నటీమణులు Archives | Cine Chitram

పరిపూర్ణమైన ఆనందాన్నిచ్చిన చిత్రం “జయమ్ము నిశ్చయమ్మురా” – పూర్ణిమ

CineChitram — Thu, 24 Nov 2016 18:20:32 +0000

“ఇప్పటివరకు నేను చాలా సినిమాల్లో నటించాను, వాటిలో కొన్ని సూపర్ హిట్ కూడా అయ్యాయి. కానీ.. ఓ నటిగా ఇప్పటివరకు నాకు పరిపూర్ణమైన ఆనందాన్ని ఇఛ్చిన చిత్రం పేరు చెప్పమంటే మాత్రం కచ్చితంగా “జయమ్ము నిశ్చయమ్మురా” పేరు చెబుతాను” అన్నారు టాలెంటెడ్ హీరోయిన్ పూర్ణ.

సతీష్ కనుమూరితో కలిసి స్వీయ నిర్మాణంలో శివరాజ్ కనుమూరి దర్శకత్వంలో పూర్ణ హీరోయిన్ గా నటించిన “జయమ్ము నిశ్చయమ్మురా” ఈనెల 25న విడుదలవుతోంది. ఈ సందర్భంగా పూర్ణ మీడియాతో ప్రత్యేకంగా ముచ్చటించారు.

శివరాజ్ కనుమూరితో పని చేస్తున్నప్పుడు ఒక కొత్త దర్శకుడితో పని చేసిన ఫీలింగ్ ఎప్పుడూ తనకు కలగలేదని, ఒక లెజెండరీ డైరెక్టర్ తో పని చేస్తున్న ఫీలింగ్ కలిగిందని ఈ సందర్భంగా పూర్ణ పేర్కొన్నారు. ఈ సినిమా ప్రపోజల్ తన దగ్గరకు వచ్చినప్పుడు.. చాలా మంది చాలా రకాలుగా చెప్పారని, కానీ శివరాజ్ చెప్పిన స్టోరీ విన్నాక, ఈ సినిమాకు సంతకం చేయకుండా ఉండలేకపోయానని ఆమె అన్నారు. వేరే వాళ్ళ మాటలు విని ఈ సినిమా చేసి ఉండకపోతే.. ఒక గొప్ప సినిమాను మిస్సయ్యిపోయి ఉండేదాన్నని పూర్ణ చెప్పారు. శ్రీనివాస్ రెడ్డి వంటి టేలెంటెడ్ యాక్టర్ తో పని చేయడం కూడా తనకు మంచి అనుభూతిని ఇచ్చిందని ఆమె అన్నారు. “జయమ్ము నిశ్చయమ్మురా” వంటి గొప్ప సినిమా చేసినందుకు జీవితాంతం గర్వపడతానని, ఇందుకుగాను దర్శకనిర్మాత శివరాజ్ కనుమూరికి ఎప్పటికీ రుణపడి ఉంటానని పూర్ణ అన్నారు. విడుదలకు ముందే ఈ చిత్రానికి సూపర్ హిట్ టాక్ రావడం తనకు ఎంతో సంతోషంగా ఉందని ఆమె చెప్పారు. కేరళ నుంచి వఛ్చిన తనకు.. ఇప్పటివరకు తమ కేరళ చాల అందమైన రాష్ట్రమనే చిన్న అహంకారం మనసులో ఉండేదని.. కానీ “జయమ్ము నిశ్చయమ్మురా” చిత్రం కోసం ఆంధ్ర, తెలంగాణలోని కొన్ని ప్రాంతాల్లో షూటింగ్ చేసాక.. కేరళలోని అందాల కంటే గొప్ప ప్రకృతి అందాలు ఇక్కడ ఉన్నాయని తెలుసుకున్నానని ఆమె తెలిపారు. ఇప్పుడొస్తున్న రొటీన్ సినిమాలకు భిన్నంగా.. భారతీరాజా, భాగ్యరాజా, జంధ్యాల, వంశీ వంటి గొప్ప దర్శకులు తీసిన సినిమాల తరహాలో రూపొందిన “జయమ్ము నిశ్చయమ్మురా” చిత్రాన్ని ప్రతి ఒక్కరూ కుటుంబ సమేతంగా చూడాలని పూర్ణ అన్నారు. ఈ చిత్రం కోసం పని చేసిన ప్రతి ఒక్కరికీ పూర్ణ పేరు పేరునా కృతజ్ఞతలు తెలిపారు!!

