప్రకాష్‌ మాట్లాడుతూ – ”హీరోగా నా తొలి చిత్రమిది. తొలి సినిమానే మంచి సీనియర్స్‌ ఉన్న టీంతో కలిసి పనిచేయడం ఎంతో ఆనందంగా ఉంది. నన్ను ప్రేక్షకులు ఆదరిస్తారనే నమ్మకం ఉంది” అన్నారు.

ఈ కార్యక్రమంలో హీరో బ్రహ్మ కడలి తదితరులు పాల్గొన్నారు.

ప్రకాష్‌రాజ్‌, ఆమని, నాజర్‌, కృష్ణభగవాన్‌, కాశీవిశ్వనాథ్‌, అలీ, పృథ్వీ, నాగినీడు, రచ్చరవి, రఘుబాబు తదితరులు నటిస్తున్న ఈ చిత్రానికి మాటలు: రమణ గోపిశెట్టి, కళ: బ్రహ్మకడలి, కూర్పు: కోటగిరి వెంకటేశ్వరరావు, ఛాయాగ్రహణం: రసూల్‌ ఎల్లోర్‌, సంగీతం: అనూప్‌ రూబెన్స్‌, నిర్మాత: నవీన్‌ రెడ్డి ఎన్‌, రచన-దర్శకత్వం: అర్జున్‌ సాయి

The post సాయి అరుణాచలేశ్వర క్రియేషన్స్‌ ప్రొడక్షన్‌ నెం.1 `హ‌రే రామ హ‌రే కృష్ణ‌` ప్రారంభం appeared first on Cine Chitram.

శతమానంభవతి, పెళ్లిచూపులు చిత్రాలు తెలుగు సినిమా ఖ్యాతిని నిలబెట్టాయి: కేవీ రమణచారి

