చండ్రస్ ఆర్ట్‌ మూవీస్‌ బ్యానర్‌పై చండ్ర పార్వతమ్మ సమర్పణలో చంద్రశేఖర్‌ చండ్ర నిర్మిస్తున్న ‘లోకరక్షకుడు’ చిత్రం మార్చి 29న లండన్‌ పార్లమెంట్‌లో లోగో విడుదల జరుపుకున్న విషయం తెలిసిందే. ప్రస్తుతం ఈ చిత్రం ఇంగ్లాండ్ లో రెండవ షెడ్యూల్ ని విజయవంతంగా పూర్తి చేసుకుంది. బ్రహ్మం సి.హెచ్‌. ఈ చిత్రానికి దర్శకుడు. ఆదివారం ఈస్టర్ పండగ సందర్భంగా చిత్ర యూనిట్ శుభాకాంక్షలను తెలియజేసింది.
ఈ సందర్భంగా నిర్మాత చంద్రశేఖర్‌ చండ్ర మాట్లాడుతూ.. ఏసుక్రీస్తు జీవిత చరిత్రని అత్యద్భుతంగా, క్రొత్త అంశాలతో తెరకెక్కిస్తున్నాము. ఇప్పటి వరకు రెండు షెడ్యూల్‌ పూర్తయ్యాయి. మొదటి షెడ్యూల్‌ ఇండియాలోనూ, రెండవ షెడ్యూల్‌ ఇంగ్లండులోని పలు ప్రదేశాలలో చిత్రీకరించడం జరిగింది. 2017 క్రిస్టమస్‌ కానుకగా చిత్రాన్ని విడుదల చేయాలని సన్నాహాలు చేస్తున్నాము. ప్రపంచపటంలో అనాదిగా భారతదేశం శాంతి చిహ్నాము. గౌతమ బుద్ధుడు, మహాత్మాగాంధీ తదితర మహానుభావులు ప్రపంచశాంతికి మార్గ దిశని చూపారు. అలాగే ఏసుక్రీస్తు జీవితం, మార్గం, సందేశం పలు వర్గాలలో, ప్రదేశాలలో శాంతి నింపే విధంగా ఈ చిత్రాన్ని నిర్మిస్తున్నాము..ఆదివారం ఈస్టర్ ని పురస్కరించుకుని..ప్రజలందరికీ ఈస్టర్ శుభాకాంక్షలు తెలుపుతున్నామని.. అన్నారు.
దర్శకుడు బ్రహ్మం సి.హెచ్‌. మాట్లాడుతూ..ఈ సినిమాని ఎక్కడా రాజీపడకుండా, ఖర్చుకు వెనుకాడకుండా నిర్మాత సహకారంతో తెరకెక్కిస్తున్నాము. రాబోయే క్రిస్మస్ కి ప్రేక్షకుల ముందుకి తీసుకువస్తాము.  మార్చి 29న లండన్‌ పార్లమెంట్‌లో విడుదల చేసిన ‘లోకరక్షకుడు’ లోగో కి చాలా మంచి స్పందన వచ్చింది. ఏసుక్రీస్తు జీవిత చరిత్ర పై ఇదో మంచి సినిమా అవుతుంది..అన్నారు.
ఈ చిత్రానికి సంగీతం: ఎ.కె. రిసాల్‌ సాయి, డైరెక్టర్‌ ఆఫ్‌ ఫోటోగ్రఫీ: జి. క్రిష్‌, రైటర్‌: డి. కృపాకర్‌, ఎడిటింగ్: నందమూరి హరి, సమర్పణ: చండ్ర పార్వతమ్మ, నిర్మాత: చంద్రశేఖర్‌ చండ్ర, స్క్రీన్ ప్లే, దర్శకత్వం: సి.హెచ్‌. బ్రహ్మం.