Stills

The post పరిపూర్ణమైన ఆనందాన్నిచ్చిన చిత్రం “జయమ్ము నిశ్చయమ్మురా” – పూర్ణిమ appeared first on Cine Chitram.

పూనం పాండే కొత్త సినిమా ప్రారంభం

CineChitram — Wed, 12 Oct 2016 12:45:18 +0000

వి.బి.ఆర్‌.క్రియేష‌న్స్‌, సూర‌జ్ ప్రొడ‌క్ష‌న్స్ బ్యాన‌ర్స్‌పై పూన‌మ్ పాండే ప్ర‌ధాన పాత్ర‌లో న‌టిస్తున్న కొత్త చిత్రం బుధ‌వారం ఉద‌యం హైద‌రాబాద్‌లో ప్రారంభం అయ్యింది. ఈ చిత్రంలో ఆశిష్ విద్యార్థి కీల‌క పాత్ర‌ల్లో న‌టిస్తున్నారు. భ‌వాని మ‌స్తాన్ క‌థ‌, క‌థ‌నం, ద‌ర్శ‌క‌త్వ బాధ్య‌త‌లు నిర్వ‌హిస్తున్నఈ చిత్రానికి వెంక‌ట్ సినిమాటోగ్ర‌ఫీని అందిస్తున్నారు. ఈరోజు నుండే సినిమా రెగ్యుల‌ర్ షూటింగ్ కూడా ప్రారంభం అవుతుంద‌ని, కామెడి ప్ర‌ధానంగా సాగే ల‌వ్ ట్ర‌యాంగిల్ చిత్రంలో ఓ ప్ర‌ముఖ హీరో కూడా న‌టిస్తున్నారని నిర్మాత‌లు విజ‌య్‌భాస్క‌ర్ రెడ్డి, ఫ‌క్రుద్దీన్ షా తెలియ‌జేశారు.

The post పూనం పాండే కొత్త సినిమా ప్రారంభం appeared first on Cine Chitram.

అక్టోబర్ 1న అవికాగోర్ ‘మాంజ’

CineChitram — Thu, 29 Sep 2016 18:24:15 +0000

అవికాగోర్ హీరోయిన్ గా ఇషాడియోల్, కార్తిక్ జయరాజ్, అనీష్ బజ్మీ, దీప్ పథక్ ఇతర ప్రధాన పాత్రధారులుగా కిషన్ శ్రీకాంత్ దర్శకత్వంలో కన్నడలో ఘనవిజయం సాధించిన చిత్రాన్ని భీమవరం టాకీస్ పతాకంపై రాజ్ కందుకూరి సమర్పణలో తుమ్మలపల్లి రామసత్యనారాయణరావు తెలుగు ప్రేక్షకులకు అందిస్తున్న చిత్రం “మాంజ”. నిర్మాణాంతర కార్యక్రమాలు పూర్తి చేసుకొని అక్టోబర్ 1న విడుదల కానున్న ఈ చిత్రం ట్రైలర్ లాంఛ్ కార్యక్రమం హైదరాబాద్ ప్రసాద్ లాబ్స్ ప్రివ్యూ థియేటర్లో దర్శకరత్న డా:దాసరి నారాయణరావు సమక్షంలో జరిగింది.

