Stills

పవర్ స్టార్ పవన్ కళ్యాణ్ నటించిన కాటమరాయుడు ఈ మార్చ్ 24 న విడుదల సందర్భంగా చిత్ర నిర్మాణ సంస్థ North Star Entertainment , అభిమానులను ఆనంద పరచటానికి ఓ కొత్త ఆలోచన తో వస్తున్నారు . Echora అనే సంస్థను official merchandise గా నియమిస్తూ, వారితో ఆనుసంధానమై , కాటమరాయుడు T – Shirts మరియు పవన్ కళ్యాణ్ ఈ చిత్రం లో వాడిన లాంటి పచ్చ రంగు towels ను Online ద్వారా మరియు నేరుగా Echora డీలర్ల వద్ద ,తెలుగు రాష్ట్రాల్లో మరియు దేశంలో కాటమారాయుడు విడుదలయ్యే కేంద్రాల్లో లభ్యమవుతాయని  చిత్ర నిర్మాణ సంస్థ తెలియ చేసింది . అభిమానులను దృష్టిలో పెట్టుకొని వారికి అందుబాటు ధరకు ఇవి లభ్యమౌతున్నాయి. Online లో పై వాటిని కొనదలచిన వారు katamarayudustore.com website ద్వారా కొనుగోలు చేస్కోవచ్చు . రెండ్రోజుల క్రిందట ఇవి మార్కెట్ లో విడుదలయ్యి పవన్ కళ్యాణ్ అభిమానులను విశేషంగా ఆకర్షిస్తున్నాయి .

క్లాప్స్ & విజిల్స్ ఎంటర్ టైన్ మెంట్స్  పతాకంపై రాకింగ్ స్టార్ మంచు మనోజ్ నటించిన  చిత్రం గుంటూరోడు .. ఈ మద్య విడుదలైన ఈ చిత్రం మంచి కమర్షియల్ విజయాన్ని సాధించింది. ముఖ్యంగా మాస్ ఆడియన్స్ ని బాగా అలరిస్తూ B,C సెంటర్స్ లో మనోజ్ కెరియర్లోనే మంచి వసూళ్ళు సాదిస్తుంది.

సినిమాల్లో దర్శకుడికి వుండే క్రేజ్ వేరు.. అలాంటి దర్శకుల్లో మాస్ దర్శకుడి గా పేరు తెచ్చు కోవాలంటే అంత ఆషామాషీ విషయం కాదు.. అలాంటిది తన రెండో చిత్రం తోనే మాస్ దర్శకుడిగా  ఇండస్ట్రీ లో మంచి పేరు సంపాదించుకున్నారు దర్శకుడు SK సత్య.

ఈ చిత్రం లో అతని టేకింగ్ కి , డైలాగ్స్ కి , యాక్షన్ సన్నివేసాలకు ప్రేక్షకుల నుండి అద్బుతమైన రెస్పాన్సు వస్తుంది.. మనోజ్ ని ఎలాగైతే చూడాలని  అభిమానులు, ప్రేక్షకులు, కుటుంబసబ్యులు కోరుకుంటున్నారో అలానే మాస్ హీరో గా మనోజ్ ని చూపించారు దర్శకుడు సత్య.. ఈ చిత్రం లో తండ్రి కొడుకుల సెంటిమెంట్ ని దర్శకుడు సత్య బాగా చూపించారు.. హీరో కి దీటుగా విలన్ పాత్రని తీర్చిదిద్దడంలో మంచి మార్కులు కొట్టేసాడు దర్శకుడు సత్య.  ఈ చిత్రాన్ని చూసిన పరిశ్రమ ప్రముఖలు దర్శకుడు సత్య ని ప్రత్యేకంగా అభినందిస్తున్నారు.. కమర్షియల్ హీరోలు సత్య దర్సకత్వం లో సినిమా చేయడానికి ఆసక్తి చూపిస్తున్నారు..     

