సినిమా ప్రకటణలు Archives | Cine Chitram

మహిళా దినోత్సవం సందర్భంగా మహానటి పోస్టర్ విడుదల!!

CineChitram — Wed, 08 Mar 2017 16:14:43 +0000

తెలుగు సినిమా చరిత్రలో తిరుగులేని కథానాయికగా వెలుగొందిన సావిత్రి జీవితం ఆధారంగా “ఎవడే సుబ్రహ్మణ్యం” తో దర్శకుడిగా పరిచయమై, తొలి చిత్రంతోనే విమర్శకుల ప్రశంసలు దక్కించుకున్న నాగఅశ్విన్ తెరకెక్కించనున్న చిత్రం “మహానటి”. ఈ చిత్రం స్పెషల్ పోస్టర్ ను నేడు మహిళా దినోత్సవం సందర్భంగా విడుదల చేశారు.

31 ఏళ్ల పాటు 263 చిత్రాల్లో నటించడమే కాక ప్రేక్షకలోకాన్ని తన నటనతో ఆకట్టుకున్న సావిత్రి తెలుగుతోపాటు తమిళ, కన్నడ, హిందీ, మళయాళ భాషల్లోనూ నటించడం విశేషం.

స్వప్న సినిమా సమర్పణలో వైజయంతి మూవీస్ బ్యానర్ పై నిర్మాణమవుతున్న ఈ చిత్రంలో కీర్తి సురేష్ టైటిల్ రోల్ ప్లే చేయనుండగా.. సమంత ముఖ్యపాత్ర పోషించనుంది. ఈ చిత్రానికి సంబంధించిన టెక్నీషియన్స్ వివరాలు త్వరలోనే వెల్లడిస్తాం. తెలుగు సినిమా చరిత్రలో ఓ మైలురాయిగా నిలిచిపోయే చిత్రంగా “మహానటి” నిలవడం ఖాయం.

పురుషాధిక్యత ఎక్కువగా ఉండే రోజుల్లో కథానాయికగా తనకంటూ ప్రత్యేకమైన గుర్తింపు సంపాదించుకున్న సావిత్రి 1950 నుండి 1980 వరకు తన హవా కొనసాగించిన తీరు ఆదర్శనీయం. తెలుగు, తమిళ భాషల్లో ఏకకాలంలో రూపొందుతున్న “మహానటి” ప్రేక్షకులకు ఒక సరికొత్త అనుభూతిని కలిగించనుంది.

Posters

The post మహిళా దినోత్సవం సందర్భంగా మహానటి పోస్టర్ విడుదల!! appeared first on Cine Chitram.

‘ద్యావుడా’ డైరెక్టర్‌ పత్రికాముఖ క్షమాపణ

CineChitram — Mon, 09 Jan 2017 15:42:25 +0000

నూతన సంవత్సరంలో మొదటి రోజున విడుదలైన ‘ద్యావుడా’ చిత్ర టీజర్‌ సృష్టించిన అలజడి తెలుగు ప్రేక్షకులకు తెలిసిందే.
ఈ సందర్భంగా చిత్ర దర్శకుడు ‘సాయిరాం దాసరి’ మాట్లాడుతూ హిందువుల మనో భావాలను దెబ్బతీయాలనేది నా ఉద్ధేశ్యం కాదు. నేనూ హిందువునే. కానీ ఇంతమంది నా సినిమా ‘టీజర్‌’ చూసి స్పందిస్తుంటే దానికి బాధ్యత వహిస్తూ ముందుగా హిందూ సోదరులందరికీ క్షమాపణ తెలుపుతున్నాను. కాకపోతే కర్నాటకలోని ఉజ్జయిని దేవాలయంలో సిగిరెట్లతో, మందు బాటిళ్లతో శివునికి పూజా కార్యక్రమాలు నిర్వహించే ఆచారం ఉంది. మేము ఆ ఆచారాన్ని ఇన్ప్రిరేషన్‌గా తీసుకుని ఈ సినిమాలో చివరికి శివ మహాత్యాన్ని చేసే ప్రయత్నం చేశాం. కానీ సినిమా విడుదలకు ముందే భక్తుల మనోభావాలు దెబ్బతిన్నాయని భావించి..ఆ దృశ్యాలను మా సినిమా నుండి తొలగిస్తున్నాము. ఈ సందర్భంగా మరోసారి తెలుగు భక్తులకు నేను క్షమాపణ తెలుపుతున్నాను.
ఇట్లు,
సాయిరాం దాసరి
(ద్యావుడా చిత్ర దర్శకులు)

The post ‘ద్యావుడా’ డైరెక్టర్‌ పత్రికాముఖ క్షమాపణ appeared first on Cine Chitram.

