వీడియోలు Archives | Cine Chitram

నేచురల్ స్టార్ నాని విడుదల చేసిన “అమీ తుమీ” టీజర్

CineChitram — Tue, 18 Apr 2017 18:32:21 +0000

ఏ గ్రీన్ ట్రీ ప్రొడక్షన్స్ పతాకంపై అవసరాల శ్రీనివాస్-అడివి శేష్ హీరోలుగా ఇంద్రగంటి మోహనకృష్ణ దర్శకత్వంలో తెరకెక్కుతున్న మల్టీస్టారర్ “అమీ తుమీ” టీజర్ ను నిన్న సాయంత్రం చిత్ర దర్శకుడు ఇంద్రగంటి మోహనకృష్ణ పుట్టినరోజు సందర్భంగా నేచురల్ స్టార్ నాని విడుదల చేశారు. ఈ సందర్భంగా చిత్ర నిర్మాత కె.సి.నరసింహారావు “అమీ తుమీ” టీజర్ ను విడుదల చేసిన నేచురల్ స్టార్ నానీకి ప్రత్యేక కృతజ్నతలు తెలిపారు.

నిర్మాత కె.సి.నరసింహారావు మాట్లాడుతూ.. “నిన్న సాయంత్రం విడుదలైన “అమీ తుమీ” టీజర్ కు తెలుగు రాష్ట్రాల నుంచి విశేషమైన స్పందన లభిస్తోంది. ముఖ్యంగా సింక్ సౌండ్, నటీనటుల కామెడీ టైమింగ్ ను ప్రేక్షకులు అభినందిస్తుండడం మాకు ఆనందాన్ని కలిగిస్తోంది. నిర్మాణాంతర కార్యక్రమాలు చివరి దశకు చేరుకొన్నాయి. మే నెలలో చిత్రాన్ని విడుదల చేసేందుకు సన్నాహాలు చేస్తున్నాం” అన్నారు.

అవసరాల శ్రీనివాస్, అడివి శేష్, ఈషా, అదితి మ్యాకల్, తనికెళ్లభరణి, అనంత్, మధుమణి, కేదార్ శంకర్, వేణుగోపాల్, శ్యామల, తనికెళ్ళ భార్గవ్, తడివేలు తదితరులు ఇతర ముఖ్యపాత్రలు పోషిస్తున్న ఈ చిత్రానికి మేకప్ చీఫ్: సి.హెచ్.దుర్గాబాబు, కాస్ట్యూమ్ డిజైనర్: ఎన్.మనోజ్ కుమార్, ప్రొడక్షన్ కంట్రోలర్: మోహన్ పరుచూరి, ప్రొడక్షన్ అడ్వైజర్: డి.యోగానంద్, కో-డైరెక్టర్: కోటా సురేష్ కుమార్, ప్రొడక్షన్ డిజైనర్: ఎస్.రవీందర్, ఎడిటర్: మార్తాండ్ కె.వెంకటేష్, సినిమాటోగ్రఫీ: పి.జి.విందా, మ్యూజిక్: మణిశర్మ, ఎగ్జిక్యూటివ్ ప్రొడ్యూసర్: వినయ్, ప్రొడ్యూసర్: కె.సి.నరసింహారావు, రచన-దర్శకత్వం: మోహనకృష్ణ ఇంద్రగంటి!

The post నేచురల్ స్టార్ నాని విడుదల చేసిన “అమీ తుమీ” టీజర్ appeared first on Cine Chitram.

`ఖ‌య్యూం భాయ్` టీజ‌ర్ ఆవిష్క‌ర‌ణ‌

CineChitram — Thu, 06 Apr 2017 16:13:27 +0000

గ్యాంగ్‌స్ట‌ర్‌ న‌యీం జీవిత కథ ఆధారంగా రూపొందుతున్న సినిమా `ఖ‌య్యూం భాయ్‌`. న‌యీమ్ పాత్ర‌లో క‌ట్టా రాంబాబు, ఏసీపీ పాత్ర‌లో తార‌క‌ర‌త్న న‌టిస్తున్నారు. భ‌ర‌త్ ద‌ర్శ‌కత్వం వ‌హిస్తున్నారు. శ్రీ సాయి ఊహ క్రియేష‌న్స్ ప‌తాకంపై శ్రీ‌మ‌తి క‌ట్టా శార‌ద చౌద‌రి ఈ చిత్రాన్ని నిర్మిస్తున్నారు. ఈ సినిమా టీజ‌ర్ ఆవిష్క‌ర‌ణ కార్య‌క్ర‌మం గురువారం ఉద‌యం హైద‌రాబాద్ ప్రసాద్ ల్యాబ్స్ లో జ‌రిగింది. గుంటూరు జిల్లా ప‌రిష‌త్ చైర్మ‌న్ నాగ భూష‌ణం, ద‌ర్శ‌కుడు వి.సాగ‌ర్, సీనియర్ న‌టుడు కృష్ణంరాజు స‌తీమ‌ణి శ్యామ‌ల సంయుక్తంగా టీజ‌ర్ ను ఆవిష్క‌రించారు. అనంత‌రం..

న‌యీమ్ పాత్ర‌ధారి క‌ట్టా రాంబాబు మాట్లాడుతూ `న‌యీమ్ చిన్న‌ప్ప‌టినుంచి ఎన్‌కౌంట‌ర్‌లో మ‌ర‌ణించిన వ‌ర‌కూ జ‌రిగిన అన్ని సంఘ‌ట‌న‌ల్ని తెర‌పై చూపిస్తున్నాం. ఓ పెద్ద సినిమా గా తెర‌కెక్కించాం. రేయింబ‌వ‌ళ్లు శ్ర‌మించి ఇష్టంగా సినిమా కోసం టీమ్ అంతా క‌లిసి ప‌నిచేశాం. అందువ‌ల్లే ఇంత గొప్ప అవుట్ ఫుట్ తీసుకురాగ‌లిగాం. ఎడిట‌ర్ గౌతం రాజు గారు ప్ర‌ధ‌మార్థం సినిమా చూసి బాగుంద‌ని ప్ర‌శంసించారు. టీమంతా ధైర్యంగా ఉండొచ్చ‌న్నారు. పాట‌లు, ఫైట్స్, కామెడీ అన్ని అంశాలున్న సినిమా ఇది. ప్రేక్ష‌కులు అంతా మా సినిమా చూసి ఆద‌రిస్తార‌ని కోరుకుంటున్నా` అని అన్నారు.