డిఎస్‌ఆర్‌వి మీడియా పతాకంపై పివిఆర్‌ పిక్చర్స్‌ అసోషియేషన్‌లో తెలంగాణ ముద్దుబిడ్డ పూర్ణ ఎవరెస్ట్‌ శిఖరాన్ని అధిరోహించి, గిన్నిస్‌బుక్‌ ఆఫ్‌ వరల్డ్‌ రికార్డ్స్‌లో స్థానం సంపాందించడం, ఆ క్రమంలో ఆమె జీవిత చరిత్రను ‘పూర్ణ’గా హిందీ, తెలుగులో చిత్రాన్ని రూపొందించడం తెలిసిందే. ఈ చిత్రం తెలుగు రాష్ట్రాల్లో ఘనంగా ప్రదర్శింపబడుతున్న సందర్భంగా చిత్ర యూనిట్‌ తమ సంతోషాన్ని విలేఖరులతో పంచుకున్నారు. 
ఈ కార్యక్రమంలో పూర్ణతో పాటు ప్రవీణ్‌కుమార్‌ ఐపీఎస్‌, ఆనంద్‌, అతిధి, నిర్మాత దేవదాసు మోదుగు (డి.డి), పివిఆర్‌ ప్రతినిధి ఉదయ్‌ మొదలగు వారు పాల్గొన్నారు. 
ఈ సందర్భంగా చిత్ర నిర్మాత దేవదాసు మోదుగు (డి.డి) మాట్లాడుతూ..’తెలంగాణ ముద్దు బిడ్డ, గిరిజన పుత్రిక అయిన పూర్ణ, ఎవరెస్ట్‌ శిఖరాన్ని అధిరోహించి, గిన్నిస్‌ బుక్‌ ఆఫ్‌ వరల్డ్‌ రికార్డ్స్‌లో చోటు సంపాదించిన విషయం తెలిసిందే. ఆమె జీవిత చరిత్రను ‘పూర్ణ’ అనే టైటిల్‌తో తెరకెక్కించడం జరిగింది. తెలుగు ప్రేక్షకులకు ఈ చిత్రాన్ని అందించే అవకాశం దక్కడం ఎంతో సంతోషంగా ఉంది. ఈ అవకాశం నాకు కల్పించిన పివిఆర్‌ పిక్చర్స్‌ వారికి, అలాగే ప్రవీణ్‌కుమార్‌ ఐపీఎస్‌ వారికి ప్రత్యేక ధన్యవాదాలు. అలాగే ఈ చిత్ర విడుదలకు ఎంతగానో సహకరించిన తెలంగాణ ప్రభుత్వానికి, ఈ చిత్రాన్ని ఇంత పెద్ద సక్సెస్‌ చేసిన ప్రేక్షకులకు ప్రత్యేక కృతజ్ఞతలు తెలుపుకుంటున్నాము..’ అని అన్నారు. 
ఎవరెస్ట్‌ శిఖరాన్ని అధిరోహించిన పూర్ణ మాట్లాడుతూ..’ఎక్కడో మారుమూల గ్రామంలో పుట్టిన నా జీవిత చరిత్రను సినిమాగా తీయడం అంటే చాలా సంతోషించే విషయమే. ఈ కార్యక్రమంలో నాకు సహకరించి, నన్ను ఇంతటి దానిని చేసిన అందరికీ ధన్యవాదాలు. ఈ చిత్రాన్ని స్ఫూర్తిగా తీసుకుని..మరికొందరు మన దేశ, రాష్ట్ర కీర్తిని పెంచాలని కోరుకుంటున్నాను..’అని అన్నారు. 