CineChitram — Tue, 18 Apr 2017 18:53:48 +0000

పెళ్లిచూపులు చిత్రం తెలంగాణ యాసకు, భాషకు జాతీయ స్థాయిలో గౌరవాన్ని తెచ్చిపెట్టింది. మనదైన మాండళికాన్ని సహజంగా ఆవిష్కరించిన చిత్రమిది అని అన్నారు రాష్ట్ర ప్రభుత్వ సలహాదారు కె.వి.రమణాచారి. ఇటీవలే కేంద్ర ప్రభుత్వం ప్రకటించిన 64 జాతీయ సినీ పురస్కారాల్లో తెలుగు చిత్రాలు పెళ్లిచూపులు, శతమానంభవతి అవార్డుల్ని దక్కించుకున్న విషయం తెలిసిందే. ఈ సందర్భంగా ఫిలిమ్ క్రిటిక్స్ అసోసియేషన్ శతమానంభవతి చిత్ర నిర్మాత దిల్‌రాజు, దర్శకుడు సతీష్‌వేగేశ్నతో పాటు పెళ్లిచూపులు దర్శకుడు తరుణ్‌భాస్కర్, నిర్మాత రాజ్‌కందుకూరి, ైస్టెలిష్ట్ లతానాయుడు, హీరో విజయ్ దేవరకొండ, 2012,2013 నంది అవార్డుల విజేతలైన మామిడి హరికృష్ణ, నందగోపాల్, రవిచంద్రలను మంగళవారం హైదరాబాద్‌లో సన్మానించింది. ఈ వేడుకకు ముఖ్యఅతిథిగా హాజరైన ప్రభుత్వ సలహాదారు కె.వి.రమణాచారి మాట్లాడుతూ శతమానంభవతి, పెళ్లిచూపులు చిత్రాలు తెలుగువారందరికి ఆనందదాయకంగా నిలిచాయి. జాతీయ స్థాయిలో తెలుగు సినిమా ఖ్యాతిని నిలబెట్టిన దర్శకనిర్మాతల్ని ఫిలిమ్ క్రిటిక్స్ అసోసియేషన్ గౌరవించడం అభినందనీయం. సీతాకొకచిలుక కావడానికి గొంగళిపురుగు దశను దాటాలి. అలాగే యువతరంలో దాగివున్న ప్రతిభ వెలుగులోకి రావడానికి వారికి చేయూత అవసరం. నిర్మాతగా తెరవెనుక నుండి బాధ్యతల్ని నిర్వర్తిస్తూ హీరోలను ముందుకు నడిపిస్తున్నారు దిల్‌రాజు. శతమానంభవతిలో ప్రకాష్‌రాజ్, జయసుధ అద్వితీయమైన అభినయాన్ని కనబరిచారు. తక్కువ సంభాషణలు, చక్కటి హావభావాలతో అర్థవంతంగా వారి నటన సాగింది. దర్శకుడు తాను తెరపై చూపించదలుచుకున్న మంచి అంశానికి అవసరమైన స్వేచ్ఛ, వనరులతో పాటు అభిరుచికలిగిన నిర్మాత దొరికితే శతమానంభవతి లాంటి చిత్రాలు రూపొందుతాయి. సిరివెన్నెల, సిరిసిరిమువ్వ, స్వాతిముత్యం, శంకరాభరణం వంటి ఆహ్లాదకరమైన టైటిల్స్‌తో ఒకప్పుడు సినిమాలు రూపొందేవి. చాలా కాలం తర్వాత మళ్లీ తెలుగుదనంతో కూడిన మంచి టైటిల్‌తో శతమానంభవతి తెరకెక్కింది. పెళ్లిచూపులులో నిత్యజీవితంలో ఉపయోగించే యాస, భాషను సహజంగా చూపించారు దర్శకుడు తరుణ్‌భాస్కర్. సినిమాల కోసం ప్రత్యేకంగా సంభాషణలను సృష్టించాల్సిన అసవరం లేదని, నిత్యం ఉపయోగించే భాష సరిపోతుందనే తరుణ్‌భాస్కర్ చొరవను ప్రోత్సహించిన రాజ్‌కందుకూరి, సురేష్‌బాబు అభినందనీయులు అని తెలిపారు. రాష్ట్ర ప్రెస్ అకాడమీ చైర్మన్ అల్లం నారాయణ మాట్లాడుతూ మూసధోరణిలో సాగుతున్న తెలుగు సినిమా పరిశ్రమలో కథాబలమున్న చిన్న సినిమా పెళ్లిచూపులు జాతీయ స్థాయిలో అవార్డునుఅందుకోవడం గర్వకారణంగా చెప్పవచ్చు. హిందీ చిత్రసీమలో ప్రయోగాత్మక