nitya menon Archives | Cine Chitram

తెలుగు లో “జతగా” గా వస్తున్న ఉస్తాద్ హోటల్

CineChitram — Wed, 05 Oct 2016 17:37:12 +0000

రింగులజుత్తు సోయ‌గం నిత్యామీన‌న్ – దుల్కార్ స‌ల్మాన్ కాంబినేష‌న్ అంటేనే యువ‌త‌రంలో విప‌రీత‌మైన‌ క్రేజు. మ‌ల‌యాళంలో వ‌రుస బ్లాక్‌బ‌స్ట‌ర్ల త‌ర్వాత ఈ జంట న‌టించిన `ఓకే బంగారం` తెలుగులో మ‌రో బ్లాక్‌బ‌స్ట‌ర్ హిట్‌. దుల్కార్‌-నిత్యా జంట‌గా న‌టించిన తాజా చిత్రం `జ‌త‌గా`. మ‌ల‌యాళంలో జాతీయ అవార్డులు సంపాదించిన `ఉస్తాద్ హోట‌ల్‌`ని `జ‌త‌గా` పేరుతో అందిస్తున్నారు. అన్వర్ రషీద్ ఈ చిత్రానికి ద‌ర్శ‌క‌త్వం వ‌హించారు. ప్రేమిస్తే, జ‌ర్నీ, పిజ్జా వంటి విజ‌య‌వంత‌మైన చిత్రాల్ని అందించిన నిర్మాత‌ సురేష్ కొండేటి ఎస్‌.కె.పిక్చ‌ర్స్ ప‌తాకంపై తెలుగులో రిలీజ్ చేస్తున్నారు. `జ‌త‌గా` మూవీ సెన్సార్ కార్య‌క్ర‌మాలు మంగ‌ళ‌వారం(4అక్టోబ‌ర్‌) హైద‌రాబాద్‌లో పూర్త‌య్యాయి. సెన్సార్ యుఎ స‌ర్టిఫికెట్ ఇచ్చి అభినందించింది. ఈ గురువారం (06-10-16) `సంతోషం` ఎడిట‌ర్ అండ్ ప‌బ్లిష‌ర్‌, ఎస్‌.కె.పిక్చ‌ర్స్ అధినేత‌, నిర్మాత సురేష్ కొండేటి బ‌ర్త్‌డే, తాజా చిత్రం `జ‌త‌గా` సెన్సార్ పూర్త‌యిన సంద‌ర్భంగా..

నిర్మాత సురేష్ కొండేటి మాట్లాడుతూ -“చ‌క్క‌ని సందేశాత్మక కథాంశంతో రూపొందిన అందమైన ప్రేమకథా చిత్రమిది. పేద, ధనిక వర్గాల మధ్య ఉండే అంతరాలను స్పృశిస్తూ సున్నితమైన భావోద్వేగాలతో దర్శకుడు జనరంజకంగా తీర్చిదిద్దారు. దుల్కార్ సల్మాన్, నిత్యామీనన్ జంట మధ్య వచ్చే సన్నివేశాలు హైలైట్‌. గోపీసుందర్ బాణీలు సినిమాకి పెద్ద ప్ల‌స్‌. యూత్‌, ఫ్యామిలీ ఆడియెన్‌కి న‌చ్చే పూర్తి స్థాయి కమర్షియల్ అంశాలున్నాయి. మ‌ల‌యాళంలో జాతీయ అవార్డులు అందుకున్న `ఉస్తాద్ హోట‌ల్‌` చిత్రాన్ని `జ‌త‌గా` పేరుతో తెలుగులో అందిస్తున్నాం. మంగ‌ళ‌వారం హైద‌రాబాద్‌లో సెన్సార్ పూర్త‌యింది. సెన్సార్ బృందం యుఎ స‌ర్టిఫికెట్ ఇచ్చి అభినందించింది. ప్రేమిస్తే, జ‌ర్నీ త‌ర‌హాలో అసాధార‌ణ విజ‌యం సాధించే చిత్ర‌మిద‌ని, చ‌క్క‌ని ప్రేమ‌క‌థా చిత్ర‌మ‌ని సెన్సార్ బృందం అభినందించ‌డం ఆనందాన్నిచ్చింది“ అన్నారు. దుల్కర్ సల్మాన్, నిత్యామీనన్, తిల‌క‌న్‌, సిద్ధిఖి, అసీమ్ జ‌మాల్ త‌దిత‌రులు న‌టించిన ఈ చిత్రానికి సంగీతం: గోపీసుందర్, కెమెరా: ఎస్. లోకనాథన్, ర‌చ‌న‌: అంజ‌లి మీన‌న్‌, పాట‌లు: శ్రీ‌మ‌ణి, పుల‌గం చిన్నారాయణ‌, శ్రీ‌వ‌ల్లి, మాట‌లు: సాహితి.