చిత్ర ద‌ర్శ‌కుడు భ‌ర‌త్ మాట్లాడుతూ“ ఈ క‌థ అనుకున్న‌ప్పుడు న‌యీమ్ పాత్ర‌కు రాంబాబు గారు అయితేనే బాగుంటుంద‌ని దాస‌రి నారాయ‌ణ‌రావు గారు స‌ల‌హా ఇచ్చారు. నయీమ్ మేన‌రిజమ్ రాంబాబు గారు బాగా స్ట‌డీ చేసి చేశారు. మిగ‌తా అన్నీ పాత్ర‌లు కూడా హైలైట్ గా ఉంటాయి. మంచి టెక్నిక‌ల్ వెయిట్ ఉన్న మూవీ ఇది. భారీ బ‌డ్జెట్ తో నిర్మించాం. మే రెండ‌వ వారంలో సినిమా విడుద‌ల చేస్తాం. సినిమా అన్ని వ‌ర్గాల ప్రేక్ష‌కుల‌కు న‌చ్చుతుంద‌ని ఆశిస్తున్నా` అని అన్నారు.

చిత్ర నిర్మాత క‌ట్టా శార‌ద చౌద‌రి మాట్లాడుతూ ` ప్ర‌స్తుతం న‌యీమ్ అనే పేరు తెలుగు రాష్ర్టాల్లో బ‌ర్నింగ్ హాట్ టాపిక్. అలాంటి కంటెట్ ను తీసుకుని సినిమా గా చేశాం. సినిమా కోసం అంతా చాలా క‌ష్ట‌ప‌డ్డారు. మంచి అవుట్ ఫుట్ వ‌చ్చింది. ఈ చిత్రానికి నా త‌మ్ముళ్లు, ప‌త్తిపాటి పుల్లారావుగారు స‌హకారం ఇచ్చారు. మే నెల రెండ‌వ వారంలో సినిమా విడుద‌ల చేస్తాం` అని అన్నారు.

నాగ‌భూష‌ణం మాట్లాడుతూ `విల‌న్‌ని హీరోగా చూపించి తెర‌కెక్కించిన సినిమాలు చాలానే ఉన్నాయి. ఈ సినిమా కూడా అలాంటిదే. ఇలాంటి చిత్రాలు చేయ‌డం క‌త్తిమీద సాము. చిన్న సినిమాల‌కు ప్రాముఖ్య‌త‌నివ్వాలి. సినిమా విజయం సాధిందిచి అంద‌రికీ మంచి పేరు రావాలి` అని అన్నారు.

శ్యామ‌ల మాట్లాడుతూ `వాస్త‌వ సంఘ‌ట‌న ఆధారంగా తెర‌కెక్కిన ఈ సినిమా బాగుంటుంద‌ని ఆశిస్తున్నా. ట్రైల‌ర్ బాగుంది. సినిమా మంచి విజ‌యం సాధించాల‌ని కోరుకుంటున్నా` అని అన్నారు.

వి.సాగర్ మాట్లాడుతూ `ఈ రియ‌ల్ స్టోరీ ట్రెండ్ సెట్ట‌ర్ అవుతుంది. ట్రైల‌ర్ చూస్తే సినిమాలో స్టామినా ఏంటో తెలుస్తోంది. సినిమా విజ‌యం సాధించి టీమ్ అంద‌రికీ చ‌క్క‌ని పేరు..నిర్మాత‌కు మంచి లాభాలు తీసుకురావాల‌ని ఆశిస్తున్నా` అని అన్నారు.

నిర్మాత బెల్లంకొండ సురేష్ మాట్లాడుతూ ` భ‌ర‌త్ మంచి ట్యాలెంటెడ్ ద‌ర్శ‌కుడు. అయినా ఆయ‌న‌కు రావాల్సినంత పేరు రాలేదు. ఇప్పుడు ఈ సినిమా చ‌క్క‌టి పేరు తెస్తుంద‌నే న‌మ్మ‌కం ఉంది. క‌ట్టా రాంబాబు అచ్చం న‌యీమ్‌లాగానే ఉన్నాడు“ అని అన్నారు.

ప్ర‌స‌న్న కుమార్ మ‌ట్లాడుతూ ` గ్యాంగ్ స్ట‌ర్ అంటే దావూద్ ఇబ్ర‌హిం నే గుర్తుకు వ‌స్తాడు. కానీ న‌యీమ్ గురించి తెలిసింది చాలా త‌క్కువ‌. ఆయ‌న ఎంత ప‌వ‌ర్ ఫుల్ వ్య‌క్తినో..ఆయ‌న అస‌లు క‌థ ఏంట‌న్న‌ది ఈ సినిమా ద్వారా చెప్ప‌బొతున్నారు. వ‌ర్మ మూడు పార్టుల్లో తీస్తాన‌న్నారు. అంత‌కు ముందే వీళ్లు ఈ సినిమాను తీసేశారు. న‌యీమ్ పాత్ర‌లో రాంబాబు నూటికి నూరుశాతం ప‌క్క‌గా యాప్ట్ అయ్యాడు` అని అన్నారు.

ఈ కార్య‌క్ర‌మంలో శేఖ‌ర్ చంద్ర‌, వీర‌శంక‌ర్, చిన్నా, దిలీప్, బెన‌ర్జీ, కిర‌ణ్‌, బెక్కం వేణుగోపాల్, హ‌రినాథ్ త‌దిత‌రులు పాల్గొన్నారు.

మౌని (బెంగ‌ళూరు), ప్రియ , హ‌ర్షిత ,రాగిని , సుమ‌న్ , చ‌ల‌ప‌తిరావు, బెనర్జీ, య‌ల్.బి. శ్రీరాం, జీవ, వినోద్, రాంజ‌గ‌న్ ,ఫిష్ వెంక‌ట్ , దాస‌న్న‌, కోటేశ్వ‌రరావు , జూనియ‌ర్ రేలంగి త‌దిత‌రులు ఈ సినిమాలో న‌టిస్తున్నారు. కెమెరా: శ్రీ‌ధ‌ర్ నార్ల‌, ఎడిటింగ్‌: గౌతంరాజు, క‌ళ‌: పి.వి.రాజు, సంగీతం: శేఖ‌ర్ చంద్ర, ఫైట్స్‌: విజ‌య్‌, డ్యాన్స్‌: శేఖ‌ర్‌, మాట‌లు: భ‌వానీ ప్ర‌సాద్‌, క‌థ‌-క‌థ‌నం-ద‌ర్శ‌క‌త్వం: భ‌ర‌త్

The post `ఖ‌య్యూం భాయ్` టీజ‌ర్ ఆవిష్క‌ర‌ణ‌ appeared first on Cine Chitram.