కథాంశాలు, నూతన ఒరవడితో కూడిన మంచి సినిమాలు అనేకం రూపొందుతున్నాయి. కానీ తెలుగు మాత్రం ఆ దిశగా ప్రయత్నాలు జరగడం లేదు. విలువలతో కూడిన మంచి సినిమాలు రావడంలేదు. కొత్త సినిమాల్లో సంగీతం, సాహిత్యం పతనమైపోతున్నాయి. ఇలాంటి తరుణంలో శతమానంభవతిలో పల్లెటూరి వాతావరణాన్ని, పెద్దలకు, పిల్లలకు మధ్య ఉండే అనుబంధాల్ని, భావోద్వేగాల్ని చాలా హృద్యంగా ఆవిష్కరించారు. పెళ్లిచూపులు సినిమాకుగాను మాటల రచయితగా తరుణ్‌భాస్కర్‌కు అవార్డు రావడం గర్వకారణంగా చెప్పవచ్చు. హైదరాబాద్ యాస, భాషలోని రమ్యతను సినిమాలో చక్కగా ఆవిష్కరించారు. తక్కువ బడ్జెట్‌తో రూపొందిన చిన్న సినిమాలకు అవార్డులు రావడం పట్ల తెలుగు చిత్రపరిశ్రమలోని పెద్ద నిర్మాతలు, సంస్థలు ఆత్మపరిశీలన చేసుకోవాల్సిన అవసరముంది. తెలంగాణ పట్ల సినీ పరిశ్రమ ఆలోచన ధోరణినిని సవరించుకోవాల్సిన అవసరముంది. ఆత్మగౌరవంతో ముడిపడి ఉన్న అంశమని గుర్తించాలి. సినీ పరిశ్రమ హైదరాబాద్ నుంచి ఎక్కడికి తరలిపోదు. ఇక్కడే మనగడ సాగిస్తుంది అని తెలిపారు. తెలంగాణ భాషా సాంస్కృతిక శాఖ డైరెక్టర్, 2012 ఏడాదికిగాను ఉత్తమ సినీ విమర్శకుడిగా నంది పురస్కారాన్ని అందుకున్న మామిడి హరికృష్ణ మాట్లాడుతూ బంగారు తెలంగాణ సాధించాలనే లక్ష్యంతో అన్ని వర్గాల ప్రజలకు ప్రయోజనాలకు చేకూర్చేలా సీఏం కేసీఆర్ అనేక ప్రణాళికలు, పథకాల్ని అమలు చేస్తున్నారు. తరుణ్‌భాస్కర్ రూపొందించిన సైన్మా లఘు చిత్రం తెలంగాణ ప్రభుత్వ భాషా సాంస్కృతిక వారోత్సవాల్లో తొలుత ప్రదర్శితమైంది. కొత్త తరహా, రేపటి తెలంగాణ సినిమాకు పెళ్లిచూపులు చిత్రం చక్కటి నాందిగా నిలిచింది. నైజాం కాలం నుంచి తెలంగాణ సినిమా ప్రగతిశీల భావాలతో ముందుకు సాగుతుంది. ఓ ప్రయోజనాత్మక, అర్థవంతమైన సినిమాలకు తెలంగాణ చిత్రాలు ఉదాహరణగా నిలుస్తున్నాయి. భవిష్యత్తులో తెలంగాణ సినిమా తనదైన ముద్రతో ఎదుగుతుందనడానికి పెళ్లిచూపులు, అప్పట్లో ఒకడుండేవాడు, ఘాజీ సినిమాల్ని నిదర్శనంగా చెప్పవచ్చు అని పేర్కొన్నారు. శతమానంభవతి లాంటి మంచి సినిమా ప్రేక్షకుల్లోకి తీసుకుపోవడానికి, అవార్డులు తెచ్చిపెట్టడానికి కారణమైన ఫిలిమ్ క్రిటిక్స్ అసోసియేషన్ నుంచి సన్మానాన్ని పొందడం ఆనందంగా ఉందని నిర్మాత దిల్‌రాజు పేర్కొన్నారు. ఈ కార్యక్రమంలో తరుణ్‌భాస్కర్, విజయ్‌దేవరకొండ, సతీష్‌వేగేశ్న, రాజ్‌కందుకూరి, సమాచార హక్కు కమీషనర్ విజయ్‌బాబు, ఫిలిమ్ క్రిటిక్స్ అసోసియేషన్ అధ్యక్షుడు బీఏరాజు, ఉపాధ్యక్షుడు లక్ష్మీనారాయణ, సెక్రటరీ మడూరి మధు, సీనియర్ సినీ జర్నలిస్ట్ గుడుపూడి శ్రీహరి, గీతాభాస్కర్, లతానాయుడు, పత్యాగాత్మ, సురేష్ కొండేటి తదితరులు పాల్గొన్నారు.