ఎస్‌.కె.పిక్చ‌ర్స్ నుంచి స్ట్రెయిట్ చిత్రాలు:

సినీవార‌ప‌త్రికా లోకంలో సురేష్ కొండేటి `సంతోషం` ప్రస్థానం 15 ఏళ్లు. కేవ‌లం స్వ‌యంకృషితో సాగించిన ఈ ప్ర‌స్థానం ఆషామాషీ కాదు. ఎన్నో ఒడిదుడుకులు.. ఎగుడు దిగుడుల‌ ప‌య‌నం.. ఎన్ని అవాంత‌రాలు ఎదురైనా అలుపెర‌గ‌ని విజ‌యవంత‌మైన ప్ర‌స్థానం ఆయ‌న‌ది. క‌సిని పెట్టుబ‌డిగా పెట్టి ల‌క్ష్య సాధ‌న‌లో తేజోవంతంగా ముందుకెళ్లి అనుకున్న‌ది సాధించుకున్నారు. సంతోషం ఎడిట‌ర్‌గానే కాదు… అవార్డుల క‌ర్త‌గానే కాదు…. ఉత్త‌మ చిత్రాల పంపిణీదారుడిగా, 12 ఉత్త‌మ చిత్రాల నిర్మాత‌గానూ త‌న‌ని తాను ఆవిష్క‌రించుకున్నారు. అందుకే స‌న్నిహితులు, త‌న గురించి తెలిసిన వారు `స‌క్సెస్‌ల సురేష్‌` అంటారు. నిప్పుల గుండం లాంటి రంగంలో ఆయ‌న‌ను ద‌గ్గ‌ర‌గా చూసేవాళ్లు మెప్పుకోలుగా చూస్తారు. ఎవ‌రికీ అర్థం కాడు. క‌త్తిమీద సాము లాంటి విన్యాసాలెన్నో చేస్తారు. చివ‌రికి ప‌ట్టు వ‌ద‌ల‌ని విక్ర‌మార్కుడిలా త‌న ప‌ని తాను పూర్తి చేసుకుని వెళ‌తాడు. అదీ ఆ వ్య‌క్తిత్వం. ఒక వ్య‌క్తిగా ఇన్ని విజ‌యాలు అంత సులువేం కాద‌ని విశ్లేష‌కులు చెబుతారు. ప‌రిమిత సిబ్బంది అండ‌తో.. ఇంకా చెప్పాలంటే ఒంటి చేత్తో వీట‌న్నిటినీ సాధించుకున్న‌నిరంత‌ర శ్రామికుడిగా స‌హ‌చ‌రులు చెబుతుంటారు.