వన్ మిలియన్ వ్యూస్ క్రాస్ చేసిన వరుణ్ తేజ్ ‘మిస్టర్’ ట్రైలర్

CineChitram — Sat, 25 Mar 2017 10:34:15 +0000

వ‌రుణ్‌తేజ్‌, లావ‌ణ్య త్రిపాఠి, హెబ్బా ప‌టేల్ హీరో హీరోయిన్లుగా బేబి భ‌వ్య స‌మ‌ర్ప‌ణ‌లో ల‌క్ష్మి న‌ర‌సింహ ప్రొడ‌క్ష‌న్స్‌ బ్యాన‌ర్‌పై న‌ల్ల‌మ‌లుపు శ్రీనివాస్‌(బుజ్జి), ఠాగూర్ మ‌ధు నిర్మాత‌లుగా శ్రీను వైట్ల ద‌ర్శ‌క‌త్వంలో రూపొందుతోన్న చిత్రం `మిస్ట‌ర్‌. ఈ చిత్ర ట్రైలర్ ను విడుదల చేసిన 21 గంటల్లోనే వన్ మిలియన్ వ్యూస్ క్రాస్ చేయడం విశేషం. మిస్టర్ ట్రైలర్ కు అన్ని వర్గాల ప్రేక్షకుల నుంచి అద్భుతమైన రెస్పాన్స్ వస్తుందని దీన్ని బట్టి అర్థం చేసుకోవచ్చు. అందమైన ప్రేమ కథను… శ్రీనువైట్ల తనదైన స్టైల్లో కమర్షియాలిటీని ఎక్కడా మిస్ కాకుండా గ్రాండియర్ గా ఈ చిత్రాన్ని నిర్మించారు. ట్రైలర్ సూపర్ హిట్ కావడంతో… ఈ చిత్రంపై అంచనాలు భారీగా పెరిగాయి. మంచి ఎమోష‌న్స్‌కి, హిలేరియ‌స్ ఎంట‌ర్‌టైనింగ్‌కి, మ్యూజిక్‌కి, విజువ‌ల్స్‌కు స్కోప్ ఉన్న క‌థ‌ ఇది. స్పెయిన్‌లోని ప‌లు అద్భుత‌మైన లొకేష‌న్ల‌లో షూట్ చేశారు. అలాగే ఇండియాలోని చిక్ మంగ‌ళూర్‌, చాళ‌కుడి, ఊటీ, హైద‌రాబాద్ ఏరియాల్లో ఒరిజిన‌ల్ లొకేష‌న్స్‌లో షూట్ చేశారు. మిక్కి జె.మేయ‌ర్‌ ఆరు పాట‌లు ఎక్స్‌ట్రార్డిన‌రీగా ఉన్నాయి. ఈనెల 29న ఆడియోను రిలీజ్ చేసి… ఏప్రిల్ 14న చిత్రాన్ని ప్రేక్షకుల ముందుకు తీసుకురానున్నారు.

వ‌రుణ్‌తేజ్‌, లావ‌ణ్య త్రిపాఠి, హెబ్బాప‌టేల్, ప్రిన్స్‌,నాజ‌ర్‌, ముర‌ళీశ‌ర్మ‌, త‌నికెళ్ళ‌భ‌ర‌ణి, చంద్ర‌మోహ‌న్‌, ర‌ఘుబాబు, ఆనంద్‌, పృథ్వీ, శ్రీనివాస్‌రెడ్డి, స‌త్యం రాజేష్‌, ష‌క‌ల‌క శంక‌ర్‌, నాగినీడు, హ‌రీష్ ఉత్త‌మ‌న్‌, నికిత‌న్‌ధీర్‌, ష‌ఫీ, శ్ర‌వ‌ణ్‌, మాస్ట‌ర్ భ‌ర‌త్‌, షేకింగ్ శేషు, ఈశ్వ‌రిరావు, సురేఖావాణి, స‌త్య‌కృష్ణ‌, తేజ‌స్విని త‌దిత‌రులు న‌టించిన ఈ చిత్రానికి

ఆర్ట్ః ఎ.ఎస్‌.ప్రకాష్‌, స్టైలింగ్ః రూప వైట్ల‌, లిరిక్స్ః కె.కె, రామ‌జోగ‌య్య శాస్త్రి, కోడైరెక్ట‌ర్స్ః బుజ్జి, కిర‌ణ్‌, ప్రొడ‌క్ష‌న్ కంట్రోల‌ర్ః కొత్త‌ప‌ల్లి ముర‌ళీకృష్ణ‌, క‌థః గోపీ మోహ‌న్‌, మాట‌లుః శ్రీధ‌ర్ సీపాన‌, సంగీతంః మిక్కి జె.మేయ‌ర్‌, సినిమాటోగ్ర‌ఫీః కె.వి.గుహ‌న్‌, ఎడిట‌ర్ః ఎం.ఆర్‌.వ‌ర్మ‌, నిర్మాత‌లుః న‌ల్ల‌మ‌లుపు శ్రీనివాస్‌(బుజ్జి), ఠాగూర్ మ‌ధు, స్క్రీన్‌ప్లే, ద‌ర్శ‌క‌త్వం – శ్రీనువైట్ల‌.

The post వన్ మిలియన్ వ్యూస్ క్రాస్ చేసిన వరుణ్ తేజ్ ‘మిస్టర్’ ట్రైలర్ appeared first on Cine Chitram.

దర్శకుడు మారుతి విడుదల చేసిన “లంక” టీజర్

CineChitram — Tue, 14 Mar 2017 15:22:44 +0000

సీనియర్ హీరోయిన్ రాశి కీలకపాత్రలో రోలింగ్ రాక్స్ ఎంటర్ టైన్మెంట్స్ పతాకంపై నామన దినేష్-నామన విష్ణు కుమార్ లు సంయుక్తంగా నిర్మిస్తున్న సస్పెన్స్ థ్రిల్లర్ “లంక”. శ్రీముని దర్శకత్వం వహిస్తున్న ఈ చిత్రానికి నామన శంకర్రావు-సుందరిలు సమర్పకులుగా వ్యవహరిస్తున్నారు. ఈ చిత్రం ఫస్ట్ లుక్ టీజర్ ను సంచలన దర్శకులు మారుతి విడుదల చేశారు చేశారు.