Stills

మెగాస్టార్ చిరంజీవి 150వ చిత్రం `ఖైదీ నంబ‌ర్ 150` బ్లాక్ బ‌స్ట‌ర్ విజ‌యాన్ని సొంతం చేసుకున్న సంద‌ర్భంలో మెగాభిమానులు ఎం యాప్ సోర్స్ డెవ‌ల‌ప్ మెంట్ అనే కంపెనీ స్టార్ట్ చేసిన స‌తీష్ బాబు ముత్యాల‌, ప్ర‌సాద్ బొలిశెట్టి, పవ‌న్ కొర్ల‌పాటి, శేషు లొశెట్టి `మెగా 150` గేమ్‌ను ప్లాన్ చేశారు. చిరంజీవి న‌టించిన 150 సినిమాల‌తో ఈ గేమ్‌ను త‌యారు చేశారు. 14 లెవ‌ల్స్‌లో ఉండే ఈ మొత్తం గేమ్‌ను రెండు వాల్యూమ్స్‌లో విడుద‌ల చేస్తున్నారు. మొద‌టి వాల్యూమ్‌లో 110 సినిమాల‌తో గేమ్ ఉంటే, రెండో వాల్యూమ్‌లో 40 సినిమాలతో గేమ్‌ను రూప క‌ల్ప‌న చేశారు. 
వి.వి.వినాయ‌క్ మాట్లాడుతూ – “మెగాభిమానుంలంద‌రూ క‌లిసి చేసిన మెగా 150 గేమ్ సూప‌ర్ సక్సెస్ కావాల‌ని కోరుకుంటున్నాను. మంచి క్వాలిటీతో రూపొందిన ఈ గేమ్‌ను పిల్ల‌లంద‌రూ ఎంజాయ్ చేస్తార‌ని భావిస్తున్నాను“ అన్నారు. 
నిర్మాత దిల్‌రాజు మాట్లాడుతూ – మెగాస్టార్ చిరంజీవిగారిపై అభిమానంతో ఆయ‌న అభిమానులంద‌రూ క‌లిసి చేసిన ఈ మెగా 150 గేమ్ పెద్ద స‌క్సెస్ కావాల‌ని కోరుకుంటున్నాను. ఈ గేమ్‌ను త‌యారు చేసిన అంద‌రికీ ఆల్ ది బెస్ట్‌“ అన్నారు. 
ఎం యాప్ సోర్స్ డెవ‌ల‌ప్ మెంట్ ప్ర‌తినిధులు స‌తీష్ బాబు ముత్యాల‌, ప్ర‌సాద్ బొలిశెట్టి, పవ‌న్ కొర్ల‌పాటి, శేషు లొశెట్టి మాట్లాడుతూ – “చిన్న‌ప్ప‌ట్నుంచి మెగాస్టార్ చిరంజీవిగారి సినిమాలు చూస్తూ ఆయ‌న‌ను అభిమానిస్తూ పెరిగాం. కొత్త‌గా కంపెనీ స్టార్ట్ చేసిన‌ప్పుడు చిరంజీవిగారిపై ఇలాంటి గేమ్ చేయాల‌ని ప్లాన్ చేశాం. చిరంజీవిగారి 150 సినిమాల్లో ప్ర‌తి ఒక సినిమాను అంద‌రికీ తెలియ‌జేయాల‌నే ఉద్దేశంతో గేమ్ ప్లాన్ చేశాం. 14 లెవ‌ల్స్‌గా 150 సినిమాల‌ను దృశ్య రూప‌కంలోకి తీసుకొచ్చాం. చిరంజీవిగారి 110 సినిమాల‌ను ఒక వాల్యూమ్ క్రింద‌, మిగిలిన 40 సినిమాల‌ను మ‌రో వాల్యూమ్ క్రింద క్రియేట్ చేశాం. ఈ గేమ్ అంద‌రికీ నచ్చుతుంద‌ని భావిస్తున్నాం“ అన్నారు. 