15 సంవత్సరాలుగా `సంతోషం` సినీవార‌ప‌త్రిక ఎడిట‌ర్, ప‌బ్లిష‌ర్‌గా సినిమా లోకంలో పేరు తెచ్చుకుని, `సౌత్‌ ఇండియన్‌ సంతోషం ఫిలిం అవార్డ్స్‌`ను ఘ‌నంగా నిర్వ‌హిస్తున్న వ్య‌క్తిగా సురేష్ కొండేటి ప‌య‌నం అసాధార‌ణం. “15 ఏళ్ల పాటు సినీవార‌ప‌త్రిక‌ను న‌డిపిస్తూ.. ఇలా అవార్డులు నిర్వ‌హించ‌డం అంటే ఓ వ్య‌క్తికి అసాధ్యం. కార్పొరెట్ కంపెనీల‌కే సాధ్యం కాని ప‌ని ఇది. అయితే ఓ వ్య‌క్తి 14 సంవ‌త్స‌రాల పాటు అవార్డుల కార్య‌క్ర‌మం, 15 సంత్స‌రాలుగా సినీ ప‌త్రిక‌ను విజ‌య‌వంతంగా న‌డిపించ‌డం గ్రేట్“ అంటూ `సంతోషం 14వ అవార్డు వేడుక‌ల వేళ ద‌ర్శ‌క‌ర‌త్న దాస‌రి అంత‌టి వారే ప్ర‌శంసించారు. నేను ఉన్నంత‌వ‌ర‌కూ ఈ అవార్డుల కార్య‌క్ర‌మం జ‌రుగుతూనే ఉంటుంది. తుది శ్వాస వ‌ర‌కూ న‌డిపిస్తూనే ఉంటాన‌ని `సంతోషం 14వ‌ వార్షికోత్స‌వం` క‌ర్టెన్‌రైజ‌ర్ వేడుక‌లో ప‌త్రికాధినేత‌, నిర్మాత సురేష్ కొండేటి ప్ర‌క‌టించ‌డం చూస్తే సినిమాపై అత‌డికి ఉన్న ప్యాష‌న్ అర్థ‌మ‌వుతుంది. ఎన్నో విజ‌య‌వంత‌మైన చిత్రాల్ని నిర్మిస్తూ, మ‌రెన్నో అభిరుచి ఉన్న సినిమాల్ని అందించాల‌న్న సంక‌ల్పంతో అటు అనువాద చిత్రాల్ని తెలుగులో అందిస్తూనే, స్ట్రెయిట్ చిత్రాల్ని నిర్మించేందుకు స‌న్నాహాలు చేస్తున్నారు. ప్ర‌స్తుతం `జ‌త‌గా` రిలీజ్‌కి రెడీ అవుతోంది. అలాగే ఓ స్ట్రెయిట్ చిత్రాన్ని నిర్మించేందుకు కార్యాచ‌ర‌ణ సిద్ధం చేస్తున్నారు.

jathagaa_005

jathagaa_006

jathagaa_007

jathagaa_008

jathagaa_001

The post తెలుగు లో “జతగా” గా వస్తున్న ఉస్తాద్ హోటల్ appeared first on Cine Chitram.

విశాఖ తీరాన వైభవంగా ప్రారంభమైన “కళామందిర్” 25వ షోరూమ్..!!

CineChitram — Mon, 26 Sep 2016 19:56:12 +0000

“లేట్ గా వచ్చినా లేస్టెస్ట్ గా వస్తా” అనే రజనీకాంత్ డైలాగ్ ను గుర్తుచేస్తూ.. అప్పటికే వస్త్ర ప్రపంచంలో ఉన్న మహామహులకు గట్టి పోటీనిస్తూ నేడు ఆ బిజినెస్ లో మకుటం లేని రారాజుగా మారిన ప్రఖ్యాత వస్త్రాభరణాల షోరూమ్ కళామందిర్ “ఇంతింతై వటుడింతై” అన్న చందాన శిఖరాగ్ర స్థాయికి చేరుకొంది.

నేడు (సెప్టెంబర్ 25) వారి బిజినెస్ చైన్ లో మరో కలికితురాయి అయిన “25వ షోరూమ్”ను విశాఖ మహానగరంలో అత్యంత ఘనంగా.. రాజకీయ, క్రీడ మరియు సినీ ప్రముఖుల సమక్షంలో ప్రారంభించారు.