ఆర్‌.ఒ.క్రియేష‌న్స్ బ్యాన‌ర్‌పై మ‌నోజ్ నంద‌న్‌, భూపాల్, పూజా రామ‌చంద్ర‌న్ ప్ర‌ధాన తారాగ‌ణంగా  స‌శేషం, భూ వంటి చిత్రాల డైరెక్ట‌ర్ శ్రీ కిషోర్ ద‌ర్శ‌క‌త్వంలో రూపొందుతోన్న థ్రిల్ల‌ర్ ఎంట‌ర్‌టైన‌ర్ `దేవిశ్రీప్ర‌సాద్‌`.ఆర్‌.వి.రాజు, ఆక్రోష్ నిర్మించిన ఈ సినిమా ప్ర‌స్తుతం నిర్మాణాంత‌ర కార్య‌క్ర‌మాల‌ను జ‌రుపుకుంటుంది. ఈ సినిమాలో ప్ర‌ముఖ క‌మెడియ‌న్ ధ‌న‌రాజ్ కీల‌క‌పాత్ర‌లో న‌టించాడు.  ఈ సినిమా టీజ‌ర్‌ను ఇటీవ‌ల విడుద‌ల చేసిన సంగతి తెలిసిందే.  టీజ‌ర్‌కు వ‌స్తోన్న స్పంద‌న‌పై ద‌ర్శ‌కుడు శ్రీకిషోర్ మాట్లాడుతూ ..దేవి శ్రీ ప్ర‌సాద్ టైటిల్ ఫ‌స్ట్ లుక్ విడుద‌ల చేసినప్ప‌టి నుండి సినిమాపై అంచ‌నాలు క్రియేట్ అయ్యాయి. రీసెంట్‌గా విడుద‌ల చేసిన టీజ‌ర్‌కు చాలా మంచి స్పంద‌న వ‌చ్చింది. టీజ‌ర్‌ను ఇప్ప‌టికి అన్ని యూ ట్యూబ్ ఛానెల్స్‌లో రెండు మిలియ‌న్స్‌కు పైగా వీక్షించారు. టీజ‌ర్‌కు ప్రేక్ష‌కుల ఆద‌ర‌ణతో పాటు, సినిమా సెన్సార్ అవుతుందో లేదోన‌ని కూడా కొన్ని విమ‌ర్శ‌లు వ‌చ్చాయి. అయితే సినిమాను సెన్సార్ నిబంధ‌న‌ల‌కు లోబడే తెర‌కెక్కించాం. సొసైటీ లో జరిగే చీకటి కోణం ని చూపించడానికి ఎవ్వరు ముందుకు రారు, ఆ ప్రయత్నం మేము చేస్తున్నాం. మన సమాజం లో ఎంతో మంది సైకోలు మన మధ్యలో మనకు తెలియకుండా ఉన్నారు. పుట్టిన పసి కందు నుండి చచ్చిన శవం వరుకు అంతెందుకు జంతువులను కూడా వదలకుండా పైశాచిక ఆనందం పొంతుతున్నారు. చివరికి తల్లి గర్భం లో కూడా ఆడ శిశువుకి ఎలాంటి ర‌క్ష‌ణ లేకుండా పోయింది. మన చుట్టూ సమాజం లో జరిగే నిజమైన సంఘటలను ఆధారంగా తీసుకొని స్త్రీ జాతి ఉనికి తెలియజేయడానికి చేసిన ప్ర‌య‌త్న‌మే మా దేవిశ్రీ ప్ర‌సాద్ చిత్రం అని తెలిపారు.

శ్రీ రామాంజనేయులు ఇంటర్నేషనల్ మూవీ కార్పొరేషన్ పతాకం పై వడ్డి రామాంజనేయులు నిర్మాతగా రూపొందుతొన్న సినిమా ‘పెళ్లి కథ’. నూతన తారలు మనోహార్, ఇషిక, అయేషా జంటగా నటిస్తున్న ఈ సినిమాను ఓ యూత్ ఫుల్ అండం ఫ్యామిలీ ఎంటర్ టైనర్ గా తెరకెక్కిస్తున్నారు దర్శకుడు జి.యన్.మూర్తి. ప్రస్తుతం ఈ సినిమా షూటింగ్ వైజాగ్ లో శరవేగంగా జరుగుతోంది. తాజాగా మొదటి షెడ్యల్ పూర్తి చేసకున్న ఈ చిత్ర బృందం ఏప్రిల్ 14 నుంచి రెండో షెడ్యూల్ ప్రారంభించబోతున్నారు. వైజాగా తో పాటు, హైదరాబాద్ పరిసర ప్రాంతాల్లో రెండో దశ షూటింగ్ నిర్విహించేందుకు దర్శకనిర్మాతలు ప్లాన్ చేస్తున్నారు. తొలి షెడ్యూల్ లో 50 శాతానికి పైగా షూటింగ్ జరిగిందని, సెకండ్ షెడ్యూల్ లో బ్యాలెన్స్ షూట్ చేసి సాధ్యమైనంత త్వరాగా ఈ సినిమాను ప్రేక్షకుల ముందుకి తీసుకువచ్చేందుకు సన్నాహాలు చేస్తున్నటు నిర్మాత రామాంజనేయులు తెలిపారు.