Slides

Stills

Slides

Stills

సెన్సేష‌న‌ల్ డైరెక్ట‌ర్ రామ్‌గోపాల్ వ‌ర్మ ద్శ‌క‌త్వంలో రూపొందిన చిత్రం `వంగ‌వీటి`. జీనియ‌స్‌, రామ్‌లీల‌ వంటి విజ‌య‌వంత‌మైన చిత్రాల‌ను అందించిన నిర్మాత దాసరి కిర‌ణ్‌కుమార్ నిర్మాత‌గా రామ‌దూత క్రియేష‌న్స్ బ్యాన‌ర్‌లో రూపొందిన ఈ సెన్సేష‌న‌ల్ మూవీ `వంగ‌వీటి` సినిమా సెన్సార్ పూర్తి చేసుకుంది. డిసెంబ‌ర్ 23న వంగ‌వీటి చిత్రం గ్రాండ్‌రిలీజ్ అవుతుంది. సినిమా అనౌన్స్ చేసిన‌ప్ప‌టి నుండి ఎంతో క్రేజ్ నెల‌కొన్నఈ సినిమా పాట‌ల‌కు, థియేట్రిక‌ల్ ట్రైల‌ర్‌కు ఆడియెన్స్ నుండి సూప‌ర్బ్ రెస్పాన్స్ వ‌చ్చింది. ఎన్నో బ్లాక్ బ‌స్ట‌ర్ చిత్రాల‌ను తెలుగులో విడుద‌ల చేసిన అభిషేక్ పిక్చ‌ర్స్ ఫ్యాన్సీ రేటు చెల్లించి నైజాం హ‌క్కుల‌ను సొంతం చేసుకుని ఎంతో ప్రెస్టీజియ‌స్‌గా అత్య‌ధిక థియేట‌ర్స్‌లో విడుద‌ల చేస్తున్నారు. డిసెంబ‌ర్ 20న `వంగ‌వీటి` సినిమాకు సంబంధించిన వేడుక హైదరాబాద్‌లో గ్రాండ్‌గా జ‌ర‌గ‌నుంది. ఈ వేడుక‌కు బాలీవుడ్ సూప‌ర్‌స్టార్, బిగ్ బి అమితాబ్ బ‌చ్చ‌న్‌, కింగ్ నాగార్జున‌లు ముఖ్య అతిథులుగా విచ్చేస్తున్నారు.
బ్యానర్ః రామ‌దూత క్రియేష‌న్స్‌, ర‌చ‌యిత‌లుః చైత‌న్య‌ప్ర‌సాద్‌, రాధాకృష్ణ‌, సాహిత్యంః సిరాశ్రీ, చైత‌న్య‌ప్ర‌సాద్‌, సినిమాటోగ్ర‌ఫీః రాహుల్ శ్రీవాత్స‌వ్‌, కె.దిలీప్ వ‌ర్మ‌, సూర్య చౌద‌రి, ఎడిట‌ర్ః సిద్ధార్థ్ తాతోలు, మ్యూజిక్ః ర‌విశంక‌ర్‌, ఎగ్జిక్యూటివ్ డైరెక్ట‌ర్స్ః మంజునాథ్‌, గౌత‌మ్ రాచిరాజు, ఎగ్జిక్యూటివ్ ప్రొడ్యూస‌ర్ః విస్సు,కో ప్రొడ్యూస‌ర్ః సుధీర్ చంద్ర ప‌డిరి,నిర్మాతః దాస‌రి కిర‌ణ్‌కుమార్‌, ద‌ర్శ‌క‌త్వంః రామ్‌గోపాల్ వ‌ర్మ‌.