The post శతమానంభవతి, పెళ్లిచూపులు చిత్రాలు తెలుగు సినిమా ఖ్యాతిని నిలబెట్టాయి: కేవీ రమణచారి appeared first on Cine Chitram.

మేలో మరో సినిమా ఎనౌన్స్ చేయనున్న “ఆకతాయి”

CineChitram — Tue, 18 Apr 2017 18:26:04 +0000

ఆశిష్ రాజ్-రుక్సార్ మీర్ జంటగా వి.కె.ఎ ఫిలిమ్స్ పతాకంపై రామ్ భీమన దర్శకత్వంలో తెరకెక్కిన “ఆకతాయి” చిత్రం ద్వారా తెరంగేట్రం చేసిన యువ కథానాయకుడు ఆశిష్ రాజ్.. మే నెలలో మరో చిత్రాన్ని ప్రారంభించనున్నారు. “ఆకతాయి” చిత్ర నిర్మాతలైన కె.ఆర్.విజయ్ కుమార్-కె.ఆర్.కౌశల్ కరణ్-కె.ఆర్.అనిల్ కరణ్ లు మరో మారు సంయుక్తంగా ఈ తాజా చిత్రాన్ని నిర్మించనున్నారు.

ఇకపోతే.. మార్చి 10న విడుదలైన “ఆకతాయి”కి సరైన థియేటర్లు దొరకని కారణంగా కొన్ని ఏరియాల్లో విడుదల కాలేదు, అందుకోసం “ఆకతాయి” చిత్రాన్ని కొన్ని ప్రాంతాల్లో మరోమారు విడుదల చేయనున్నారు.

ఈ సందర్భంగా నిర్మాతలు కె.ఆర్.విజయ్ కుమార్-కె.ఆర్.కౌశల్ కరణ్-కె.ఆర్.అనిల్ కరణ్ మాట్లాడుతూ.. “యాక్షన్ ఎంటర్ టైనర్ గా రూపొందిన మా “ఆకతాయి”ని ఆదరించిన ప్రేక్షకులకు మా ధన్యవాదాలు. ఆ సినిమాకి లభించిన రెస్పాన్స్ ను దృష్టిలో ఉంచుకొనే మే నెలలో మరో చిత్రాన్ని ప్రారంభించనున్నాం. ఆగస్ట్ నుండి రెగ్యులర్ షూటింగ్ ప్రారంభంకానున్న ఈ చిత్రంలో ఓ ప్రముఖ పాపులర్ హీరోయిన్ ఆశిష్ రాజ్ సరసన నటించనుంది. ఓ యువ ప్రతిభాశాలిని ఈ చిత్రంతో దర్శకుడిగా పరిచయం చేయనున్నాం. ఆ సినిమాకి సంబంధించిన పూర్తి వివరాలు త్వరలోనే వెల్లడిస్తాం” అన్నారు!

The post మేలో మరో సినిమా ఎనౌన్స్ చేయనున్న “ఆకతాయి” appeared first on Cine Chitram.

మీడియాకు కృతఙ్ఞతలు చెప్పిన పెళ్ళిచూపులు టీ౦

CineChitram — Sat, 15 Apr 2017 15:41:25 +0000

ఇటీవలె ఘన విజయం సాధించిన పెళ్ళిచూపులు చిత్రం రెండు నెషనల్ ఆవార్ద్స్ సొంతం చెసుకున్న సందర్భంగా నిర్మాతలు రాజ్ కందుకూరి మరియు యష్ రంగినెని లు సమ్యుక్తంగా వారి ఆనందాన్ని పత్రికా ముఖంగా తెలియచెస్తూ పెక్షకులకు జ్యురి సభ్యులకు మనస్పూర్తిగా వారి కృతజ్నతలు తెలియజేశారు. అలాగే.. తమ సినిమాకు జాతీయ స్థాయిలో గుర్తింపు రావడానికి కారణభూతులవ్వడమే కాక చిన్న సినిమాగా విడుదలై అఖండ విజయం సాధించడానికి తోడ్పడిన మీడియా మిత్రులందరికీ దర్శకనిర్మాతలు తమ ప్రత్యేకంగా ధన్యవాదాలు తెలిపారు.