విశాఖపట్నంలోని అసిల్ మెట్టలో అధునాతనమైన, సుందరమైన కళామందిర్ 25వ షోరూమ్ ప్రారంభోత్సవానికి 2016 ఒలిపింక్స్ లో టెన్నిస్ లో వెండి పతాకం సాధించి తెలుగువారి ప్రతిష్టను ప్రపంచానికి పరిచయం చేసిన పి.వి.సింధు, రాష్ట్ర మంత్రివర్యులు గంటా శ్రీనివాసరావు, తెలుగు చిత్రసీమలో ప్రముఖ కథానాయికలైన నిత్యామీనన్, రాశీఖన్నా, ప్రగ్యా జైస్వాల్, నివేదా థామస్ లు ముఖ్య అతిధిలుగా హాజరయ్యారు.

పి.వి.సింధు-గంటా శ్రీనివాసరావుల చేతుల మీదుగా షోరూమ్ ప్రారంభమవ్వగా.. నిత్యామీనన్, రాశీఖన్నా, ప్రగ్యా జైస్వాల్, నివేదా థామస్ లు ప్రత్యేక ఆకర్షణలుగా నిలిచారు.

ఇప్పటివరకూ తెలంగాణ రాజధాని అయిన హైద్రాబాద్, ఆంధ్ర రాజధాని అయిన విజయవాడల్లో తమ షోరూమ్ లను సమర్ధవంతంగా నిర్వహిస్తూ అతివలకు అత్యంత ప్రియమైన చీరలను ఇంకాస్త అందంగా రూపొందించి వారి మనసుల్లో ఎనలేని సంతోషాన్ని నింపుతున్న కళామందిర్ గ్రూప్ ఎం.డి కళామందిర్ కళ్యాణ్ ఇప్పుడు విశాఖపట్నంలోనూ తన వస్త్ర సామ్రాజ్యాన్ని స్థాపించి త్వరలోనే ఇక్కడ కూడా తనదైన పనితనంతో అగ్ర స్థానానికి చేరుకోవాలన్న కళ్యాణ్ కళాతృష్ణ త్వరలోనే నెరవేరుతుందని వేడుకకు హాజరైన అతిధులు అభిలషించగా.. వేలాదిగా విచ్చేసిన జనాలు మనస్ఫూర్తిగా దీవించారు!

The post విశాఖ తీరాన వైభవంగా ప్రారంభమైన “కళామందిర్” 25వ షోరూమ్..!! appeared first on Cine Chitram.

జనతా గారేజ్ విజయోత్సవం

CineChitram — Wed, 14 Sep 2016 11:04:41 +0000

యంగ్ టైగర్ ఎన్టీఆర్‌, సమంత, నిత్యామీనన్‌ హీరో హీరోయిన్లుగా మైత్రీ మూవీ మేకర్స్‌ బ్యానర్‌పై కొరటాల శివ దర్శకత్వంలో ఎర్నేని నవీన్‌, యలమంచిలి రవిశంకర్‌, సి.వి.మోహన్‌ నిర్మించిన చిత్రం’జనతాగ్యారేజ్‌’. సెప్టెంబర్‌ 1న సినిమా విడుదలై బ్లాక్ బస్టర్ విజయాన్ని సాధించింది. ఈ సందర్భంగా మంగళవారం చిత్రయూనిట్‌ హైదరాబాద్‌ జె.ఆర్‌.సి.కన్వెన్షన్‌లోవిజయోత్సవంను నిర్వహించింది. ఈ సందర్భంగా….

`జనతా గ్యారేజ్` విజయం అందరి గుండెల్లో చిరస్థాయిగా నిలిచిపోతుంది.