ఈ సందర్భంగా చిత్ర నిర్మాతలు నామన దినేష్-నామన విష్ణు కుమార్ లు మాట్లాడుతూ.. “వైవిధ్యమైన సస్పెన్స్ థ్రిల్లర్ గా తెరకెక్కుతున్న ఈ చిత్రం రాశీ కెరీర్ లో ఒక మైలురాయిగా నిలవడం ఖాయం. స్క్రిప్ట్ సెలక్షన్ లో చాలా పర్టీక్యూలర్ గా ఉండే రాశీ గారు మా దర్శకుడు శ్రీముని చెప్పిన కథ నచ్చి ఈ చిత్రంలో నటించడం మాకు ఎంతో ఆనందాన్ని కలుగజేసింది. షూటింగ్ పూర్తయ్యింది ప్రస్తుతం నిర్మాణానంతర కార్యక్రమాలు జరుగుతున్నాయి. ఇంటెన్స్ థ్రిల్లర్ గా తెరకెక్కిన “లంక” ఆడియోను ఈనెలాఖరుకు విడుదల చేసి వచ్చే నెలలో చిత్రాన్ని ప్రేక్షకుల ముందుకు తీసుకురానున్నాం” అన్నారు.

రాశి, సాయి రోనక్, ఐనా సాహ, సిజ్జు, సుప్రీత్, లీనా సిద్ధు, రాజేష్, సత్య, సుదర్శన్ తదితరులు ఇతర ముఖ్యపాత్రలు పోషిస్తున్న ఈ చిత్రానికి విజువల్ ఎఫెక్ట్స్: లెనిన్, డ్యాన్స్: స్వర్ణ, కళ: హరివర్మ, ఫైట్స్: డ్రాగన్ ప్రకాష్, ఎడిటర్: కార్తీక శ్రీనివాస్, కెమెరా: వి.రవికుమార్, మ్యూజిక్: శ్రీచరణ్ పాకాల, ప్రొడక్షన్ ఎగ్జిక్యూటివ్: ఎం.రవిబాబు, పి.ఆర్.ఓ: వంశీశేఖర్, నిర్మాతలు: నామన దినేష్-నామన విష్ణు కుమార్, కథ-స్క్రీన్ ప్లే-మాటలు-దర్శకత్వం: శ్రీముని!

Posters

The post దర్శకుడు మారుతి విడుదల చేసిన “లంక” టీజర్ appeared first on Cine Chitram.

హీరో శ్రీకాంత్ చిత్రం ‘రా.రా…’ ద్వితీయ ప్రచార చిత్రం, పాట విడుదల

CineChitram — Tue, 28 Feb 2017 10:15:24 +0000

ప్రముఖ కథానాయకుడు శ్రీకాంత్ హీరో గా నటిస్తున్న చిత్రమిది.

ఈ చిత్రం ద్వితీయ ప్రచార చిత్రం విడుదల వేడుక గత రాత్రి నరసారావు పేటలో జరిగింది.

శ్రీకాంత్ కథానాయకునిగా ‘రారా’ పేరుతో రూపొందుతున్న ఈ నూతన చిత్రం తొలి ప్రచార చిత్రాన్ని ఇటీవల మెగాస్టార్ చిరంజీవి తన స్వగృహంలో ఆవిష్కరించిన విషయం విదితమే. ద్వితీయ ప్రచార చిత్రం మరియు చిత్రం లోని ఓ గీతాన్ని నరసారావు పేటలోని శ్రీమిత్ర జూనియర్ కాలేజీ లో విద్యార్థిని,విద్యార్థుల సమక్షంలో వైభవంగా జరిగింది. ఈ వేడుకకు ముఖ్య అతిధి గా ఆంధ్రప్రదేశ్ డి.ఐ.జి. శ్రీ జె.సత్యన్నారాయణ రావు, ప్రముఖ కధా నాయిక కేథరిన్ పాల్గొన్నారు. ముఖ్య అతిధులు కళాశాలలో ఉన్నత ర్యాంక్ సాధించిన విద్యార్థిని విద్యార్థుల చేతుల మీదుగా ‘రా.రా…’ ద్వితీయ ప్రచార చిత్రం మరియు చిత్రం లోని ఓ గీతం విడుదల అయింది.

ఈ సందర్భంగా హీరో శ్రీకాంత్ మాట్లాడుతూ ..’ ఇది హాస్యం తో కూడిన హర్రర్ ధ్రిల్లర్ చిత్రం.

మనుషులకు, దెయ్యాలకు మధ్య సాగే సరదా ఆటలు సగ టు సినిమా ప్రేక్షకుడిని వినోదాల తీరంలో విహరింప చేస్తాయి. హర్రర్ కామెడీ ధ్రిల్లర్ చిత్రం నేను తొలిసారి చేస్తున్నాను.చిత్రం ప్రేక్షకుల ఆదరణకు నోచుకుంటుదని ఆశిస్తున్నాను అన్నారు.

‘రారా’ చిత్రం షూటింగ్ కార్యక్రమాలు పూర్తయ్యాయి. ప్రస్తుతం నిర్మాణానంతర కార్యక్రమాలు జరుగుతున్నాయి. వచ్చే నెలలో చిత్రంను విడుదలకు సిద్ధం చేస్తున్నట్లు నిర్మాత విజయ్ తెలిపారు.

శ్రీకాంత్ హీరోగా, నాజియా కథానాయికగా ‘విజి చరిష్ విజన్స్’ పతాకంపై నిర్మితమవుతున్న ఈ చిత్రంలోని ఇతర ప్రధాన పాత్రలలో గిరిబాబు,సీత,నారాయణ,ఆలీ,రఘుబాబు,పోసానికృష్ణ మురళి, పృథ్వి,జీవ,చంద్రకాంత్, అదుర్స్ రఘు,హేమ, షకలక శంకర్, నల్లవేణు తదితరులు నటిస్తున్నారు.

ఈ చిత్రానికి సంగీతం: రాప్రోక్ షకీల్, ఫోటోగ్రఫి: పూర్ణ, పోరాటాలు: గిల్లె శేఖర్, ఎడిటర్: శంకర్,

సమర్పణ: శ్రీమిత్ర చౌదరి

నిర్మాత: విజయ్

దర్శకత్వం: విజి చరిష్ యూనిట్

Stills

The post హీరో శ్రీకాంత్ చిత్రం ‘రా.రా…’ ద్వితీయ ప్రచార చిత్రం, పాట విడుదల appeared first on Cine Chitram.