సెప్టెంబర్ 22 నుండి బ్యాంకాక్ లో తొలి షెడ్యూల్ చిత్రీకరణ జరుపుకోనున్న గోపీచంద్, సంపత్ నంది చిత్రం

CineChitram — Wed, 21 Sep 2016 04:29:15 +0000

మాస్, యాక్షన్ హీరో గోపీచంద్ కథానాయకుడుగా `హ్యాట్రిక్ హిట్ చిత్రాల దర్శకుడు సంపత్ నంది దర్శకత్వంలో అన్నీ ర‌కాల క‌మ‌ర్షియ‌ల్ ఎలిమెంట్స్‌ తో కూడిన హై ఓల్టేజ్ యాక్ష‌న్‌ మాస్ ఎంటర్ టైనర్ రూపొందనున్న సంగతి తెలిసిందే. శంఖం, రెబల్ వంటి యాక్షన్ ఓరియెంటెడ్ చిత్రాలను నిర్మించిన ప్రముఖ నిర్మాణ సంస్థ శ్రీ బాలాజీ సినీ మీడియా బ్యాన‌ర్‌పై జె.భగవాన్, జె.పుల్లారావు నిర్మాత‌లుగా ఓ భారీ బ‌డ్జెట్ యాక్ష‌న్ ఎంట‌ర్ టైన‌ర్ ఇటీవల లాంచనంగా ప్రారంభమైంది. ఈ చిత్రంలో హన్సిక, క్యాథరిన్ హీరోయిన్స్ గా నటిస్తున్నారు. ఈ సినిమా మొదటి షెడ్యూల్ సెప్టెంబర్ 22 నుండి బ్యాంకాక్ లో జరగనుంది. ఈ సందర్భంగా…

చిత్ర నిర్మాతలు జె.భగవాన్, జె.పుల్లారావు మాట్లాడుతూ – “గోపీచంద్ హీరోగా, సంపత్ నంది దర్శకత్వంలో హై ఓల్టేజ్ మాస్ యాక్షన్ ఎంటర్ టైనర్ ను భారీ బడ్జెట్, హై టెక్నికల్ వాల్యూస్ తో నిర్మిస్తున్నాం. హీరో, హీరోయిన్, విలన్ ఇంట్రడక్షన్ సీన్స్ తో పాటలు, కొన్ని కీలక సన్నివేశాలను చిత్రీకరిస్తాం. ఇప్పటి వరకు ఎవరూ చిత్రీకరించని లోకేషన్స్ లో షూటింగ్ ప్లాన్ చేశాం. ఈ నెల 22 నుండి 30 రోజుల పాటు జరగనున్న లాంగ్ షెడ్యూల్ లో హీరో గోపీచంద్, హీరోయిన్స్ హన్సిక, క్యాథరిన్, ముకేష్ రుషి, నికితన్ ధీర్(తంగబలి) సహా 70 మంది చిత్రయూనిట్ సభ్యులు పాల్గొంటారు. యాక్షన్ సన్నివేశాలు, భారీ చేజ్ తో కూడిన ఇంటర్వెల్ సీన్, గుర్రాలతో ఉండే యాక్షన్ పార్ట్ సహా అడ్వేంచేరస్ గా ఈ షెడ్యూల్ ఉంటుంది“ అన్నారు.

ముఖేష్ రుషి, నికితన్ ధీర్(తంగబాలి), అజయ్, వెన్నెల కిషోర్ ఇతర తారాగణంగా నటిస్తున్న ఈ చిత్రానికి ప్రొడక్షన్ కంట్రోలర్: బెజవాడ కోటేశ్వరరావు, స్క్రిప్ట్ కో ఆర్డినేటర్: సుధాకర్ పావులూరి, కో డైరెక్టర్: హేమాంబర్ జాస్తి, ఆర్ట్: కడలి బ్రహ్మ, యాక్షన్: రామ్-లక్ష్మణ్, ఎడిటర్: గౌతంరాజు,సంగీతం: ఎస్.ఎస్.థమన్, నిర్మాతలు: జె.భగవాన్, జె.పుల్లారావు,కథ, స్క్రీన్ ప్లే, మాటలు, దర్శకత్వం: సంపత్ నంది.

The post సెప్టెంబర్ 22 నుండి బ్యాంకాక్ లో తొలి షెడ్యూల్ చిత్రీకరణ జరుపుకోనున్న గోపీచంద్, సంపత్ నంది చిత్రం appeared first on Cine Chitram.

వినాయక మహా నిమజ్జనానికి “జయమ్ము నిశ్చయమ్మురా..”