యంగ్ టైగర్ ఎన్టీఆర్‌ మాట్లాడుతూ – ”`జనతాగ్యారేజ్` లాంటి భారీ సక్సెస్ సాధించి పదమూడేళ్ళైంది. ఒకవైపు ఆనందంతో వచ్చే ఏడుపును ఆపుకుంటున్నాను. అభిమానులను సంతోషపరచడానికే నేను ఇక్కడ ఉన్నాను. జనతాగ్యారేజ్‌ విజయం కొత్త ఊపిరిని, కొత్త ఆనందాన్ని ఇచ్చింది. బ్రతికినంత కాలం అభిమానుల ప్రేమను, అప్యాయతను పొందాలనే కోరుకుంటున్నాను. `జనతాగ్యారేజ్` ఆడియో ఫంక్షన్ లో నాకు ఒక వెలుగు కనిపిస్తుంది, ఆ వెలుగు `జనతాగ్యారేజ్‌` అని అనిపిస్తుందని చెప్పాను. `జనతాగ్యారేజ్‌` వల్ల అభిమానుల ముఖాల్లో సంతోషం, నా తల్లిదండ్రుల పుట్టినరోజున మంచి గిఫ్ట్‌ ఇచ్చిన వాడినయ్యాను. నేను, కల్యాణ్‌ రామ్‌ అన్నయ్య చాలా బాధగా ఉందని చాలాసార్లు మాట్లాడుకున్నాం. ఇలాంటి విజయం కోసమే నేను ఇనేళ్ళు ఆగాను. నా వెనుక నా అభిమానులు ఆగారు. అయితే సినిమా సెప్టెంబర్‌ 1న విడుదలైనప్పుడు చాలా రకాల రిపోర్ట్స్‌ వచ్చినప్పుడు కాసేపు ఏం మాట్లాడాలో, ఎలా రియాక్ట్‌ కావాలో తెలియలేదు. శివపై, ఈ కథపై పెట్టుకున్న నమ్మకం, అభిమానులకు ఇచ్చిన మాట తప్పు కాకూడదే అని లోపల చాలా బాధ పడిపోయాను. కానీ అదే రోజుల అభిమానుల నుండి సాయంత్రం రిపోర్ట్స్‌ వింటుంటే ఈ మాటలు వినడానికి నాకు ఇన్నేళ్ళు పట్టిందా, ఇంతకంటే నాకేం అవసరం లేదనిపించింది. `జనతాగ్యారేజ్‌` సినిమాను ఇచ్చిన కొరటాల శివగారికి ఆజన్మాంతం రుణపడి ఉంటాను. నాపై అభిమానులు పెట్టుకున్న నమ్మకాన్ని ఈ సినిమాతో నిజం చేశారు. నా గుండెలో, అభిమానుల గుండెల్లో చిరస్థాయిగా నిలిచిపోయే విజయమిది. ఇంత పెద్ద విజయంలో భాగమైన నటీనటులకు, టెక్నిషియన్స్‌ కు థాంక్స్‌. జనతా గ్యారేజ్‌ అని ఏ రోజైతే టైటిల్‌ పెట్టుకున్నామో ఆరోజు ప్రజలు మమ్మల్మి గుండెల్లో పెట్టుకుని తలెత్తుకునేలా చేశారు. ఇంతటి విజయంలో భాగమైన ప్రతి ఒక్కరికీ థాంక్స్” అన్నారు.

అమ్మ, నాన్నల షష్ఠి పూర్తికి అభిమానులు ఇచ్చిన గిఫ్ట్

కల్యాణ్‌రామ్‌ మాట్లాడుతూ – ”అభిమానులు..ఆకలి తీరిందా…నాకు, నా తమ్ముడికి ఆకలి తీరింది. గత మూడేళ్ళుగా ప్రతిరోజు, ప్రతిసారి నేను, తమ్ముడు గూబ గుయ్‌ మనేలా ఎప్పుడు కొడతాం అని అనుకునేవాళ్ళం. కొడితే ఎలా ఉంటుందో మీరు చూపించారు. మా అమ్మ,నాన్నగారి షష్టి పూర్తికి అభిమానులు మాకిచ్చిన గిఫ్ట్‌ ఇది. మా తమ్ముడు ఆకలి..మా నందమూరి అభిమానుల ఆకలిని ఇంత గొప్ప సక్సెస్‌తో తీర్చేసిన కొరటాల శివ గారికి, మైత్రీ మూవీ మేకర్స్‌ కి థాంక్స్‌” అన్నారు.