5 మిలియ‌న్ వ్యూస్‌తో సెన్సేష‌న్ క్రియేట్ చేస్తున్న `డిజె దువ్వాడ జ‌గ‌న్నాథ‌మ్‌` టీజ‌ర్‌

CineChitram — Mon, 27 Feb 2017 15:19:05 +0000

ఆర్య నుండి సరైనోడు వ‌ర‌కు డిఫ‌రెంట్‌ చిత్రాల‌తో తెలుగు చిత్ర‌సీమలో స్టైలిష్ స్టార్‌గా త‌న‌దైన ముద్ర వేసుకున్న హీరో అల్లుఅర్జున్‌. రీసెంట్ బ్లాక్ బ‌స్ట‌ర్ స‌రైనోడు చిత్రంతో త‌న స్టామినాను మ‌రోసారి ప్రూవ్ చేసుకున్నబ‌న్ని తెలుగులో చిత్ర సీమ‌లోనే కాదు, మ‌ల‌యాళ సినీ పరిశ్ర‌మ‌లో కూడా త‌న‌దైన ఇమేజ్‌ను క్రియేట్ చేసుకున్నారు. ఒక ప‌క్క యూత్‌, ఫ్యామిలీ ఆడియెన్స్ అంద‌రూ త‌మ ఇంటి అబ్బాయిగా భావించే స్టైలిష్ స్టార్ అల్లుఅర్జున్ హీరోగా న‌టిస్తున్న చిత్రం `డిజె దువ్వాడ జ‌గ‌న్నాథ‌మ్‌`. అలాగే ఒక మాస్ ఇమేజ్ ఉన్న హీరోను ఎలా తెర‌పై ప్రెజెంట్ చేయాలో తెలిసిన డైరెక్ట‌ర్స్ అతి కొద్ది మంది మాత్ర‌మే ఉంటారు. అలా అతి కొద్ది మంది మాస్ డైరెక్ట‌ర్స్‌లో ఒక‌రు హ‌రీష్ శంక‌ర్‌.ఎస్‌. ప‌వ‌ర్ స్టార్ ప‌వ‌న్ క‌ళ్యాణ్‌ను గ‌బ్బ‌ర్ సింగ్ చిత్రంతో ఇండ‌స్ట్రీ హిట్ మూవీ చేసిన హారీస్ సుబ్ర‌మ‌ణ్యం ఫ‌ర్ సేల్ చిత్రంతో హ‌రీష్ సాయిధ‌ర‌మ్ తేజ్‌ను క‌మ‌ర్షియ‌ల్ హీరో చేశాడు. ఇలాంటి మాస్ యూత్ అండ్ ప‌వ‌ర్‌ఫుల్ డైరెక్ట‌ర్ హ‌రీష్ శంక‌ర్ ..స్టైలిష్ స్టార్ అల్లుఅర్జున్ కాంబినేష‌న్‌లో మూవీ అంటే ప్రత్యేకంగా చెప్ప‌న‌క్క‌ర్లేదు. ఇటు మెగా అభిమానులు, అటు ఇండ‌స్ట్రీ అంతా ఎలాంటి సినిమా రానుందోన‌ని ఆస‌క్తిగా ఎదురుచూశారు. ఇప్పుడున్న నిర్మాత‌ల్లో స‌క్సెస్‌ఫుల్ నిర్మాత‌గా ఎన్నో విజ‌య‌వంత‌మైన చిత్రాల‌ను తెలుగు ప్రేక్ష‌కుల‌కు అందించిన నిర్మాత దిల్‌రాజు నిర్మాత‌గా శ్రీ వెంక‌టేశ్వ‌ర క్రియేష‌న్స్ బ్యాన‌ర్‌పై మాస్ యూత్ అండ్ ప‌వ‌ర్‌ఫుల్ డైరెక్ట‌ర్ హ‌రీష్ శంక‌ర్ ద‌ర్శ‌క‌త్వంలో డి.జె దువ్వాడ జ‌గ‌న్నాథ‌మ్ అనే సినిమాను అనౌన్స్ చేశారు.ఆర్య‌, ప‌రుగు వంటి సూప‌ర్ డూప‌ర్‌హిట్ మూవీస్ త‌ర్వాత స్టైలిష్ స్టార్ అల్లుఅర్జున్, దిల్‌రాజు కాంబినేష‌న్‌లో మూవీ ఒక‌టి, హరీష్ శంక‌ర్‌, బ‌న్ని కాంబినేష‌న్‌లో తెర‌కెక్కుతోన్న మూవీ, రాక్ స్టార్ దేవిశ్రీ ప్ర‌సాద్‌, బ‌న్ని కాంబినేష‌న్‌లో మూవీ ఇలా క్రేజీ కాంబినేష‌న్స్ అంతా ఒకే సినిమాకు కుద‌రడంతో.. సినిమా అనౌన్స్ చేసిన‌ప్ప‌టి నుండి సినిమాపై అంచ‌నాలు రోజు రోజుకు పెరుగుతూనే వ‌చ్చాయి.

ఈ అంచ‌నాల‌ను మించుతూ హ‌రీష్ శంక‌ర్ స్టైలిష్ స్టార్ అల్లుఅర్జున్‌ను ప్రెజెంట్ చేస్తూ సినిమాను తెర‌కెక్కించాడన‌డానికి సాక్ష్య‌మే `డిజె దువ్వాడ జ‌గ‌న్నాథ‌మ్` టీజ‌ర్‌. మ‌హా శివ‌రాత్రి సంద‌ర్భంగా విడుద‌లైన ఈ సినిమా టీజ‌ర్‌ను సోష‌ల్‌మీడియాలో సెన్సేష‌న్ క్రియేట్ చేస్తుంది. ఇప్ప‌టికే టీజ‌ర్‌కు ఐదు మిలియన్స్‌కు పైగా వ్యూస్ రావ‌డం సినిమాపై ఉన్న క్రేజ్‌కు నిదర్శ‌నం. అల్లుఅర్జున్ ఇది వ‌ర‌కు న‌టించిన చిత్రాల‌కు భిన్నంగా చేస్త‌న్న ఈ చిత్రంలో బ‌న్ని లుక్‌, బాడీ లాంగ్వేజ్‌, ఎమోష‌న్స్ ఆడియెన్స్‌కు బాగా క‌నెక్ట్ అయ్యాయి. హీరోల‌కు సింగిల్ లైన‌ర్స్ రాయ‌డంలో నిష్ణాతుడైన హ‌రీష్ శంక‌ర్ రాసిన డైలాగ్ వైర‌ల్ అయ్యింది. బ‌న్ని సింపుల్‌గా చెప్పిన కామెడి డైలాగ్ ఫేమ‌స్ అయ్యింది. అలాగే మెగా ఫ్యాన్స్‌, ఆడియెన్స్ ప‌ల్స్ ప‌సిగ‌ట్ట‌డంలో దిట్ట అయిన హ‌రీష్ శంక‌ర్ టీజ‌ర్‌లో ప్ర‌తి సెక‌న్‌ను ఎగ్జ‌యిటింగ్ క‌లిగేలా ప్రెజెంట్ చేశారు. అల్రెడి సినిమాపై ఉన్న అంచనాలు, స్టైలిష్‌స్టార్ అల్లు అర్జున్ ఫాలోయింగ్‌, హ‌రీష్ శంక‌ర్ టేకింగ్‌, మేకింగ్, బ్యాన‌ర్ వేల్యూ ఇవ‌న్నీ క‌లగ‌ల‌వ‌డంతో టీజ‌ర్ సెన్సేష‌న్ క్రియేట్ చేస్తూ ముందుకెళుతుంది.

