ప్రముఖ కథారచయిత విజయేంద్రప్రసాద్ దర్శకత్వం వహిస్తున్న తాజా చిత్రం శ్రీవల్లీ. రజత్, నేహాహింగే జంటగా నటిస్తున్నారు. రేష్మాస్ ఆర్ట్స్ పతాకంపై రాజ్‌కుమార్ బృందావనం, సునీత నిర్మిస్తున్నారు. ఎమ్.ఎమ్ శ్రీలేఖ స్వరాలను సమకూర్చిన ఈ చిత్ర గీతాలు సోమవారం హైదరాబాద్‌లో విడుదలయ్యాయి. ప్రముఖ దర్శకుడు ఎస్.ఎస్.రాజమౌళి ఆడియో సీడీలను ఆవిష్కరించారు. తొలి ప్రతిని సంగీత దర్శకుడు ఎమ్.ఎమ్ కీరవాణి స్వీకరించారు. థియేట్రికల్ ట్రైలర్‌ను దర్శకుడు కొరటాల శివ విడుదలచేశారు. ఈ  సందర్భంగా ఎస్.ఎస్.రాజమౌళి మాట్లాడుతూ నాన్నను చూసి గర్వపడిన క్షణాలు నా జీవితంలో చాలా ఉన్నాయి. 1980లలో నాన్న, పెదనాన్న శివశక్తిదత్తా కలిసి ఘోస్ట్‌రైటర్స్‌గా పనిచేస్తూ కుటుంబాన్ని పోషించేవారు.  వారి  పేరును వెండితెరపై చూసుకోవాలని కుటుంబమంతా ఆసక్తిగా ఎదురుచూసేవాళ్లం. 1988లో జానకి రాముడు సినిమాకు రచయితలుగా వారి పేరును తెరపై చూడగానే చాలా ఆనందం వేసింది.  ఆ క్షణంలో చాలా గర్వంగా అనిపించింది. నాన్నఎక్కువగా ఆంగ్ల సాహిత్యాన్ని  చదివేవారు. కానీ  ఆయన కథలు మాత్రం తెలుగు ప్రేక్షకుల అభిరుచులకు తగినట్లుగా ఉండేవి. మీరు హాలీవుడ్ తరహా కథలను ఎందుకురాయరు ఆయనతో పనిచేస్తున్నప్పుడు అడిగాను. ఆ సందర్భంలో 25 ఏళ్ల క్రితమే సునామి నేపథ్యంలో నాకు ఓ కథ వినిపించారు. అప్పటికీ సునామి అంటే నాకు తెలియదు. ఆ తర్వాత సునామి వచ్చినపుడు దాని శక్తి ఏమిటో తెలిసింది. 25 ఏళ్ల క్రితమే దానిప్రభావాన్ని ఊహించి నాన్న కథను చెప్పడం చాలా గర్వంగా అనిపించింది. ఆ తర్వాత రెండు వారాల వ్యవధిలో బాహుబలి, బజరంగీ భాయిజాన్ సినిమాలు విడుదలై పెద్ద విజయాల్ని సాధించినపుడు చాలా గర్వపడ్డాను. చెప్పుకుంటూ పోతే ఇలాంటి సందర్భాలు చాలా ఉన్నాయి.  రచయితగా నాన్న మంచి పేరును సంపాదించుకున్నారు. ఆ స్థాయిలోనే దర్శకుడిగా గొప్పగా సినిమా తీస్తే కొడుకుగా గర్వపడతాను.  దర్శకుడిగా నాన్నను నేను పోటీదారుగానే భావిస్తాను. నేను దర్శకత్వం వహించిన ప్రతి సినిమాలో ఆయన తప్పులను వెతుకుతుంటారు. నాన్న దర్శకత్వం వహించిన సినిమాలో అలాంటి తప్పుల్ని నేను వెతుకుతాను.  కొడుకుగా గర్వపడే క్షణాల కోసం,  దర్శకుడిగా ఆయనతో దెబ్బలాడే క్షణాల కోసం ఎదురుచూస్తున్నాను.  నేను ఇప్పటి వరకూ శ్రీవల్లి సినిమా చూడలేదు. సినిమా విజయవంతమైతే ఇప్పటివరకూ నేను సంతోషపడిన అన్ని క్షణాల కంటే ఎక్కువ గర్వపడే సందర్భమిదే అవుతుంది అని తెలిపారు. కథ చెప్పడమంటే  నా దృష్టిలో అబద్ధాలు ఆడటమే. అందరికంటే నేనే ఎక్కువ అబద్ధాల కోరుననిపించుకోవాలని, తెలుగు చిత్ర పరిశ్రమలో గొప్ప రచయితగా పేరు తెచ్చుకోవాలని 20 ఏళ్లు పరుగులు పెడుతూనే ఉన్నాను.  