అలాగె మె ౩న జరిగె నెషనల్ అవార్ద్స్ వెడుకలొ ఢిల్లి లొ వారిద్దరూ అవార్ద్స్ తీసుకొబొవడం చాలా ఆనందం గా ఉందని తెలిపారు. ఈ సందర్భంగా వారు పెళ్ళిచూపులు చిత్ర సభ్యులను కూడా అభినందించారు.

The post మీడియాకు కృతఙ్ఞతలు చెప్పిన పెళ్ళిచూపులు టీ౦ appeared first on Cine Chitram.

అల్లు శిరీష్, వి.ఐ.ఆనంద్, చక్రి చిగురుపాటి కాంబినేషన్ లో నూతన చిత్రం ప్రారంభం

CineChitram — Wed, 12 Apr 2017 18:54:47 +0000

అల్లు శిరీష్ హీరోగా, సురభి, సీరత్ కపూర్ హీరోయిన్లుగా, శ్రీనివాస్ అవసరాల ప్రధాన పాత్రలో విఐ ఆనంద్ దర్శకత్వంలో లక్ష్మీ నరసింహ ఎంటర్ టైన్ మెంట్స్ బ్యానర్ పై చక్రి చిగురుపాటి నిర్మిస్తున్న ప్రొడక్షన్ నెం.5 చిత్ర ప్రారంభోత్సవం హైదరాబాద్ లోని ఫిలింనగర్ దైవ సన్నిధానంలో జరిగింది. ప్రముఖ నిర్మాత అల్లు అరవింద్ క్లాప్ కొట్టగా, నిర్మాత చక్రి తండ్రి శంకర్ చిగురుపాటి కెమెరా స్విఛాన్ చేశారు. చిత్ర దర్శకుడు విఐ ఆనంద్ ఫస్ట్ షాట్ డైరెక్షన్ చేశారు. శ్రీరస్తు శుభమస్తు వంటి సూపర్ హిట్ చిత్రం తర్వాత అల్లు శిరీష్ నటిస్తున్న చిత్రం కావడం, ఎక్కడికి పోతావు చిన్నవాడ వంటి బ్లాక్ బస్టర్ హిట్ తర్వాత విఐ ఆనంద్ దర్శకత్వం వహిస్తున్న చిత్రం కావడంతో ఈ సినిమాపై భారీ అంచనాలు ఏర్పడ్డాయి. మణిశర్మ, అబ్బూరి రవి, ఛోటా కె ప్రసాద్, సుజిత్, నాగేంద్ర ప్రసాద్ వంటి సీనియర్ టెక్నీషియన్స్ ఈ చిత్రానికి వర్క్ చేస్తుండడం విశేషం. సతీష్ వేగేశ్న, రాజేష్ దండ సహనిర్మాతలుగా వ్యవహరిస్తున్నారు. ఈ నెలాఖరులో రెగ్యులర్ షూటింగ్ ప్రారంభిస్తారు.

హీరో అల్లు శిరీష్ మాట్లాడుతూ – విఐ ఆనంద్ దర్శకత్వంలో తెరకెక్కించబోతున్న చిత్ర పూజా కార్యక్రమాలు ఫిలింనగర్ దైవసన్నిధానంలో చేశాం. నాన్న క్లాప్ కొట్టారు. ఈనెలాఖరులో షూటింగ్ ప్రారంభిస్తున్నాం. రొమాంటిక్ థ్రిల్లర్ కథ ఇది. సైన్స్ ఫిక్షన్ కూడా ఉంటుంది. మంచి టెక్నీషియన్స్ ఈ చిత్రానికి వర్క్ చేస్తున్నారు. మలయాళంలో నేను నటించిన 1971, సూపర్ హిట్ దృశ్యం లాంటి చిత్రాలకు పని చేసిన సుజిత్ వాసుదేవ్ సినిమాటోగ్రాఫర్ ఈ చిత్రానికి వర్క్ చేస్తున్నారు. అలాగే మణిశర్మగారు సంగీతం అందిస్తున్నారు. మంచి టీం కుదిరింది. అన్ని వర్గాల్ని మెప్పించే కమర్షియల్ ఎంటర్ టైనర్ ఇది. అని అన్నారు.