CineChitram — Wed, 14 Sep 2016 08:26:18 +0000

“గీతాంజలి” తర్వాత శ్రీనివాస్ రెడ్డి- “రాజు గారి గది” తర్వాత పూర్ణ జంటగా నటిస్తున్న నేటివిటీ హాస్యభరిత చిత్రం “జయమ్ము నిశ్చయమ్మురా”.

తెలుగు ప్రజలంతా ఒకే రాష్ట్రంలో ఉన్న రోజుల్ని గుర్తుకు తెస్తూ… 2013 నేపథ్యంలో- కరీంనగర్ నుంచి కాకినాడ వెళ్లిన ఓ యువకుడి చుట్టూ సాగే సరదా కధే “జయమ్ము నిశ్చయమ్మురా”. షూటింగ్ పూర్తి చేసుకున్న ఈ చిత్రం ప్రస్తుతం పోస్ట్ ప్రొడక్షన్ జరుపుకుంటోందని చిత్ర నిర్మాత-దర్శకుడు శివరాజ్ కనుమూరి తెలిపారు.

చిత్ర సమర్పకులు ఏ.వి.ఎస్.రాజు మాట్లాడుతూ.. “కరీంనగర్, పోచంపల్లి, కాకినాడ, వైజాగ్, భీమిలి మొదలగు లొకేషన్స్ లో ఈ చిత్రం షూటింగ్ జరుపుకొందని, ఈ చిత్రం అన్ని వర్గాల ప్రేక్షకులను అలరిస్తుందని” అన్నారు.

ఈ చిత్రానికి సంగీతం: రవిచంద్ర, కెమెరా: నాగేష్ బన్నేల్, ఎడిటింగ్: ఎడిటర్ వెంకట్, సహ నిర్మాత: సతీష్ కనుమూరి, నిర్మాణం-దర్శకత్వం: శివరాజ్ కనుమూరి !!

The post వినాయక మహా నిమజ్జనానికి “జయమ్ము నిశ్చయమ్మురా..” appeared first on Cine Chitram.

రవితేజ హీరోగా విక్రమ్ సిరి దర్శకత్వంలో సినిమా

CineChitram — Tue, 06 Sep 2016 17:36:11 +0000

‘లక్ష్మీ’, ‘లక్ష్యం’, ‘రేసు గుర్రం’ వంటి ఎన్నో విజయవంతమైన చిత్రాలు నిర్మించిన శ్రీ లక్ష్మీనరసింహా ప్రొడక్షన్స్ అధినేత నల్లమలుపు శ్రీనివాస్ (బుజ్జి) తాజాగా మాస్ మహరాజ్ రవితేజ హీరోగా ఓ సినిమా నిర్మించనున్నారు. ఎన్టీఆర్ తో ‘అదుర్స్’ నిర్మించిన శాసన సభ్యుడు వల్లభనేని వంశీమోహన్ ఈ చిత్రానికి సమర్పకులుగా వ్యవహరించనున్నారు. నల్లమలుపు బుజ్జి నిర్మించిన ‘కొంచెం ఇష్టం కొంచెం కష్టం’, ‘రేసు గుర్రం’ చిత్రాలకు స్ర్కీన్ ప్లే రచయితగా వ్యవహరించిన విక్రమ్ సిరి ఈ చిత్రం ద్వారా దర్శకునిగా పరిచయం కానున్నారు. ‘కొంచెం ఇష్టం కొంచెం కష్టం’ చిత్రానికి నంది అవార్డు కూడా అందుకున్నారు విక్రమ్ సిరి.

ఎన్నో విజయవంతమైన చిత్రాలకు కథ అందించిన వక్కంతం వంశీ ఈ చిత్రానికి కథ అందించారు.

త్వరలోనే చిత్రీకరణ ప్రారంభం కానున్న ఈ సినిమా గురించి నల్లమలుపు శ్రీనివాస్ (బుజ్జి) మాట్లాడుతూ – ”రవితేజ హీరోగా మా సంస్థలో ఇది మొదటి సినిమా. మంచి కథ కుదిరింది. వక్కంతం వంశీ పవర్ ఫుల్ ఎనర్జిటిక్ స్టోరీ తయారు చేశారు. శాసన సభ్యుడైన వల్లభనేని వంశీతో కలిసి ఈ సినిమా నిర్మించడం ఆనందంగా ఉంది. ఈ చిత్రానికి సంబంధించిన పూర్తి వివరాలు త్వరలో తేలియజేస్తాం” అని చెప్పారు.

ఈ చిత్రానికి ఎగ్జిక్యూటివ్ నిర్మాత: కొల్లి రాజేష్.

The post రవితేజ హీరోగా విక్రమ్ సిరి దర్శకత్వంలో సినిమా appeared first on Cine Chitram.