కానీ సత్యానంద్, పరూచూరిబ్రదర్స్..ఇలా ఎప్పుడు ఎవరో ఒకరు నాకంటే ముందు  ఉండేవారు.  నేను కథలను అందించిన బజరంగీభాయిజాన్, బాహుబలి సినిమాలు రెండు వారాల వ్యవధిలో విడుదలవడంతో ప్రపంచంలోనే అతిపెద్ద అబద్ధాల కోరుగా నాపై ముద్రపడింది. కీరవాణి, రాజమౌళిలను చూస్తుంటే చాలా ఆశ్చర్యంగా అనిపిస్తుంటుంది.  సహచరులతో  పోలిస్తే వీరి ఆస్తి తక్కువే అయినా  వారి కళ్లతో ధైర్యం, ఆత్మవిశ్వాసం కనిపిస్తాయి. ఓ తండ్రి తన కొడుక్కి ఆస్తి, అంతస్తులు ఏమీ  ఇవ్వకపోవచ్చు. కానీ తన ప్రవర్తన ద్వారా కొడుకుపై మచ్చ వేసే హక్కు మాత్రం తండ్రికి లేదు. నా బిడ్డ ఉన్న స్థాయికి వాడితో రెండు అబద్దాలు చెప్పించి సినిమాను అమ్ముకోవచ్చు. కానీ అలా చేయడం పాపం. డబ్బు గురించి ఆలోచించకుండా మంచి సినిమా చేయాలనే సంకల్పంతో నిర్మాతలు ముందుకొచ్చారు. భారతీయ సినీ చరిత్రలో ఇప్పటివరకూ రాని కథాంశంతో తెరకెక్కుతున్న చిత్రమిది. మనసు లోతుల్లోకి చూడగలిగితే ఏం జరుగుతుందనే పాయింట్‌తో రూపొందింది. ఓ అమ్మాయి మనసుపై  శాస్త్రవేత్త చేసిన ప్రయోగం ఆమె జీవితాన్ని ఎలా  ఇబ్బందుల్లో పడేసింది.  ఈ ప్రయోగం కారణంగా అస్తవ్యస్తమైన తన జీవితాన్ని తిరిగి ఆమె ఎలా చక్కదిద్దుకున్నదన్నదే ఈ చిత్ర ఇతివృత్తం అని విజయేంద్రప్రసాద్ తెలిపారు. విజయేంద్రప్రసాద్ నిరంతరం సినిమాల గురించే ఆలోచిస్తుంటారని, రాజమౌళిలా గొప్పగా సినిమాలు తీయాలని, విజయేంద్రప్రసాద్‌లా గొప్పగా కథలు రాయాలని ప్రతిసారి కోరుకుంటానని దర్శకుడు కొరటాల శివ పేర్కొన్నారు. తొలి సినిమాతోనే విజయేంద్రప్రసాద్‌లాంటి గొప్ప రచయితతో పనిచేయడం అదృష్టంగా భావిస్తున్నాను. ప్రతి పాట ఆణిముత్యంలా ఉంటుంది. మహిళల శక్తిసామర్థ్యాలను చాటిచెప్పే చిత్రమిది నిర్మాత సునీత తెలిపారు. నటులుగా, వ్యక్తిగతంగా ఈ సినిమా ద్వారా చాలా నేర్చుకునే అవకాశం దొరికిందని,  కష్టపడి ఈ సినిమా చేశామని నాయకానాయికలు తెలిపారు ఎమ్.ఎమ్ శ్రీలేఖ మాట్లాడుతూ  నా ఆడియో వేడుకకు రాజమౌళి అన్నయ్య రావడం ఇదే తొలిసారి. మూసధోరణిలో వెళుతున్న నా ఆలోచన విధానాన్ని మార్చి నన్ను సరైన దారిలో నడిపించారు  అని చెప్పింది. ఈ కార్యక్రమంలో శివశక్తిదత్తా, బి.వి.ఎస్.ఎన్.ప్రసాద్, రాజ్‌కుమార్ బృందావనం, పరుచూరి గోపాలకృష్ణ, వక్కంతం వంశీ,  రాజగోపాల్, బి.వి.ఎస్ రవి, శ్రీవల్లీ, రమా రాజమౌళి తదితరులు పాల్గొన్నారు.