Game Link :https://play.google.com/store/apps/details?id=com.mapp.mega150

Trailer Link: https://www.youtube.com/watch?v=HppiS_yqKGQ&t=151s

Stills

Stills

రామ్‌గోపాల్ వ‌ర్మ ద్శ‌క‌త్వంలో రూపొందిన చిత్రం `వంగ‌వీటి`. జీనియ‌స్‌, రామ్‌లీల‌ వంటి విజ‌య‌వంత‌మైన చిత్రాల‌ను అందించిన నిర్మాత దాసరి కిర‌ణ్‌కుమార్ నిర్మాత‌గా రామ‌దూత క్రియేష‌న్స్ బ్యాన‌ర్‌లో రూపొందిన ఈ మూవీ `వంగ‌వీటి` సినిమా సెన్సార్ పూర్తి చేసుకుంది. డిసెంబ‌ర్ 23న వంగ‌వీటి చిత్రం గ్రాండ్‌రిలీజైంది. ఈ సంద‌ర్భంగా చిత్ర నిర్మాత దాసరి కిర‌ణ్‌కుమార్‌తో ఇంట‌ర్వ్యూ…..
చాలా స‌మ‌స్య‌ల‌ను ఎదుర్కొన్నాను….
– నిర్మాత‌గా `వంగ‌వీటి` సినిమాను ప్రేక్షకుల ముందుకు తీసుకు రావ‌డానికి చాలా స‌మ‌స్య‌ల‌ను ఎదుర్కొన్నాను. ఆంధ్రప్ర‌దేశ్ ఫిలించాంబ‌ర్‌లో టైటిల్ రిజిస్ట్రేషన్ చేయ‌డానికి అంగీక‌రించ‌లేదు. అందుకు కార‌ణాల‌ను కూడా వారు వివ‌రించ‌లేదు. అయితే `వంగ‌వీటి` సినిమా విష‌యంలో నాకు తెలంగాణ ఫిలిం చాంబ‌ర్‌వారు పూర్తి స‌హ‌కారం అందించారు. సినిమా విడుద‌ల వ‌రకు చాలా మంది కోర్టులో కేసులు కూడా వేశారు. ఆడియో వేడుక చేయడానికి గ్రౌండ్ ప‌ర్మిష‌న్ కూడా ఇవ్వ‌లేదు. ఇవ‌న్నీ ఎవ‌రికీ తెలియ‌వు.
అది చెప్ప‌డానికి నేనెవ‌రినీ….
– వంగ‌వీటి రాధా, రంగా, దేవినేని కుటుంబాలు ప్ర‌జ‌లకు ఎంతో సేవ చేశారు. అయితే వారిలో వ‌చ్చిన మ‌న‌స్పర్ధ‌ల కార‌ణంగానే హ‌త్య‌లు జ‌రిగాయి. 1973లో చ‌ల‌సాని వెంక‌ట‌ర‌త్నం హ‌త్య‌తో మొద‌లైన ఈ ప్ర‌స్థానం 1988 రంగాగారి హ‌త్య వ‌రకు కొన‌సాగింది. త‌ర్వాత తెలుగుదేశం, కాంగ్రెస్ ప్ర‌భుత్వాలు ఎన్ని వ‌చ్చినా అస‌లు రంగాగారి హ‌త్య గురించి స్టెప్ తీసుకోలేదు. 18 ఏళ్ళ త‌ర్వాత సుప్రీంకోర్టు కేసును కొట్టేసింది. ప్ర‌భుత్వాలు, కోర్టులే చెప్ప‌లేని వాస్త‌వాల‌ను సిస్ట‌మ్‌కు వ్య‌తిరేకంగా చెప్ప‌డానికి మేమెవ‌రం అందుకే రంగాగారి హ‌త్యతోనే సినిమాను ముగించాం.
ఆ విష‌యాన్ని నేను కూడా అంగీక‌రిస్తాను….
-28 ఏళ్ల క్రితం వంగ‌వీటి, దేవినేని కుటుంబాల మ‌ధ్య జ‌రిగిన గొడ‌వ‌లను ప్ర‌స్తావిస్తారు కానీ అస‌లు ఏం జ‌రిగింద‌నే విష‌యాలు ఎవ‌రికీ తెలియ‌వు. అస‌లేం జ‌రిగింద‌నే దాని గురించి చెప్పే ప్ర‌య‌త్నం చేశామే త‌ప్ప‌, ఎవ‌రినీ త‌క్కువ చేసి చూపించ‌డానికి ప్ర‌య‌త్నం చేయ‌లేదు. అయితే సినిమాలో రాధాగారి క్యారెక్ట‌ర్‌ను ఎలివేట్ చేసిన‌ట్టు రంగాగారి క్యారెక్ట‌ర్‌ను సీన్స్ రూపంలో చెప్ప‌లేక‌పోయాం. సినిమా చూసిన రంగాగారి అభిమానులు రంగాగారి క్యారెక్ట‌ర్‌ను ఇంకాస్తా బాగా చూపించి ఉంటే బావుండేది క‌దా..అన్నారు. ఎవ‌రూ ట‌చ్ చేయ‌ని ఓ పాయింట్‌ను మేం రెండు గంట‌ల ప‌దిహేను నిమిషాల్లో చెప్పాల‌నుకున్న‌ప్పుడు అందులో భాగంగానే ఓ ఐడియా ప్రకారం సినిమా చేసుకుంటూ వ‌చ్చాం. సినిమాలో రంగాగారి క్యారెక్ట‌ర్‌ను ఇంకాస్తా బాగా చూపించాల్సింద‌ని చాలా మంది అన్నారు. ఈ విష‌యాన్ని నేను కూడా అంగీక‌రిస్తాను.
ఎవ‌రూ బెదిరించ‌లేదు….
– వంగ‌వీటి, దేవినేని కుటుంబాల మ‌ద్ధ‌తు లేకుండా సినిమా ప్రేక్ష‌కుల ముందుకు తీసుకొచ్చే వాళ్లం కాదు. సినిమా విడుద‌ల‌కు ముందు కానీ, త‌ర్వాత కానీ ఎవ‌రూ మ‌మ్మ‌ల్ని బెదిరించ‌లేదు. సినిమా బాగా ఉంది కాబ‌ట్టే ప్రేక్ష‌కులు సినిమాను బాగా ఆద‌రిస్తున్నారు. సినిమాను డిసెంబ‌ర్ 23న 270 థియేట‌ర్స్‌లో విడుద‌ల చేశాం. సినిమా ఇప్ప‌టికీ స‌క్సెస్‌ఫుల్ 140 థియేట‌ర్స్‌లో ర‌న్ అవుతుంది.
తదుప‌రి చిత్రాలు…
– మా రామ‌దూత క్రియేష‌న్స్ బ్యాన‌ర్‌పై ఓ క‌మ‌ర్షియ‌ల్ సినిమాను ప్లాన్ చేస్తున్నాం. ఆ వివ‌రాల‌ను సంక్రాంతి త‌రువాత తెలియ‌జేస్తాం.