దర్శకుడు విఐ ఆనంద్ మాట్లాడుతూ – అల్లు శిరీష్ హీరోగా లక్ష్మీ నరసింహ ఎంటర్ టైన్ మెంట్స్ బ్యానర్ పై చక్రి చిగురు పాటి నిర్మిస్తున్న ప్రొడక్షన్ నెం.5 చిత్ర ప్రారంభోత్సవ పూజా కార్యక్రమాలు ఫిలినంగర్ దైవ సన్నిధానంలో జరిగాయి. ఇది రొమాంటిక్ థ్రిల్లర్ గా సాగే సైంటిఫిక్ ఫిక్షన్ స్టోరీ. ఈ నెలాఖరులో రెగ్యులర్ షూటింగ్ మొదలు పెడతాం. ఇందులో ప్రతీ క్యారెక్టర్ కు ఇంపార్టెన్స్ ఉంటుంది. మిగిలిన వివరాలు త్వరలోనే తెలియజేస్తాం. అని అన్నారు.

సురభి మాట్లాడుతూ – మంచి కథలో భాగం అయినందుకు చాలా హ్యాపీగా ఉంది. ఎగ్జైటెడ్ గా ఉన్నాను. ఎనర్జిటిక్ టాలెంటెడ్ టీంతో వర్క్ చేస్తున్నాను. ఈసినిమా టీం అందరికి మంచి పేరు తెస్తుందని ఆశిస్తున్నాను. అని అన్నారు.

సీరత్ కపూర్ మాట్లాడుతూ… విఐ ఆనంద్ తో ఇది నా రెండో చిత్రం. స్క్రిప్ట్ ఎంగేజింగ్ గా ఉంటుంది. అని అన్నారు.

శ్రీనివాస్ అవసరాల మాట్లాడుతూ… కథ అద్భుతంగా వచ్చింది. నా క్యారెక్టరైజేషన్ చాలా బాగా ఉంది. అందుకే ఈ ప్రాజెక్ట్ విషయంలో ఎగ్జేటెడ్ గా ఉన్నాను. శిరీష్ తో ఫస్ట్ టైం వర్క్ చేస్తున్నాను. సురభితో ఆల్రెడీ వర్క్ చేశాను. టీం అందరికి ఆల్ ది బెస్ట్. అని అన్నారు.

నటీనటులు – అల్లు శిరీష్, సురభి, సీరత్ కపూర్, శ్రీనివాస్ అవసరాల, వెన్నెల కిషోర్, సత్య, ప్రవీణ్, కాశీ విశ్వనాథ్, రోహిణి తదితరులు

కో ప్రొడ్యూసర్స్ – సతీష్ వేగేశ్న, రాజేష్ దండ

సంగీతం – మణిశర్మ

డిఓపి – సుజిత్ వాసుదేవ్

డైలాగ్స్ – అబ్బూరి రవి

ప్రొడక్షన్ డిజైనర్ – రాజీవన్ జి

ఎడిటర్ – ఛోటా కె ప్రసాద్

ఆర్ట్ – నాగేంద్ర ప్రసాద్

క్రియేటివ్ హెడ్ – సంపత్ కుమార్

కో డైరెక్టర్ – విజయ్ కామిశెట్టి

బ్యానర్ – లక్ష్మీ నరసింహ ఎంటర్ టైన్ మెంట్స్ ప్రొడక్షన్ నెం.5

నిర్మాత – చక్రి చిగురు పాటి

స్టోరీ, స్క్రీన్ ప్లే, డైరెక్షన్ – విఐ ఆనంద్

Stills

The post అల్లు శిరీష్, వి.ఐ.ఆనంద్, చక్రి చిగురుపాటి కాంబినేషన్ లో నూతన చిత్రం ప్రారంభం appeared first on Cine Chitram.