Stills

Baahubali Comic Book Cover and Preview

Posters

యంగ్‌ రెబల్‌ స్టార్‌ ప్రభాస్‌, అనుష్క, తమన్నా,రాణా, రమ్యకృష్ణ, నాజర్‌ ప్రధాన తారాగణంగా, సూపర్ సక్సెస్ఫుల్ డైరెక్టర్ ఎస్‌.ఎస్‌.రాజమౌళి దర్శకత్వంలో, దర్శకేంద్రుడు కె.రాఘవేంద్రరావు సమర్పణలో ఆర్కా మీడియా వర్క్స్‌ బ్యానర్‌పై శోభు యార్లగడ్డ, ప్రసాద్‌ దేవినేని లు నిర్మాతలుగా రూపొందుతోన్న ప్రతిష్టాత్మకమైన చిత్రం ‘బాహుబలి2’. – ‘ది కన్‌క్లూజన్‌’. ఈ  సినిమా చిత్రీకరణ తుది దశకు చేరుకుంది. ఈ సినిమా విశేషాలను తెలియజేయడానికి చిత్ర యూనిట్‌ శుక్రవారం హైదరాబాద్‌లో మీడియా ముందుకు వచ్చింది. ఈ కార్యక్రమంలో ఎస్‌.ఎస్‌.రాజమౌళి, ప్రభాస్‌, రాణా, నిర్మాతలు శోభు యార్లగడ్డ, ప్రసాద్‌ దేవినేని పాల్గొన్నారు. ఈ సందర్భంగా….

సినిమా దాదాపు పూర్తయ్యింది

నిర్మాతల్లో ఒకరైన శోభు యార్లగడ్డ మాట్లాడుతూ – ”షూటింగ్‌ ప్రకారం చూస్తే సినిమాలో ముఖ్య ఎపిసోడ్స్‌ అన్నీ పూర్తయ్యాయి. అక్టోబర్‌, నవంబర్‌, డిసెంబర్‌ లో సినిమా చిత్రీకరణ అంతా పూర్తి చేసేస్తాం. కొన్ని సీన్స్‌, సాంగ్స్‌ చిత్రీకరించాల్సి ఉంది. ఏప్రిల్‌ 28న బాహుబలి2 విడుదల చేయబోతున్నాం. వచ్చే ఏడాది, అంటే జనవరిలో సినిమా ట్రైలర్‌ విడుదలయ్యే అవకాశాలున్నాయి” అన్నారు.