ఈ సందర్భంగా డా:దాసరి నారాయణరావు మాట్లాడుతూ.. ‘డబ్బింగ్ సినిమాల ప్రభావం తెలుగు సినిమాల మీద పడి చిన్ని తెలుగు సినిమాలకు స్క్రీన్స్ లేని పరిస్థితి ఏర్పడుతుంది. అందుకే నేను డబ్బింగ్ సినిమా ఫంక్షన్స్క కి రాను. ఇప్పుడు ఈ ఫంక్షన్ కి వచ్చానంటే కారణం మాత్రం ఈ సినిమా డైరెక్టర్. 9సం. లకే డైరెక్ట్ చేశాడు. అందుకే అతన్ని ఆశీర్వదించడానికి వచ్చాను. నలుగురు కుర్రాళ్ళ కథే ఈ మాంజ. చిన్నప్పుడు గాలిపటాలు ఎగరేసేటప్పుడు వాడే మంజాను ఈ సినిమాలోని మూలకథకు ఏ విధంగా ఉపయోగించాడు అన్న ఇతివృత్తంగా తీసుకుని సినిమాను చాల అద్భుతంగా తెరకెక్కించాడు. నిజంగా టేకింగ్ మెచ్యూర్డ్ డైరెక్టర్ డైరెక్ట్ చేసినట్టయింది. ఈ మధ్య అవికాగోర్ బాగా పాపులర్ అయింది. మంచి సినిమాలు చేస్తోంది. ఈ సినిమా కూడా తనకి మంచి సినిమా అవుతుందన్న నమ్మకముంది. సినిమాను ప్రమోషన్ చేసి విడుదల చేయడంలో రామసత్యనారాయణ రావు కి చక్కని అనుభవం ఉంది. అలాగే రాజ్ కందుకూరి, రామసత్యనారాయణరావు కాంబినేషన్లో వస్తున్న ఈ చిత్రం వాళ్లతో పాటు యూనిట్ అందరూ మంచి విజయం అందుకోవాలని మనస్ఫూర్తిగా కోరుకుంటున్నాను’ అన్నారు.

తుమ్మలపల్లి రామసత్యనారాయణరావు.. ‘చిన్న సినిమా అయినప్పటికీ గురువుగారు దాసరిగారి ఆదరణతో మాలాంటి చిన్న నిర్మాతలు తీసే సినిమాలకు మంచి సపోర్ట్ దొరుకుతుంది. చక్కని కథాంశంతో మాస్ ఎంటెర్టైనెర్ గా ఈ సినిమా రూపొందిన “మాంజా” చిత్రాన్ని అక్టోబర్ 1న 65థియేటర్స్ లో విడుదల చేస్తున్నాం’ అన్నారు.

చిత్రదర్శకుడు కిషన్ ఎస్ ఎస్ మాట్లాడుతూ.. ‘ఈ సినిమాను ఎంతో ఎఫర్ట్ పెట్టి చేశాం. ఒక్క మాటలో చెప్పాలంటే ఎమోషనల్ సస్పెన్స్ థ్రిల్లర్ ‘మాంజ’. అవికాగోర్ తెలుగులో బాగా పాపులర్ అయింది. ముఖ్యంగా హేమామాలిని తనయ ఇషాడియోల్ రోల్ సినిమాకి హైలైట్. ఆ పాత్రకు జీవం పోశారు. ముగ్గురు కుర్రాళ్ళు, ఒక అమ్మాయి పోలిసులకు దొరికితే 18సం.ల లోపు వాళ్ళను ఎలా ట్రీట్ చేస్తారనేది ఈ చిత్రంలో చూపించాం. అయితే పోలీసుల బారి నుండి తప్పించుకోవటానికి ‘మాంజ’ను ఏ విధంగా వినియోగించారు అనేది చిత్ర కథాంశం. తప్పకుండా మాకందరికి మంచి సినిమా అవుతుందన్న నమ్మకముంది’ అన్నారు.

రాజ్ కందుకూరి మాట్లాడుతూ.. ‘సినిమాను చిన్నా-పెద్ద అన్న తేడా లేకుండా ప్రమోషన్ చేసి విడుదల చేయాలంటే రామసత్యనారాయణరావు గారికే సాధ్యం. అందుకే ఆయన చేసే ప్రతి సినిమా సక్సెస్ అవుతుంది. కిషన్ సినిమాను అద్భుతంగా తెరకెక్కించాడు. వయసు తక్కువైనా ఏంతో అనుభవం ఉన్నవాడిలా చేసాడు. అతనికి ఈ సినిమా డైరెక్టర్ గా మంచి పేరు తెస్తుంది. టీం అందరూ ఈ సినిమాతో మంచి సక్సెస్ ను అందుకుంటారు’ అన్నారు.

ఇంకా ఈ కార్యక్రమంలో మల్కాపురం శివకుమార్, ఎన్.శంకర్, గిరిధర్, సాయివెంకట్, పద్మిని, కె.ఆర్.ఫణిరాజ్, కిషన్ ఎస్ ఎస్, దీప్ పథక్, పాటల రచయితలు చల్లా భాగ్యలక్ష్మి, సురేష్ గంగుల, మాటల రచయిత చంద్ర వట్టికూటిలు పాల్గొన్నారు.