The post 5 మిలియ‌న్ వ్యూస్‌తో సెన్సేష‌న్ క్రియేట్ చేస్తున్న `డిజె దువ్వాడ జ‌గ‌న్నాథ‌మ్‌` టీజ‌ర్‌ appeared first on Cine Chitram.

“కేరాఫ్ గోదావరి” పది నిమిషాల సినిమా విడుదల !!

CineChitram — Fri, 24 Feb 2017 14:36:45 +0000

“క్యాప్షన్ పెట్టాలంటే పోస్టర్ పట్టదండోయ్” అనే వెరైటీ ట్యాగ్ లైన్ తో రూపొందిన చిత్రం “కేరాఫ్ గోదావరి”. రోహిత్.ఎస్ హీరోగా పరిచయమవుతున్న ఈ చిత్రాన్ని ఉషా మూవీస్ సమర్పణలో ఆర్.ఫిలిమ్స్ ఫ్యాక్టరీ ప్లస్ ప్రొడక్షన్స్-బొమ్మన ప్రొడక్షన్స్ బ్యానర్స్ పై తూము రామారావు(బాబాయ్)-బొమ్మన సుబ్బారాయుడు-రాజేష్ రంబాల సంయుక్తంగా నిర్మిస్తున్నారు.

“రైటర్ మోహన్” గా పరిశ్రమ వర్గాలకు సుపరిచితులైన ప్రముఖ రచయిత రాజా రామ్మోహన్ దర్శకుడిగా పరిచయమవుతున్న ఈ చిత్రంలో రోహిత్ సరసన శ్రుతివర్మ, దీపు నాయుడు హీరోయిన్స్ గా నటించగా.. రఘు కుంచే సంగీతం సమకూర్చారు.

ఈనెల 24న విడుదలవుతున్న ఈ చిత్రంలోని ఒక రీల్ ను ఒక రోజు ముందు (ఫిబ్రవరి 23)న ప్రముఖ దర్శకులు ఎస్.వి.కృష్ణారెడ్డి-ప్రముఖ నిర్మాత అచ్చిరెడ్డి విడుదల చేశారు.

సినిమా విడుదలకు ఒక రోజు ముందు.. పది నిమిషాల నిడివి గల ఒక రీల్ ను ముందుగా రిలీజ్ చేయడడం బట్టి.. ఈ చిత్రం సాధించబోయే విజయం పట్ల దర్సక నిర్మాతలకు గల నమ్మకాన్ని తెలియజేస్తుందని ఈ సందర్భంగా వారు వ్యాఖ్యానించారు. గోదావరి జిల్లాల్లోని హోల్ సేల్ స్వీట్ షాప్స్ కి వెళ్ళగానే.. శాంపిల్ మన చేతిలో పెట్టి.. టేస్ట్ చూసి, బాగుంటేనే కొనమని చెబుతుంటారని వారు అన్నారు.

“పది నిమిషాల సినిమా విడుదల” కోసం హైద్రాబాద్ లోని ప్రసాద్ ల్యాబ్ లో ఏర్పాటు చేసిన మీడియా సమావేశంలో చిత్ర కథానాయకుడు రోహిత్, దర్శకుడు రాజా రామ్మోహన్ (రైటర్ మోహన్), నిర్మాతలు తూము రామారావు (బాబాయ్), బొమ్మన సుబ్బారాయుడు, రాజేష్ రంబాల తదితరులు పాల్గొన్నారు.

“కేరాఫ్ గోదావరి” వంటి మంచి చిత్రం ద్వారా హీరోగా పరిచయం అయ్యే అవకాశం ఇచ్చిన దర్శక నిర్మాతలకు హీరో రోహిత్ కృతజ్ఞతలు తెలపగా.. కృష్ణారెడ్డి, అచ్చిరెడ్డి తమ సినిమాలోని తొలి రీల్ ను రిలీజ్ చేయడం.. ఈ ప్రయత్నాన్ని అభినందించడం తమకెంతో నైతిక స్థైర్యాన్ని ఇస్తోందని, ప్రేక్షకులు తమ ప్రయత్నాన్ని తప్పక ఆదరిస్తారనే నమ్మకం తమకు ఉందని దర్శక నిర్మాతలు పేర్కొన్నారు!!

పోసాని, సత్యం రాజేష్, ప్రభాస్ శ్రీను, కోటేశ్వరావు తదితరులు ఇతర ముఖ్య పాత్రలు పోషించిన ఈ చిత్రానికి ఎగ్జిక్యూటివ్ ప్రొడ్యూసర్ తాళ్ల వెంకట రెడ్డి, నిర్మాతలు: తూము రామారావు(బాబాయ్),-బొమ్మన సుబ్బారాయుడు-రాజేష్ రంబాల, కథ-మాటలు-ఒక పాట-స్క్రీన్ ప్లే-దర్శకత్వం: రాజా రామ్మోహన్ !!

Stills

The post “కేరాఫ్ గోదావరి” పది నిమిషాల సినిమా విడుదల !! appeared first on Cine Chitram.