టాలీవుడ్ స్టార్ కమీడియన్ సప్తగిరి హీరో లాంఛింగ్ సినిమా సప్తగిరి ఎక్స్ ప్రెస్ బాక్సాఫీస్ పై కలెక్షన్ల సునామీ సృష్టిస్తోంది. విడుదలైన ప్రతి చోటా హౌస్ ఫుల్ వసూళ్ల రాబడుతోందని ఈ చిత్ర బృందం తెలిపింది. మాస్టర్స్ హోమియోపతి అధినేత డాక్టర్ రవికిరణ్ శ్రీ సాయి సెల్యులాయిడ్ క్రియేషన్స్ పతాకం పై ఈ చిత్రాన్ని నిర్మించారు. ప్రేక్షకుల నుంచి ఈ చిత్రానికి వస్తోన్న ఆదరణ నేపథ్యంలో ఇటీవలే సప్తగిరి ఎక్స్ ప్రెస్ టీమ్ సక్సెస్ టూర్ ప్లాన్ చేశారు. అందులో భాగంగా మొదట శ్రీకాకుళం నుంచి నెల్లూరు వరకు ఈ చిత్ర బృందం పర్యటించింది. వెళ్లిన ప్రతి చోటా సప్తగిరి ఎక్స్ ప్రెస్ బృందాన్ని అభిమానులు విశేషంగా ఆదరించారని నిర్మాత రవికిరణ్ తెలిపారు. త్వరలోనే నైజాం, సీడెడ్ ఏరియాల్లో కూడా పర్యటిస్తాం అని ఆయన చెప్పారు. ఇంతటి ఊహించని విజయాన్ని అందించిన తెలుగు ప్రేక్షకులకి మనస్పూర్తిగా కృతజ్ఞతలు తెలిపారు సప్తగిరి. సినిమాటోగ్రాఫ్ రామ్ ప్రసాద్, ఎడిటర్ గౌతంరాజు ఈ సినిమాను తమ నైపుణ్యంతో ప్రేక్షకుల్ని ఆద్యంతం అలరించే విధంగా తీర్చి దిద్దారని, పవర్ స్టార్ పవన్ కళ్యాణ్ తమ చిత్ర బృందానికి ఎంతో సహాయపడ్డారని డైరెక్టర్ అరుణ్ చెప్పారు. ఇక ఈ సినిమాకు కో ప్రొడ్యూసర్ :డాక్టర్ వాణి రవికరిణ్, సినిమాటోగ్రాఫర్ : సి.రామ్ ప్రసాద్, ఎడిటిర్ : గౌతంరాజు, క్రియేటివ్ హెడ్ : గోపాల్ అమిరశెట్టి, మాటలు : రాజశేఖర్ రెడ్డిపులిచర్ల.

Stills