అవికాగోర్, ఈషా డియోల్(హేమమాలిని కుమార్తె), కార్తీక్ జయరాజ్, అనీష్ బజ్మీ, దీప్ పథక్, నరేష్ డింగ్రి నటిస్తున్న ఈ చిత్రానికి పాటలు: చల్ల భాగ్యలక్ష్మీ, సురేష్ గంగుల, మాటలు: చంద్ర వట్టికూటి, పీఆర్ ఓ: ధీరజ్ అప్పాజీ, సమర్పణ: రాజ్ కందుకూరి, నిర్మాత: తుమ్మలపల్లి రామసత్యనారాయణ, కథ, స్క్రీన్ ప్లే, సంగీతం, దర్శకత్వం: కిషన్ శ్రీకాంత్.

The post అక్టోబర్ 1న అవికాగోర్ ‘మాంజ’ appeared first on Cine Chitram.

విశాఖ తీరాన వైభవంగా ప్రారంభమైన “కళామందిర్” 25వ షోరూమ్..!!

CineChitram — Mon, 26 Sep 2016 19:56:12 +0000

“లేట్ గా వచ్చినా లేస్టెస్ట్ గా వస్తా” అనే రజనీకాంత్ డైలాగ్ ను గుర్తుచేస్తూ.. అప్పటికే వస్త్ర ప్రపంచంలో ఉన్న మహామహులకు గట్టి పోటీనిస్తూ నేడు ఆ బిజినెస్ లో మకుటం లేని రారాజుగా మారిన ప్రఖ్యాత వస్త్రాభరణాల షోరూమ్ కళామందిర్ “ఇంతింతై వటుడింతై” అన్న చందాన శిఖరాగ్ర స్థాయికి చేరుకొంది.

నేడు (సెప్టెంబర్ 25) వారి బిజినెస్ చైన్ లో మరో కలికితురాయి అయిన “25వ షోరూమ్”ను విశాఖ మహానగరంలో అత్యంత ఘనంగా.. రాజకీయ, క్రీడ మరియు సినీ ప్రముఖుల సమక్షంలో ప్రారంభించారు.

విశాఖపట్నంలోని అసిల్ మెట్టలో అధునాతనమైన, సుందరమైన కళామందిర్ 25వ షోరూమ్ ప్రారంభోత్సవానికి 2016 ఒలిపింక్స్ లో టెన్నిస్ లో వెండి పతాకం సాధించి తెలుగువారి ప్రతిష్టను ప్రపంచానికి పరిచయం చేసిన పి.వి.సింధు, రాష్ట్ర మంత్రివర్యులు గంటా శ్రీనివాసరావు, తెలుగు చిత్రసీమలో ప్రముఖ కథానాయికలైన నిత్యామీనన్, రాశీఖన్నా, ప్రగ్యా జైస్వాల్, నివేదా థామస్ లు ముఖ్య అతిధిలుగా హాజరయ్యారు.

పి.వి.సింధు-గంటా శ్రీనివాసరావుల చేతుల మీదుగా షోరూమ్ ప్రారంభమవ్వగా.. నిత్యామీనన్, రాశీఖన్నా, ప్రగ్యా జైస్వాల్, నివేదా థామస్ లు ప్రత్యేక ఆకర్షణలుగా నిలిచారు.

ఇప్పటివరకూ తెలంగాణ రాజధాని అయిన హైద్రాబాద్, ఆంధ్ర రాజధాని అయిన విజయవాడల్లో తమ షోరూమ్ లను సమర్ధవంతంగా నిర్వహిస్తూ అతివలకు అత్యంత ప్రియమైన చీరలను ఇంకాస్త అందంగా రూపొందించి వారి మనసుల్లో ఎనలేని సంతోషాన్ని నింపుతున్న కళామందిర్ గ్రూప్ ఎం.డి కళామందిర్ కళ్యాణ్ ఇప్పుడు విశాఖపట్నంలోనూ తన వస్త్ర సామ్రాజ్యాన్ని స్థాపించి త్వరలోనే ఇక్కడ కూడా తనదైన పనితనంతో అగ్ర స్థానానికి చేరుకోవాలన్న కళ్యాణ్ కళాతృష్ణ త్వరలోనే నెరవేరుతుందని వేడుకకు హాజరైన అతిధులు అభిలషించగా.. వేలాదిగా విచ్చేసిన జనాలు మనస్ఫూర్తిగా దీవించారు!