`మెట్రో` గీతామాధురి సాంగ్‌ని లాంచ్ చేసిన సునీల్‌

CineChitram — Mon, 20 Feb 2017 15:08:42 +0000

ఆర్ 4 ఎంటర్‌టైన్‌మెంట్స్ ప‌తాకంపై `ప్రేమిస్తే`, `జ‌ర్నీ`, `పిజ్జా` వంటి బ్లాక్‌బ‌స్ట‌ర్ల‌ను అందించిన‌ సురేష్ కొండేటి స‌మ‌ర్ప‌ణ‌లో ర‌జ‌ని రామ్ నిర్మించిన సినిమా -`మెట్రో`. ప్రస్తుతం నగరాలలో జరుగుతున్న‌ చైన్ స్నాచింగ్‌ల‌ను కళ్ళకు కడుతూ.. తెర‌కెక్కించిన చిత్ర‌మిది. ఈ సినిమాని తెలుగు రాష్ట్రాల‌లో మార్చి 3న విడుద‌ల చేస్తున్నారు.
ఇటీవ‌లే రిలీజ్ చేసిన ట్రైల‌ర్‌కి, పోస్ట‌ర్ల‌కు చ‌క్క‌ని స్పంద‌న వ‌చ్చింది. ప్ర‌ఖ్యాత గాయ‌ని గీతామాధురి ఈ చిత్రంలో న‌టిస్తున్న సంగ‌తి తెలిసిందే. గీతామాధురి సాంగ్‌ని హీరో సునీల్ ఆవిష్క‌రించారు.

ఈ సంద‌ర్భ ంగా సునీల్ మాట్లాడుతూ -“మ‌హిళ‌ల‌కు ర‌క్ష‌ణ క‌ల్పించాలి.. అన్న కాన్సెప్టుతో తెర‌కెక్కిన ఈ చిత్రాన్ని అంద‌రూ ఆద‌రించాలి. చాలా కొత్త పాయింటుతో, చైన్ స్నాచింగ్ నేప‌థ్యంలో తెర‌కెక్కిన ఈ సినిమాని తెలుగు ప్రేక్ష‌కులు ఆద‌రిస్తార‌ని కోరుకుంటున్నా“ అన్నారు.

స‌మ‌ర్ప‌కుడు సురేష్ కొండేటి మాట్లాడుతూ -“గీతామాధురి త‌నే స్వ‌యంగా పాడి, త‌నే న‌టించిన పాట‌ను హీరో సునీల్ ఆవిష్క‌రించారు. ఇన్నాళ్లు తెర‌వెన‌క గీతామాధురి పాట‌లు వింటున్నాం. ఇప్పుడు తెర‌పై త‌ను క‌నిపించ‌బోతున్నారు. ఇంత‌వ‌ర‌కూ తెలుగు ఇండ‌స్ట్రీలో రాని కొత్త పాయింటుతో మంచి కాన్సెప్టుతో రూపొందిన ఈ చిత్రాన్ని మార్చి 3న తెలుగు ప్రేక్ష‌కుల‌కు అందించ‌నున్నాం“ అని తెలిపారు.

నిర్మాత ర‌జ‌నీ రామ్ మాట్లాడుతూ-“చైన్ స్నాచింగ్ బ్యాక్‌డ్రాప్‌లో అద్భుత‌మైన భావోద్వేగాల‌తో సాగే చిత్ర‌మిది. గౌత‌మ్ మీన‌న్, ఏ.ఆర్.మురుగ‌దాస్ వంటి ప్ర‌ముఖుల ప్ర‌శంస‌లు పొందిన చిత్ర‌మిది. గీతామాధురి సాంగ్‌ని హీరో సునీల్ ఆవిష్క‌రించినందుకు ధ‌న్య‌వాదాలు. మార్చి 3న రిలీజ‌వుతున్న ఈ చిత్రం అంద‌రినీ ఆక‌ట్టుకుంటుంద‌న్న న‌మ్మ‌కం ఉంది“ అన్నారు.

Video

Stills

The post `మెట్రో` గీతామాధురి సాంగ్‌ని లాంచ్ చేసిన సునీల్‌ appeared first on Cine Chitram.

మెగాస్టార్ చిరంజీవి ఆవిష్కరించిన హీరో శ్రీకాంత్ చిత్రం ‘రారా’ తొలి ప్రచారచిత్రం

CineChitram — Thu, 16 Feb 2017 16:07:56 +0000

అన్నయ్య మెగాస్టార్ ‘చిరంజీవి’

తమ్ముడు హీరో ‘శ్రీకాంత్’ వీరిద్దరి అనుబంధం చిత్రపరిశ్రమలో ప్రత్యేకమైనది..

ఆ అనుబంధమే మరోసారి శ్రీకాంత్ నూతన చిత్రానికి వేదిక అయింది.

శ్రీకాంత్ కథానాయకునిగా ‘రారా’ పేరుతో రూపొందుతున్న నూతన చిత్రం తొలి ప్రచార చిత్రాన్ని మెగాస్టార్ చిరంజీవి తన స్వగృహంలో ఆవిష్కరించారు.ఈ కార్యక్రమంలో చిత్ర నిర్మాత విజయ్, శ్రీకాంత్ మిత్రుడు చిత్ర సమర్పకుడు శ్రీమిత్ర చౌదరి పాల్గొన్నారు.

ఈ సందర్భంగా మెగాస్టార్ చిరంజీవి మాట్లాడుతూ..’ నా తమ్ముడు శ్రీకాంత్, మరో సోదరుడు శ్రీమిత్ర చౌదరి, విజయ్ లు నిర్మాతలుగా రూపొందుతున్నహాస్యభరిత హర్రర్ చిత్రం ‘రారా’ చిత్రం మోషన్ పోస్టర్ ను విడుదల సందర్భంగా అందరికి శుభాభినందనలు. ఈ చిత్రం లోని కొన్ని సన్నివేశాలను చూడటం జరిగింది. చిత్రాన్ని ఎప్పుడెప్పుడు చూస్తానా అన్న ఉత్సుకతను కలిగించింది . ఇది హాస్యం తో కూడిన హర్రర్ ధ్రిల్లర్ చిత్రం. చిన్న పిల్లలు సైతం ఈ చిత్రాన్ని చూసి ఎంతో సంబరపడతారు. ఇందులో కథానుగుణంగా ఎన్నో గేమ్స్ కూడా ఉన్నాయని తెలిసి మరింత ఉత్సుకతకు గురయ్యాను. దెయ్యాలకు

మనుషులకు మధ్య సాగే సరదా ఆటలు సగటు సినిమా ప్రేక్షకుడిని వినోదాల తీరంలో విహరింప చేస్తాయని ఆశిస్తూ చిత్ర యూనిట్ కి శుభాకాంక్షలు తెలిపారు మెగాస్టార్ చిరంజీవి.