రామ్‌గోపాల్ వ‌ర్మ ద్శ‌క‌త్వంలో రూపొందిన చిత్రం `వంగ‌వీటి`. జీనియ‌స్‌, రామ్‌లీల‌ వంటి విజ‌య‌వంత‌మైన చిత్రాల‌ను అందించిన నిర్మాత దాసరి కిర‌ణ్‌కుమార్ నిర్మాత‌గా రామ‌దూత క్రియేష‌న్స్ బ్యాన‌ర్‌లో రూపొందిన ఈ మూవీ `వంగ‌వీటి` సినిమా సెన్సార్ పూర్తి చేసుకుంది. డిసెంబ‌ర్ 23న వంగ‌వీటి చిత్రం గ్రాండ్‌రిలీజైంది. ఈ సంద‌ర్భంగా చిత్ర నిర్మాత దాసరి కిర‌ణ్‌కుమార్‌తో ఇంట‌ర్వ్యూ…..
చాలా స‌మ‌స్య‌ల‌ను ఎదుర్కొన్నాను….
– నిర్మాత‌గా `వంగ‌వీటి` సినిమాను ప్రేక్షకుల ముందుకు తీసుకు రావ‌డానికి చాలా స‌మ‌స్య‌ల‌ను ఎదుర్కొన్నాను. ఆంధ్రప్ర‌దేశ్ ఫిలించాంబ‌ర్‌లో టైటిల్ రిజిస్ట్రేషన్ చేయ‌డానికి అంగీక‌రించ‌లేదు. అందుకు కార‌ణాల‌ను కూడా వారు వివ‌రించ‌లేదు. అయితే `వంగ‌వీటి` సినిమా విష‌యంలో నాకు తెలంగాణ ఫిలిం చాంబ‌ర్‌వారు పూర్తి స‌హ‌కారం అందించారు. సినిమా విడుద‌ల వ‌రకు చాలా మంది కోర్టులో కేసులు కూడా వేశారు. ఆడియో వేడుక చేయడానికి గ్రౌండ్ ప‌ర్మిష‌న్ కూడా ఇవ్వ‌లేదు. ఇవ‌న్నీ ఎవ‌రికీ తెలియ‌వు.
అది చెప్ప‌డానికి నేనెవ‌రినీ….
– వంగ‌వీటి రాధా, రంగా, దేవినేని కుటుంబాలు ప్ర‌జ‌లకు ఎంతో సేవ చేశారు. అయితే వారిలో వ‌చ్చిన మ‌న‌స్పర్ధ‌ల కార‌ణంగానే హ‌త్య‌లు జ‌రిగాయి. 1973లో చ‌ల‌సాని వెంక‌ట‌ర‌త్నం హ‌త్య‌తో మొద‌లైన ఈ ప్ర‌స్థానం 1988 రంగాగారి హ‌త్య వ‌రకు కొన‌సాగింది. త‌ర్వాత తెలుగుదేశం, కాంగ్రెస్ ప్ర‌భుత్వాలు ఎన్ని వ‌చ్చినా అస‌లు రంగాగారి హ‌త్య గురించి స్టెప్ తీసుకోలేదు. 18 ఏళ్ళ త‌ర్వాత సుప్రీంకోర్టు కేసును కొట్టేసింది. ప్ర‌భుత్వాలు, కోర్టులే చెప్ప‌లేని వాస్త‌వాల‌ను సిస్ట‌మ్‌కు వ్య‌తిరేకంగా చెప్ప‌డానికి మేమెవ‌రం అందుకే రంగాగారి హ‌త్యతోనే సినిమాను ముగించాం.
ఆ విష‌యాన్ని నేను కూడా అంగీక‌రిస్తాను….
-28 ఏళ్ల క్రితం వంగ‌వీటి, దేవినేని కుటుంబాల మ‌ధ్య జ‌రిగిన గొడ‌వ‌లను ప్ర‌స్తావిస్తారు కానీ అస‌లు ఏం జ‌రిగింద‌నే విష‌యాలు ఎవ‌రికీ తెలియ‌వు. అస‌లేం జ‌రిగింద‌నే దాని గురించి చెప్పే ప్ర‌య‌త్నం చేశామే త‌ప్ప‌, ఎవ‌రినీ త‌క్కువ చేసి చూపించ‌డానికి ప్ర‌య‌త్నం చేయ‌లేదు. అయితే సినిమాలో రాధాగారి క్యారెక్ట‌ర్‌ను ఎలివేట్ చేసిన‌ట్టు రంగాగారి క్యారెక్ట‌ర్‌ను సీన్స్ రూపంలో చెప్ప‌లేక‌పోయాం. సినిమా చూసిన రంగాగారి అభిమానులు రంగాగారి క్యారెక్ట‌ర్‌ను ఇంకాస్తా బాగా చూపించి ఉంటే బావుండేది క‌దా..అన్నారు. ఎవ‌రూ ట‌చ్ చేయ‌ని ఓ పాయింట్‌ను మేం రెండు గంట‌ల ప‌దిహేను నిమిషాల్లో చెప్పాల‌నుకున్న‌ప్పుడు అందులో భాగంగానే ఓ ఐడియా ప్రకారం సినిమా చేసుకుంటూ వ‌చ్చాం. సినిమాలో రంగాగారి క్యారెక్ట‌ర్‌ను ఇంకాస్తా బాగా చూపించాల్సింద‌ని చాలా మంది అన్నారు. ఈ విష‌యాన్ని నేను కూడా అంగీక‌రిస్తాను.
ఎవ‌రూ బెదిరించ‌లేదు….
– వంగ‌వీటి, దేవినేని కుటుంబాల మ‌ద్ధ‌తు లేకుండా సినిమా ప్రేక్ష‌కుల ముందుకు తీసుకొచ్చే వాళ్లం కాదు. సినిమా విడుద‌ల‌కు ముందు కానీ, త‌ర్వాత కానీ ఎవ‌రూ మ‌మ్మ‌ల్ని బెదిరించ‌లేదు. సినిమా బాగా ఉంది కాబ‌ట్టే ప్రేక్ష‌కులు సినిమాను బాగా ఆద‌రిస్తున్నారు. సినిమాను డిసెంబ‌ర్ 23న 270 థియేట‌ర్స్‌లో విడుద‌ల చేశాం. సినిమా ఇప్ప‌టికీ స‌క్సెస్‌ఫుల్ 140 థియేట‌ర్స్‌లో ర‌న్ అవుతుంది.
తదుప‌రి చిత్రాలు…
– మా రామ‌దూత క్రియేష‌న్స్ బ్యాన‌ర్‌పై ఓ క‌మ‌ర్షియ‌ల్ సినిమాను ప్లాన్ చేస్తున్నాం. ఆ వివ‌రాల‌ను సంక్రాంతి త‌రువాత తెలియ‌జేస్తాం.