నాగ‌శౌర్య హీరోగా త‌న సొంత బ్యాన‌ర్ ఐరా క్రియోష‌న్స్ లో ర‌ష్మిక మండ‌న్న‌ హీరోయిన్ గా చిత్రం ప్రారంభం

CineChitram — Wed, 12 Apr 2017 18:54:26 +0000

“ఊహ‌లు గుస‌గుస‌లాడే”, “దిక్కులు చూడ‌కు రామ‌య్య‌”, “ల‌క్ష్మిరావే మా ఇంటికి”, “క‌ళ్యాణ‌ వైభోగమే”,” జ్యో అచ్యుతానంద‌” లాంటి విభిన్న క‌థాంశాల‌తో విజ‌యాలు సాధించిన నాగ‌శౌర్య హీరోగా, క‌న్న‌డ‌ లో “కిరాక్ పార్టీ” అనే చిత్రంలో త‌న క్యూట్ ఫెర్‌ఫార్మెన్స్ తో అంద‌రి మ‌న‌సులు దోచుకున్న ర‌ష్మిక మండ‌న్న‌ని హీరోయిన్ గా టాలీవుడ్ కి ఇంట్రడ్యూస్ చేస్తూ…., మాట‌ల మాంత్రికుడు త్రివిక్ర‌మ్ వ‌ద్ద ద‌ర్శ‌క‌త్వ శాఖ లో ప‌నిచేసిన వెంకి కుడుముల ని ద‌ర్శ‌కుడిగా ప‌రిచ‌యం చేస్తూ, ఐరా(IRA CREATIONS)క్రియేష‌న్స్ బ్యాన‌ర్ పై నిర్మాత‌లు ఉషా మూల్పూరి, శంక‌ర ప్ర‌సాద్ మూల్పూరి లు సంయుక్తంగా నిర్మిస్తున్న చిత్ర ప్రారంభోత్సవం సంస్థ కార్యాలయంలో పూజా కార్యక్రమాలతో ఘనంగా జరిగింది. ప్రముఖ కథానాయకుడు నారా రోహిత్ హీరో హీరోయిన్లపై క్లాప్ కొట్టగా…., ప్రముఖ పారిశ్రామిక వేత్త రాజేష్ కిలారు కెమెరా స్విఛాన్ చేశారు. ల‌వ్ ఎంట‌ర్‌టైన‌ర్ గా కాలేజ్ బ్యాక్ డ్రాప్ లో జ‌రిగే ఈ చిత్రం రెగ్యులర్ షూటింగ్ ఈనెలాఖరులో ప్రారంభమౌతుంది.

ఈ సంద‌ర్బంగా నిర్మాత‌ల్లో ఒక‌రైన శంక‌ర ప్ర‌సాద్‌ మూల్పూరి మాట్లాడుతూ..” మా అబ్బాయి నాగ‌శౌర్య ని తో చిత్రాన్ని నిర్మించాల‌ని ఎప్ప‌టినుంచో అనుకుంటున్నాము. త్రివిక్ర‌మ్ గారి అసోసియేట్ వెంకి కుడుముల చెప్పిన క‌థ మాకు న‌చ్చి మా బ్యాన‌ర్ లోనే చేయ్యాల‌ని నిర్ణ‌యించుకున్నాము. ఈ చిత్రం ప్రారంభోత్సవం ఈరోజు జరిగింది. నారా రోహిత్ క్లాప్ నివ్వగా, రాజేష్ కిలారు గారు కెమెరా స్విఛాన్ చేశారు. ఈనెలాఖరులో రెగ్యులర్ షూటింగ్ ఆరంభిస్తున్నాం. మ‌రిన్ని వివరాలు త్వరలోనే తెలియజేస్తాం. అని అన్నారు