నా పుట్టినరోజున ఫస్ట్‌ లుక్‌

ప్రభాస్‌ మాట్లాడుతూ – ”బాహుబలి కామిక్‌ బుక్స్‌ విడుదల చేస్తున్నాం. అక్టోబర్‌ 1న ఆనిమేటెడ్ సిరీస్ టీజర్ విడుదల చేస్తాం. నా ఫ్యాన్స్‌, అందరూ ఎదురుచూస్తున్న ఫస్ట్‌ లుక్‌ను అక్టోబర్‌ 22న నా పుట్టినరోజుకు ఒక రోజు ముందు విడుదల చేస్తున్నాం. మధ్యలో గ్యాప్ దొరికినప్పుడు సినిమా చేద్దాం అనుకున్నా. కానీ బాహుబలి లాంటి ఒక మహా సముద్రం మధ్యలో చిన్న చిన్న నదులను వదలటం కరెక్ట్ కాదేమో అనిపించింది. అందుకే రెస్ట్ తీసుకున్నా. తరువాత సుజిత్ తో, రాధాకృష్ణ తో సినిమాలు ఓకే అయ్యాయి  ” అన్నారు.

బాహుబలి ఒక మహా వృక్షం

రాణా మాట్లాడుతూ – ”యూరి లో జరిగిన సైనిక శిబిరం పై దాడి ని ఖండిస్తూ, మన దేశ రక్షణ కోసం ప్రాణాలను అర్పిస్తున్న వీర జవాన్లకు వందనం.  ఇప్పుడు నేనొక సినిమాల అభిమానిగా మాట్లాడుతున్నాను. నేను హైదరాబాద్‌లో చాలా ఇంగ్లిష్‌ సినిమాలు చూసేవాడిని. ఇండియానా జోన్స్‌ లాంటి వార్‌ సినిమాలంటే నాకు చాలా ఇష్టం. అలాంటి సినిమాలకు సంబంధించిన బుక్స్‌ ఎక్కువగా చదివేవాడిని. ఇండియన్‌ సినిమా ఎప్పటికైనా ఇలా ఉంటుందా? అని అనుకునేవాడిని. బాహుబలి సినిమా ప్రారంభంలో నేను రాజమౌళిగారిని కలిసినప్పుడు ఒక మ్యాప్‌ చూపించారు. మహిష్మతి అనే రాజ్యం, ఆ రాజు, అందులోని ప్రజలు, వారు వాడే వస్తువులు వంటివన్నీ నాకు సవివరంగా చెప్పారు. మహిష్మతి రాజ్యం అనేది రాజమౌళిగారు క్రియేట్‌ చేసిన ప్రపంచం, మహా వృక్షం. ఆ మహా వృక్షంలో చాలా కొమ్మలున్నాయి. అందులో ఒక కొమ్మ బాహుబలి సినిమా. ఇది కాకుండా టెలివిజన్‌ సీరీస్‌, కామిక్‌ బుక్స్‌, మెర్చండైజింగ్‌, వర్చువల్‌ రియాలిటీ  వంటి ఎన్నో  అంశాలు రాబోతున్నాయి. ఫైనెస్ట్‌ వార్‌ ఫిల్మ్‌ ఇన్‌ ద కంట్రీని తెరకెక్కించడానికి వాళ్లు ఎంత కష్టపడ్డారో తెలిసిందే. చాలా సినిమాలకి ప్రమోషన్‌ తాలూక టీ షర్ట్‌ లు వంటివి చూస్తుంటాం. యామజాన్‌ ప్రైమ్‌ నుంచి మా టీజర్‌ను అక్టోబర్‌ 1న విడుదల చేయనున్నాం. వరల్డ్‌ క్లాస్‌ యానిమేషన్‌ చూస్తున్నట్టు అనిపిస్తుంది” అన్నారు.