రంగాగారి క్యారెక్టర్ని వక్రీకరించానన్నా రాధా కామెంట్లకి నా సమాధానం

1. రంగా గారు బోసిపళ్ళ మహాత్మా గాంధీ అని చూపించాలా?

2. మర్డర్ల మాట అటుంచి ఎవర్ని మొట్టికాయ కూడా కొట్టలేదని చూపించాలా?

3. మదర్ థెరిస్సా కన్నా సాత్వికుడు అని చూపించాలా?

4. అన్న దానాలు,ప్రజా సేవ తప్ప చీమకైనా హాని చెయ్యని గౌతమ బుద్దుడని చూపించాలా? 

వాస్తవాలే చూపించాల్సిందన్న రాధా డిమాండ్లకి  నా సమాధానం-

రంగా గారి గురించి ఆయన భార్య గురించి, రంగా గారి అభిమానులు వినటానికి చూడటానికి ఇష్టపడని డాక్యుమెంటేడ్ వాస్తవాలు నేను చాలా చాలా చూపించగలను… కాని రంగా గారి
మీద వున్న గౌరవంతో అవి చూపించలేదు.

దమ్ముండి ఆ వాస్తవాలు ఏమిటని రాధా డిమాండ్ చేస్తే వాటన్నింటిని కుండ బద్దలు కొట్టినట్టు చెప్తా. 