The post విశాఖ తీరాన వైభవంగా ప్రారంభమైన “కళామందిర్” 25వ షోరూమ్..!! appeared first on Cine Chitram.

Nitya menon at Kalamandir showroom opening at Viza

CineChitram — Mon, 26 Sep 2016 18:52:19 +0000

checkout Nityamenon Photos at Kalamandir opening at Vizag

The post Nitya menon at Kalamandir showroom opening at Viza appeared first on Cine Chitram.

ఇటలీకి వెళుతున్న `శరభ` యూనిట్

CineChitram — Wed, 14 Sep 2016 08:24:45 +0000

ఆకాష్ సహదేవ్, మిష్టి చక్రవర్తి హీరో హీరోయిన్లుగా ఎ.కె.యస్. ఎంటర్ టైన్ మెంట్ బ్యానర్ పై ప్రముఖ దర్శకుడు శంకర్ వద్ద అసోసియేట్ గా వర్క్ చేసిన ఎన్.నరసింహరావ్ దర్శకత్వంలో అశ్వనీ కుమార్ సహదేవ్ నిర్మాతగా రూపొందుతోన్న చిత్రం `శరభ`. జయప్రద, నెపోలియన్ లు కీలకపాత్రల్లో నటిస్తున్నారు. సోషియో ఫాంట‌సీ బ్యాక్‌డ్రాప్‌లో హ్యుమ‌న్ ఏమోష‌న్స్ తో పాటు హై టెక్నికల్ వాల్యూస్ తో విజువల్ వండర్ గా ఈ సినిమా తెరకెక్కుతోంది. ఈ సినిమాలో డ్యూయెట్ చిత్రీకరణ కోసం చిత్రయూనిట్ ఇటలీ వెళుతుంది. ఈ సందర్భంగా…..

చిత్ర నిర్మాత ఆకాష్ సహదేవ్, సురేష్ కపాడియా మాట్లాడుతూ – “విజువల్ వండర్ గా రూపొందుతోన్న శరభ మూవీ టాకీ పార్ట్ పూర్తయ్యింది. ప్రస్తుతం పాటల చిత్రీకరణ జరుపబోతున్నాం. భారీ బడ్జెట్ తో , క్వాలిటీ విషయంలో కాంప్రమైజ్ కాకుండా సినిమా రూపొందిస్తున్నాం. ఈ సినిమాలో హీరో హీరోయిన్ మధ్య వచ్చే డ్యూయెట్ సాంగ్ ను ఇటలీలోని రోమ్, నా ప్లెస్ తదితర ప్రాంతాల్లోని అందమైన లోకేషన్స్ లో చిత్రీకరించడానికి ప్లాన్ చేశాం. అందులో భాగంగా సెప్టెంబర్ 25న యూనిట్ ఇటలీ వెళుతుంది. రఘు మాస్టర్ నేతృత్వంలో ఫారెన్ డ్యాన్సర్ తో ఈ పాటను చిత్రీకరిస్తాం. అలాగే స్విజర్లాండ్ లోని ఆల్ఫ్ మౌంటెన్స్ లో కీలకమైన సన్నివేశాలను చిత్రీకరిస్తున్నాం“ అన్నారు.

ఆకాష్ సహదేవ్, మిష్టీ చక్రవర్తి, నెపోలియన్, జయప్రద, నాజర్, షాయాజీ షిండే, పునీత్ ఇస్సార్, చరణ్ దీప్, ఎల్.బి.శ్రీరాం, పృథ్వీరాజ్, తనికెళ్ళ భరణి,రఘుబాబు, జబర్ దస్త్ రాజేష్ తదితరులు నటించిన ఈ చిత్రానికి డైలాగ్స్: సాయిమాధవ్ బుర్రా, సినిమాటోగ్రఫీ: రమణ సాల్వ, సంగీతం: కోటి, ఆర్ట్: కిరణ్ కుమార్,ఎడిటింగ్: కోటగిరి వెంకటేశ్వరరావు, కో ప్రొడ్యూసర్: సురేష్ కపాడియా, నిర్మాత: అశ్వనీ కుమార్ సహదేవ్, కథ, స్క్రీన్ ప్లే, దర్శకత్వం: ఎన్.నరసింహారావు.

The post ఇటలీకి వెళుతున్న `శరభ` యూనిట్ appeared first on Cine Chitram.