హీరో నాగశౌర్య మాట్లాడుతూ.. మా ఐరా క్రియేషన్స్ బ్యానర్ లో ప్రొడక్షన్ నెం. 1 చిత్రం పూజా కార్యక్రమాలతో ప్రారంభమైంది. వెంకీ దర్శకుడు. రష్మిక హీరోయిన్. నారా రోహిత్ క్లాప్ కొట్టారు. ఇకపై మా బ్యానర్ లో మంచి చిత్రాలు చేయాలని ప్లాన్ చేసుకుంటున్నాను. ఈనెలాఖరులో రెగ్యులర్ షూటింగ్ కి వెళ్తున్నాం. అని అన్నారు.

హీరోయిన్ రష్మిక మాట్లాడుతూ – నా డెబ్యూ తెలుగు చిత్రం ఇది. ఓ మంచి కథతో, క్యారెక్టర్ తో తెలుగులో లాంచ్ అవుతున్నందకు చాలా హ్యాపీగా ఉంది. ఆల్ ది బెస్ట్ టూ ఎంటైర్ టీం. అని అన్నారు.

ద‌ర్శ‌కుడు వెంకి కుడుముల మాట్లాడుతూ..” నాకు ఇంత మంచి అవ‌కాశాన్ని ఇచ్చిన హీరో నాగ‌శౌర్య గారికి , నిర్మాత‌లు ఉషా ముల్పూరి, శంక‌ర‌ప్ర‌సాద్ ముల్పూరి గారికి ధ‌న్య‌వాదాలు. నాగ‌శౌర్య కి జంట‌గా ర‌ష్మిక మండ‌న్న‌ న‌టిస్తుంది. ల‌వ్ ఎంట‌ర్‌టైన‌ర్ గా ఈ చిత్రాన్ని తెరకెక్కిస్తున్నాం. అని అన్నారు.

నటీనటులు – నాగశౌర్య, రష్మిక మండన్న, సీనియర్ నరేష్, ప్రగతి, రఘుబాబు, పోసాని, వెన్నెల కిషోర్, ప్రవీణ్, సత్య, సుదర్శన్, స్వప్నిక, మైమ్ గోపి, అచ్యుత కుమార్ తదితరులు

సాంకేతిక నిపుణులు

సంగీతం- సాగ‌ర్ మ‌హ‌తి,

సినిమాటోగ్ర‌ఫి- సాయి శ్రీరామ్‌.

ఎడిటర్ – కోటగిరి వెంకటేశ్వరరావు (చంటి)

ఆర్ట్ – రామ్ కుమార్

లిరిక్స్ – భాస్కరభట్ల

కొరియోగ్రఫి – రఘు

లైన్ ప్రొడ్యూసర్ – ఎస్. నాగేశ్వరరావు (బుజ్జి)

నిర్మాత‌లు- ఉషా ముల్పూరి, శంక‌ర ప్ర‌సాద్ ముల్పూరి

స్టోరీ, స్క్రీన్ ప్లే, డైలాగ్స్, డైరెక్షన్ – వెంకి కుడుముల‌

Stills

The post నాగ‌శౌర్య హీరోగా త‌న సొంత బ్యాన‌ర్ ఐరా క్రియోష‌న్స్ లో ర‌ష్మిక మండ‌న్న‌ హీరోయిన్ గా చిత్రం ప్రారంభం appeared first on Cine Chitram.

స౦ధ్య ఫిల్మ్ అకాడెమీ వెబ్ సైట్ ప్రార౦భ౦

CineChitram — Mon, 03 Apr 2017 17:04:03 +0000

Video

Stills

t-shirt-orange

5825871567_4d477202ce_b

post-image

post-image-2

WOW, Nice photo !

2681083646_467e833b70_b

The post స౦ధ్య ఫిల్మ్ అకాడెమీ వెబ్ సైట్ ప్రార౦భ౦ appeared first on Cine Chitram.