నేను ముందునుంచి చెప్తున్నది వంగవీటి సినిమా తియ్యడంలో నా ఉద్దేశ్యం ఆ జీవిత కథల ఆధారంగా అప్పుడు జరిగిన ఆ సంఘటనల వెనుక వాళ్ళ సున్నితమైన భావోద్వేగాలని చూపించడం మాత్రమే.

ఒరిజినల్ వంగవీటి రాధా, వంగవీటి రంగా గార్లలో ఉన్నగొప్పతనంలో ఈ రాధాకి 0.1%లేకపోవడం మూలానే ఈ రాధా పరిస్థితి ఇలా వుంది ఏమి అర్ధం చేసుకోకుండా మాట్లాడుతున్నాడు.

వంగవీటి సినిమా గురించి దుర్భుద్ది ఉన్న వాళ్ళు నా దురుద్దేశ్యం గురించి ఎంత అరిచి గీ పెట్టినా ,పచ్చి నిజం ఏమిటంటే రంగా గారి మీద రాధాకి,రత్నకుమారిగారికి ఉన్న గౌరవం కన్నా ఎన్నో రెట్లు నాకెక్కువ గౌరవముంది. ఈ నిజం నిజాయితీగా గుండెల మీద చేయ్యేసుకున్న ప్రతి నిజమయిన రంగా అభిమానికి వాళ్ళ వాళ్ళ మనసుల్లో తెలుసు.

నేను తీసిన వంగవీటి సినిమా కరెక్ట్ కాదనుకుంటే రాధాని “అసలు వంగవీటి”అని ఇంకో సినిమా తీసి లోకానికి చూపించుకోమనండి.

ఇకపోతే నన్నేదో చేసేస్తానన్న రాధా ఇచ్చిన వార్నింగ్ కి నా కౌంటర్ వార్నింగ్.

 బస్తీ మే సవాల్–

సెంటర్ నేను చెప్పను- టైం నువ్వు చెప్పొద్దు.

మామూలు కాలేజ్ గొడవల్లో,సైకిల్ చైన్లతో కొట్టుకునే నేపధ్యంలో,నేను తీసిన “శివ” తో మొదలయ్యిన నా కెరియర్ ఇవ్వాల దేశాల మధ్య గొడవల్లో న్యూక్లియర్ బాంబులు పేల్చుకునే నేపధ్యంలో ఇంగ్లీష్ లో తియ్యబోతున్న“న్యూక్లియర్” వరకూ వచ్చినందుకు, నేను ఒకింత కాకుండా చాలా చాలా గర్వపడుతున్నాను.  

సి యమ్ ఎ గ్లోబల్ నిర్మించబోతున్న నా ” న్యూక్లియర్” చిత్రంచలనచిత్ర చరిత్రలోనే అతి ఖరీదైన చిత్రంగా రూ.340కోట్ల బడ్జెట్ తో రూపుదిద్దుకోబోతోంది. ఇది కూడా అంతర్జాతీయ యాక్టర్ల రెమ్యునరేషన్  లెక్కవేయకుండా కేవలం మేకింగ్ కి కేటాయించిన బడ్జెట్. 

ఇంత భారీ బడ్జెట్ కి కారణం ఈ చిత్రానికి ఎంచుకున్న అంశాన్ని ఇంతవరకు ఎవరూ చూడనంత, ఊహించలేనంత స్కేల్ లో తెరకెక్కించాలన్న నా నిర్మాతల నిర్ణయం. 

ఈ చిత్రం అమెరికా, చైనా, రష్యా, యెమెన్, ఇండియాల్లో షూటింగ్ జరుపుకోబోతుండగా ఇందులో అమెరికా, చైనా, రష్యా, బ్రిటన్,యెమెన్, ఇండియాలకు చెందిన నటీనటులు నటించనున్నారు. 