వర్చువల్ రియాలిటీ ఎక్స్ పీరియెన్స్ తో `బాహుబలి2`

ఎస్‌.ఎస్‌.రాజమౌళి మాట్లాడుతూ – ”బాహుబలి టీమ్‌ కి అక్టోబర్‌ చాలా ఎగ్జైటింగ్ నెల. ఎందుకంటే బాహుబలికి సంబంధించిన రకరకాల విషయాలు అక్టోబర్‌లోనే విడుదలవుతాయి. బాహుబలి యానిమేటెడ్‌ సిరీస్‌ అమెజాన్‌ ప్రైమ్‌లో రానుంది. దానికి సంబంధించిన టీజర్‌ అక్టోబర్‌ 1న విడుదలవుతుంది. అక్టోబర్‌ 5న ప్రభాస్‌ ఫ్యాన్స్‌ కి గుడ్‌ న్యూస్‌ చెప్తున్నాం. అదేంటనేది ఇప్పుడే చెప్పం. ఆ న్యూస్‌ తన అభిమానులకే కాదు మొత్తం సౌత్‌ ఇండియాకే గర్వకారణంగా ఉంటుంది. అలాంటి న్యూస్‌ అక్టోబర్‌ 5న రిలీజ్‌ కానుంది. ఇక బాహుబలిని ఒక మహావృక్షం గా  తీసుకుంటే టీవీ సీరీస్‌, కామిక్స్‌, బుక్స్‌, గేమ్స్‌ అన్నీ హయ్యస్ట్‌ బడ్జెట్‌తో తీస్తున్నాం. బాహుబలితో వర్చువల్‌ రియాలిటీ ఎక్స్‌ పీరియెన్స్‌ అనే దాన్ని పరిచయం చేస్తున్నాం. ఇలాంటి ఎక్స్‌పీరియెన్స్‌తో అందరూ ఎగ్జయిట్‌ అవుతారు. మాహిష్మతి సామ్రాజ్యాన్ని 360 డిగ్రీస్‌లో ఎక్స్‌ పీరియన్స్‌ చేయగలిగే ఎక్స్పీరియన్స్ ఇది. ఈ రోజు మధ్యాహ్నం నేను తొలి టెస్ట్‌ చూశా. యూఎస్‌కి వెళ్లి వర్చువల్‌ రియాలిటీ టెక్నాలజీని గురించి తెలుసుకున్నా. రకరకాల కంపెనీల్లో వీడియోలు చూశా. నేను అక్కడ చూసిన క్వాలిటీ కన్నా, మేం తీసిన టెస్ట్‌ షార్ట్‌ చాలా మంచి క్వాలిటీతో ఉంది.

 2D తెరమీద బొమ్మ చూస్తున్నట్టు కాకుండా మాహిష్మతి ప్రపంచంలోకి వెళ్లి , అక్కడ జరగుతున్న కథని అక్కడివారితో కలిసి చూస్తున్న అనుభూతిని కలుగుతుంది. ఉదాహరణ చెప్పాలంటే గూగుల్‌ కార్డ్‌ బోర్డ్‌ లో ఫోన్‌ పెట్టుకుని 360 డిగ్రీస్ లో చూస్తే వర్చ్యువల్ రియాలిటీ కనిపిస్తుంది. మరి కొంచెం మెరుగైన క్వాలిటీ కావాలంటే శామ్‌సంగ్‌ గేర్‌ వియర్‌ని పెట్టుకుని వర్చువల్‌ ప్రపంచాన్ని చూడొచ్చు. ఏ ఫోన్‌ ఉంటే ఆ ఫోన్ కి పనికొచ్చే VR గ్లాస్సెస్ ని వాడి చూడొచ్చు.వీటి ధర రూ.100 నుంచి రూ.3000 ఉండొచ్చు. 