అన్నయ్య మెగాస్టార్ చిరంజీవి చేతులమీదుగా ‘రారా’ మోషన్ పోస్టర్ విడుదల అయిన ఆనందంలో హీరో శ్రీకాంత్ మాట్లాడుతూ..ఆయనకు కృతఙ్ఞతలు తెలిపారు. అన్నయ్య చేతులమీదుగా గతంలో విడుదల అయి ఘన విజయం సాధించిన ‘పెళ్ళిసందడి,ప్రేయసిరావే’ వంటి చిత్రాలను ఈ సందర్భంగా గుర్తుచేసుకున్నారు శ్రీకాంత్. హర్రర్ కామెడీ ధ్రిల్లర్ చిత్రం నేను తొలిసారి చేస్తున్నాను.చిత్రం ప్రేక్షకుల ఆదరణకు నోచుకుంటుదని ఆశిస్తున్నాను అన్నారు.

‘రారా’ చిత్రం షూటింగ్ కార్యరామాలు పూర్తయ్యాయి. ప్రస్తుతం నిర్మాణానంతర కార్యక్రమాలు జరుగుతున్నాయి. వచ్చే నెలలో చిత్రంను విడుదలకు సిద్ధం చేస్తున్నట్లు నిర్మాత విజయ్ తెలిపారు.

సమర్పణ: శ్రీమిత్ర చౌదరి

నిర్మాత: విజయ్

దర్శకత్వం: విజి చరిష్ యూనిట్

Stills

The post మెగాస్టార్ చిరంజీవి ఆవిష్కరించిన హీరో శ్రీకాంత్ చిత్రం ‘రారా’ తొలి ప్రచారచిత్రం appeared first on Cine Chitram.

మార్చి 3న వ‌స్తున్న `మెట్రో` గ్రాండ్ స‌క్సెస్ కావాలి- `థియేట్రికల్ ట్రైలర్` ఆవిష్క‌ర‌ణ‌లో శ‌ర్వానంద్‌

CineChitram — Wed, 15 Feb 2017 15:11:54 +0000

ఆర్ 4 ఎంటర్‌టైన్‌మెంట్స్ ప‌తాకంపై `ప్రేమిస్తే`, `జ‌ర్నీ`, `పిజ్జా` వంటి బ్లాక్‌బ‌స్ట‌ర్ల‌ను అందించిన‌ సురేష్ కొండేటి స‌మ‌ర్ప‌ణ‌లో తెర‌కెక్కిన సినిమా -`మెట్రో`. ర‌జ‌ని రామ్ నిర్మాత‌. ప్రస్తుతం నగరాలలో జరుగుతున్న‌ చైన్ స్నాచింగ్‌ల‌ను కళ్ళకు కడుతూ.. తెర‌కెక్కించిన చిత్ర‌మిది. ప్ర‌ఖ్యాత గాయ‌ని గీతామాధురి ఈ చిత్రంలో న‌టిస్తున్న సంగ‌తి తెలిసిందే. ఈ సినిమా తెలుగు రాష్ట్రాల‌లో మార్చి 3న విడుద‌లవుతోంది. ఇదివ‌ర‌కే స్టార్ డైరెక్ట‌ర్లు ఏ.ఆర్‌.మురుగ‌దాస్‌, గౌత‌మ్‌మీన‌న్ `మోట్రో` సినిమా అద్భుత చిత్ర‌మ‌ని కితాబిచ్చారు. లేటెస్టుగా ఈ సినిమా థియేట్రికల్ ట్రైల‌ర్‌ని హైద‌రాబాద్‌లో న‌వ‌త‌రం హీరో శ‌ర్వానంద్ ఆవిష్క‌రించారు.

ఈ సంద‌ర్భంగా శ‌ర్వానంద్ మాట్లాడుతూ-“త‌మిళంలో అద్భుత విజ‌యం సాధించిన చిత్ర‌మిది. తెలుగు ట్రైల‌ర్ చాలా బావుంది. తెలుగు రాష్ట్రాల్లోనూ పెద్ద‌ విజ‌యం సాధించాలి. తెలుగు నిర్మాత‌ల‌కు ఆల్ ది బెస్ట్‌“ అన్నారు.

స‌మ‌ర్ప‌కుడు సురేష్ కొండేటి మాట్లాడుతూ -“హైద‌రాబాద్‌, విశాఖ వంటి మెట్రో న‌గ‌రాల్లో నిరంత‌రం చైన్ స్నాచింగ్ వార్త‌ల గురించి వింటూనే ఉన్నాం. మెట్రో సిట్సిలో స్నాచ‌ర్లు మ‌హిళ‌ల మెడ‌లోంచి గొలుసులు తెంచుకుపోవ‌డం ఒక్కోసారి ప్రాణాంత‌కంగా మారుతున్న ఘ‌ట‌న‌ల్ని వింటున్నాం. య‌థార్థ‌ఘ‌ట‌న‌ల్ని అంతే హృద్యంగా తెర‌పై ఆవిష్క‌రించారు ద‌ర్శ‌కులు. ఈ చిత్రాన్ని ఆర్‌4 ఎంట‌ర్‌టైన్‌మెంట్స్ బ్యాన‌ర్‌పై ర‌జ‌నీ రామ్ నిర్మిస్తున్నారు. మార్చి 3న సినిమా రిలీజ‌వుతోంది. పెద్ద విజ‌యం సాధిస్తామ‌న్న ధీమా ఉంది. ఏ.ఆర్‌.మురుగ‌దాస్‌, గౌత‌మ్‌మీన‌న్ వంటి ప్ర‌ముఖ ద‌ర్శ‌కుల ప్ర‌శంస‌లు పొందిన చిత్ర‌మిది. తాజాగా టాలీవుడ్ స్టార్ శ‌ర్వానంద్ స్వ‌యంగా థియేట్రికల్ ట్రైల‌ర్‌ని ఆవిష్క‌రించి ప్ర‌శంసించారు. శ‌ర్వాకి ధ‌న్య‌వాదాలు“ అన్నారు

Stills

The post మార్చి 3న వ‌స్తున్న `మెట్రో` గ్రాండ్ స‌క్సెస్ కావాలి- `థియేట్రికల్ ట్రైలర్` ఆవిష్క‌ర‌ణ‌లో శ‌ర్వానంద్‌ appeared first on Cine Chitram.