“న్యూక్లియర్” చిత్రానికి ఎంచుకున్నది ఒక అత్యంత వినూత్నమైన కథాంశం. అమెరికా, యూరప్, మధ్య ఆసియా..ఇలా ఎక్కడైనా ఈ రోజున అందరినీ ప్రధానంగా భయపెడుతున్న వారు తీవ్రవాదులు…ప్రతి ఉదయం నిద్ర లేస్తూనే ప్రపంచంలో ఎక్కడో అక్కడ ఏదో ఒక భయంకరమైన దాడికి సంబంధించిన వార్త మనం వింటూనే వుంటాం.

న్యూయార్క్ లోని వరల్డ్ ట్రేడ్ సెంటర్ టవర్స్ ని కూల్చేసినవిమానాలు, రోడ్ల మీద జనాన్ని గుద్ది పడేస్తూ  దున్నుకెళ్లే ట్రక్కులు,ప్యారిస్, ముంబాయి వంటి నగరాల్లో వందలమంది అమాయికుల్నిచంపి పారేస్తున్న దృశ్యాలు… ఇలా ఎన్నో ఎన్నెన్నో చూస్తున్నాం వింటున్నాం. కానీ వాటన్నింటికన్నా ఇంకా చాల ఎక్కువుగా అసలు ఊహించటానికే భయపడే అత్యంత భయంకరమైన ఒళ్ళు గగుర్పొడిచే ఆలోచన – ఒక వేళ ఏ టెర్రరిస్ట్ చేతికన్నా న్యూక్లియర్ బాంబ్ దొరికితే అప్పుడు పరిస్థితి ఏమిటి?” – ఇదే “న్యూక్లియర్” చిత్రానికి సంబందించి నా కథ.

చాలా తీవ్రవాద సంస్థలు న్యూక్లియర్  బాంబులు ఉన్న దేశాలపై కాలుదువ్వుతూ వాటిని కబళించే ప్రయత్నాలు చేస్తున్న ప్రస్తుత తరుణంలో ఈ ఆలోచనలో ఏమాత్రం అతిశయోక్తి లేదు. 70 ఏళ్ల తర్వాత కూడా హిరోషిమా, నాగసాకిలపై పడ్డ న్యూక్లియర్ బాంబ్ ధ్వనులు ఇప్పటికీ ప్రపంచపు కర్ణపుటాల్లో ప్రతిధ్వనిస్తూనే ఉన్నాయంటే, ఆ భయం యొక్క మాగ్నిట్యూడ్ ఎంత పెద్దదో  అర్థమవుతుంది. 

70 ఏళ్ళ క్రిందట జపాన్ లో జరిగిన ఆ విస్ఫోటం పరిస్థితే అలా ఉంటే ,ఇప్పుడు మనమున్న ఈ కాలంలో ఒక పెద్ద సిటీ లోఅటువంటి న్యూక్లియర్ విస్ఫోటనం జరిగితే? కేవలం ఇరాక్,న్యూక్లియర్ బాంబులు కలిగి ఉందేమోనన్న అనుమానంతో ఆ దేశం పై అమెరికా చేసిన దాడి  వల్ల,చాలదేశాలమధ్య విద్వేషాలు పెరగడం, మిత్రదేశాలు శత్రుదేశాలుగా మారిపోవడం, గవర్నమెంట్లు కుప్పకూలడం, మూకుమ్మడిగా ఐసిస్ లాంటి విపరీత తీవ్రవాదులు పుట్టడం జరిగాయంటే, ముంబాయి లాంటి మహా నగరంలో ఒకవేళ ఇప్పుడు నిజంగా న్యూక్లియర్ బాంబ్ పేలితే అది కచ్చితంగా మూడో ప్రపంచయుధ్ధానికి తెర లేపి, తద్వారా మొత్తం ప్రపంచాన్ని అంతం చేస్తుంది.

ఇదే “న్యూక్లియర్” పేరుతో నేను ఇంగ్లీష్ లో తీయబోయే నా మొదటి అంతర్జాతీయ చిత్ర కధాంశం.

                                  — రామ్ గోపాల్ వర్మ