అత్యుత్తమ వర్చువల్‌ రియాలిటీ ఎక్స్పీరియన్స్ కావాలంటే మాత్రం రూ.2లక్షల ఖర్చుతో ఆక్యులస్‌ రిఫ్ట్‌ గానీ, వైవ్‌గానీ  దొరుకుతాయి. మేం చేసే బాహుబలి VR  ఎక్స్‌ పీరియన్స్‌ ఆ గ్లాసెస్‌ కోసం చేస్తున్నాం. ఇవి అందరికీ అందుబాటు లో లేవు కాబట్టి 200, 300 థియేటర్లలో వాటిని స్టాల్స్‌ పెట్టి మేమే ఇస్తాం. దానితో ఆడియెన్స్‌ ఈ ఎక్స్‌ పీరియన్స్‌ ని పొందొచ్చు. ప్రపంచం మొత్తం మీద ఇలాంటిది తొలిసారి బాహుబలి సినిమాలకే జరుగుతుంది. దీని కోసం మేం రూ.25 కోట్ల బడ్జెట్‌ను కేటాయిస్తున్నాం. బాహుబలి థియేటర్లలో విడుదల కావడానికి నెల రోజుల ముందుగానే వర్చువల్‌ రియాలిటీ ఎక్స్‌ పీరియన్స్‌ను విడుదల చేస్తాం. దాంతో పాటు మేకింగ్‌ వీడియోస్‌ని వర్చువల్‌ రియాలిటీలో చేస్తున్నాం. డైరక్ట్‌గా కావాలంటే ఫోన్‌లో ప్యాన్‌ చేసుకుని, గూగుల్‌ కార్డ్‌ బోర్డ్‌లోనూ చూడొచ్చు. మేకింగ్‌ వీడియోలను కూడా హై క్వాలిటీ  VR లో  చేస్తున్నాం. వర్చువల్‌ రియాలిటీలో రూపొందించిన తొలి మేకింగ్‌ వీడియో ప్రభాస్‌ పుట్టినరోజుకి విడుదల చేయనున్నాం” అన్నారు.

తర్వాత మీడియా అడిగి ప్రశ్నలకు రాజమౌళి సమాధానమిచ్చారు….

అక్టోర్‌ 5న ప్రభాస్‌కు సంబంధించిన న్యూస్‌ ఏంటి? ప్రభాస్‌కు ఏమైనా ప్రఖ్యాత అవార్డు  వచ్చిందా….?

– అవార్డులకు సంబంధించిన న్యూస్‌ కాదండీ. మాకు ఆ న్యూస్‌ వచ్చినప్పుడు ఎంత థ్రిల్ ఫీల్ అయ్యామో, మీరు అవ్వాలి. 5 న అందరికీ తెలుస్తుంది.

బాహుబలి 2 హైలైట్స్‌ చెప్పండి?

– ఇంతకు ముందు నేను చేసిన సినిమాలకు సంబంధించిన విషయాలను ముందుగానే ఓ పద్ధతి ప్రకారం రవీల్‌ చేసుకుంటూ వచ్చాను. అయితే బాహుబలికి సంబంధించి ఎలాంటి విషయాలు చెప్పకూడదు, సినిమాలోనే చూడాలనేది నా అభిప్రాయం.

బాహుబలి2లో తమన్నా మీద సాంగ్స్‌ ఉంటాయా?

– సెకండాఫ్‌లో తమన్నా ఉంటుంది. కానీ ఆమె మీద పాటలు లేవు. అనుష్క ఇందులో హీరోయిన్‌. అనుష్క మీదనే పాటలు ఉంటాయి. 

యుద్ధ సన్నివేశాల చిత్రీకరణ పూర్తయ్యిందా ?

– సినిమా లో కీలకమైన క్లైమాక్స్‌ అయిపోయింది. గ్రాఫిక్స్‌ విషయంలో, మనుషుల విషయంలో ఏ ఇబ్బందులు లేకుండా పూర్తి చేయగలిగాం. రెండున్నర నెలలు సమయం పట్టింది. ఎడిటింగ్‌ చేసి గ్రాఫిక్స్‌ చేశాం.