`జనతాగ్యారేజ్` ను తమదిగా భావించిన అభిమానులకు థాంక్స్…జయహో జనతా…

కొరటాల శివ మాట్లాడుతూ – ”ఎన్టీఆర్‌ అంటనే నాకు సపరేట్‌ ఎనర్జీ. తారక్‌కి సక్సెస్‌ కొత్తకాదు. అయినా ఈ సక్సెస్‌లో నేను కూడా భాగం అయినందుకు చాలా ఆనందంగా ఉంది. అలాగే మోహన్‌లాల్‌,సురేష్‌, సాయికుమార్‌, సమంత, నిత్యామీనన్‌, దేవిశ్రీ ప్రసాద్‌ ఇలా అందరి సపోర్ట్‌ తో పాటు ఈ సినిమాను తమదిగా భావించిన అభిమానుల కారణంగానే సినిమా పెద్ద సక్సెస్‌ అయ్యింది. టెంపర్‌ నుండి రూట్‌ మార్చి కొత్తగా చేస్తున్నారు. అలా చేయడం ఆడియెన్స్‌ కు నచ్చింది, ఆదరిస్తున్నారు. అభిమానులు ఆదరణ ఇలాగే కొనసాగితే టెంపర్‌, నాన్నకు ప్రేమతో, జనతాగ్యారేజ్‌ వంటి సినిమాలు ఎన్నింటినో చేస్తారు. అలాగే ఈ సినిమాను పెద్ద సక్సెస్‌ చేసిన ఆడియెన్స్‌ కు పెద్ద థాంక్స్‌. జయహో జనతా” అన్నారు.

కమర్షియల్ సినిమాలకు కొరటాల కొత్త దారి చూపించాడు….

సుకుమార్‌ మాట్లాడుతూ – ”సినిమా చూసి షాకయ్యాను. సినిమా బావుంది. తారక్‌కు ఫోన్‌ చేసి బావుందని చెప్పాను కానీ, ఎక్కడో డౌట్‌ ఉండేది. అయితే సినిమా విడుదలైన తర్వాత తారక్‌కు ఇలాంటి సినిమా అవకాశం వస్తే ఎలా కొడతాడని ప్రూవ్‌ చేసిన చిత్రమిది. సినిమా తీయడానికి కామెడి అక్కర్లేదు అని నమ్మే వాళ్లందరికీ కొరటాల శివ దారి చూపించాడు. సినిమా చరిత్రలో శివ ముందు, శివ తర్వాత అని ఎలా చెబుతారో, ఇకపై కమర్షియల్‌ సినిమా విషయానికి వస్తే, కొరటాల శివకు ముందు, కొరటాల శివకు తర్వాత అని చెబుతారు. అందులో నో డౌట్‌. నన్ను అంత బాగా ఇన్‌స్పైర్‌ చేశారు. నిర్మాతలు మరోసారి పెద్ద సక్సెస్‌ను అందుకున్నారు. ఈ సినిమాను పెద్ద సక్సెస్‌ చేసిన నిర్మాతలకు కంగ్రాట్స్‌” అన్నారు.

ఎన్టీఆర్ గారు మా బ్యానర్ లో ఇంకా సినిమాలు చేయాలి

ఎర్నేని నవీన్‌ మాట్లాడుతూ – ”ఇలాంటి మంచి పెద్ద హిట్‌ మూవీ చేసే అవకాశం ఇచ్చిన ఎన్టీఆర్‌ గారికి, దర్శకుడు కొరటాల శివ గారికి థాంక్స్‌. సినిమాను సక్సెస్‌ చేసిన ప్రేక్షకులకు స్పెషల్‌ థాంక్స్‌. ఎన్టీఆర్‌ గారు, కొరటాల శివ గారు మా బ్యానర్‌లో ఇంకా సినిమాలు చేయాలని కోరుకుంటున్నాం” అన్నారు.

ఈ కార్యక్రమంలో సాయికుమార్ డి.వి.వి.దానయ్య, బి.వి.ఎస్.ఎన్.ప్రసాద్, సురేష్, దిల్ రాజు సహా చిత్రయూనిట్ సభ్యుల పాల్గొన్నారు. నిర్మాతలు అతిథులు, చిత్రయూనిట్ సభ్యులను షీల్డ్స్ తో సత్కరించి అభినందనలు తెలియజేశారు.

The post జనతా గారేజ్ విజయోత్సవం appeared first on Cine Chitram.