షూటింగ్‌లో ఇంకా ఏం చేయాల్సి ఉన్నాయి?

– రెండు పాటలు, చిన్న ప్యాచ్‌ వర్క్‌, ఒక చిన్న యాక్షన్‌ సీక్వెన్స్‌ ఉంది.

ప్రభాస్‌, రాణా లను ఎప్పుడు విడిచి పెడతారు?

– డిసెంబర్‌ నెలలో రెండు వారాల్లో వారికి సంబంధించిన షూటింగ్‌ పూర్తవుతుంది. దాంతో ప్రభాస్‌,రాణా యే  కాదు, అందరూ ఆర్టిస్ట్‌లు రిలీజ్‌ అవుతారు.

బాహుబలి పార్ట్‌ 3 ఉంటుందా?

– బాహుబలి అనే మహావృక్షం నుంచి చాలా సినిమాలు వస్తాయి. సినిమా అనేది కొమ్మ మాత్రమే. బాహుబలి పార్ట్‌ 3 అనేది ఆన్‌ ద కార్డ్స్‌. అది ఎలా వస్తుందో ఇప్పుడే చెప్పలేను. 

వర్చువల్‌ రియాలిటీ ఎక్స్‌పీరియెన్స్‌తో ఇంటర్నేషనల్‌ మార్కెట్‌ను టార్గెట్‌ చేస్తున్నారా?

– నేషనల్‌ ఆడియన్స్‌నే నేను టార్గెట్‌ చేశాను. వర్చువల్‌ రియాలిటీకి సంబంధించి ఎ.ఎం.డి వాళ్లతో కోలాబోరేట్ అయ్యాం. వాళ్లు నాణ్యతతో కూడిన లెటెస్ట్‌ కెమెరాలు,రిలేటెడ్‌ టెక్నాలజీ, దానికి సంబంధించిన స్టిచింగ్‌, హై క్వాలిటీ 360 డిగ్రీ ఇమేజ్‌ని తీసుకురావడానికి హెల్ప్‌ చేస్తున్నారు. లాస్‌ ఏంజెల్స్‌ లో గ్రాఫిక్స్‌ కంపెనీల్లో దానికి సంబంధించిన సీజీ వర్క్‌ జరుగుతోంది.

వర్చువల్‌ రియాలిటీని చేయడానికి ఇన్స్‌ పిరేషన్‌ ఎక్కడిది? ఈ టెక్నాలజీ కేవలం వార్‌ సీక్వెన్స్‌ కేనా?

– ఇది చాలా ఫ్లాట్‌ఫార్మ్స్‌ కి రీచ్‌ అవుతుందని అనుకుంటున్నాం. సెట్‌ ఇన్‌ ద వార్‌. బట్‌ వార్‌ మాత్రమే ఉండదు. సినిమా మొత్తానికి ఉంటుంది.

బాహుబలి కి టైమ్‌ ఫ్రేమ్‌ ఏమన్నా పెట్టుకున్నారా?

 ఫరెవర్‌. నాకు బాహుబలిని వదలాలని లేదు. వెస్ట్‌ లో ఫ్రాంచైసిస్‌ అనేది ఇంతే. స్టార్ వార్స్ వంటి సినిమాలు చుడండి. ఎవరైతే క్రియేట్‌ చేశారో వాళ్లు పోయిన తర్వాత కూడా అది కంటిన్యూ అవుతూనే ఉంది. ఈ సినిమా కోసం ఆర్టిస్టులు పెట్టిన హార్డ్‌ వర్క్‌ సినిమా అయ్యాక ఆగిపోవాలని లేదు. కంటిన్యూ కావాలని ఉంది.

Baahubali Posters

The movie’s Telugu audio album will be launched on 24th September in Hyderabad by Indian Cricket Icon Dhoni and director S.S. Rajamouli.