chadalavada sreenivasarao Archives | Cine Chitram

ముంబాయిలో ఆఖ‌రి షెడ్యూల్ చిత్రీక‌ర‌ణ‌లో `రోజ్‌గార్డెన్‌

CineChitram — Wed, 01 Feb 2017 13:41:08 +0000

అనురాధ ఫిలింస్ డివిజన్ బ్యాన‌ర్‌పై చ‌ద‌ల‌వాడ తిరుప‌తిరావు స‌మ‌ర్ప‌ణ‌లో చ‌ద‌ల‌వాడ శ్రీనివాస‌రావు నిర్మిస్తున్న చిత్రం `రోజ్‌గార్డెన్‌`. ఈ చిత్రంలో కాశ్మీర్ ఏక‌ధాటిగా 40 రోజుల పాటు చిత్రీక‌ర‌ణ జ‌రుపుకున్న సంగ‌తి తెలిసిందే. టెర్ర‌రిస్టుల బ్యాక్‌డ్రాప్‌లో ఇద్ద‌రి ప్రేమికుల మ‌ధ్య జ‌రిగే ఈ ప్రేమ‌క‌థా చిత్రం ప్ర‌స్తుతం ముంబాయిలో ఆఖ‌రి షెడ్యూల్ షూటింగ్ జ‌రుపుకుంటుంది. టెర్ర‌రిస్టుల‌ను వెంటాడి ప‌ట్టుకునే దృశ్యాల్ని ముంబాయిలో జోగేశ్వ‌రిచ బాంద్రా, మాహిమ్‌, గేట్ వే ఆఫ్ ఇండియా ప్రాంతాల్లో చిత్రీక‌రిస్తారు. మూడు రోజుల పాటు జ‌రిగే ఈ చిత్రీక‌ర‌ణ‌తో సినిమా షూటింగ్ పూర్త‌వుతుంద‌ని చిత్ర ద‌ర్శ‌కుడు జి.ర‌వికుమార్‌(బాంబే ర‌వి) తెలిపారు. త‌మ సంస్థ‌లో వ‌స్తున్న మ్యూజికల్ ల‌వ్‌స్టోరీ రోజ్‌గార్డెన్‌. ఈ సినిమాలో ఏడు పాట‌లుంటాయి. అందులో ఒక పాట‌ను ప్ర‌ముఖ నిర్మాత ఎ.ఎం.ర‌త్నంగారు రాయ‌డం విశేషం. ద‌ర్శ‌కత్వంతో పాటు ఈ సినిమాకు జి.ర‌వికుమార్ సంగీత సార‌థ్యం కూడా వ‌హించారు. పాటలు, టేకింగ్ సినిమాకు పెద్ద హైటైల్‌గా నిలుస్తాయి. సినిమా చాలా బాగా వ‌స్తుంది అని చిత్ర స‌మ‌ర్ప‌కుడు చ‌ద‌ల‌వాడ తిరుప‌తిరావు తెలియ‌జేశారు.
నితిన్ నాష్ హీరోగా ప‌రిచ‌య‌మ‌వుతున్న ఈ చిత్రంలో ముంబాయికి చెందిన ఫ‌ర్నాజ్ శెట్టి హీరోయిన్‌గా న‌టిస్తుంది. పోసాని కృష్ణ‌ముర‌ళి, ధ‌న‌రాజ్‌, మ‌హేష్ మంజ్రేక‌ర్‌, త‌మిళ‌న‌టుడు త్యాగ‌రాజ‌న్‌, గౌతంరాజు, ర‌జిత, ముంబాయికి చెందిన మిలింద్ గునాజి, సునీల్ కుమార్‌, అశోక్‌కుమార్ బెనివాల్‌, గౌహ‌ర్‌ఖాన్‌తో పాటు ప్ర‌ముఖన‌టుడు, ద‌ర్శ‌క నిర్మాత త్యాగ‌రాజ‌న్ కీల‌క‌పాత్ర‌లో న‌టించారు. ఈ చిత్రానికి సినిమాటోగ్ర‌ఫీః కె.శంక‌ర్‌, ఫైట్స్ః టినువ‌ర్మ‌, నందు, క‌థ‌, స్క్రీన్‌ప్లే, సంగీతం, ద‌ర్శ‌క‌త్వంః జి.ర‌వికుమార్‌(బాంబే ర‌వి).

Stills

The post ముంబాయిలో ఆఖ‌రి షెడ్యూల్ చిత్రీక‌ర‌ణ‌లో `రోజ్‌గార్డెన్‌ appeared first on Cine Chitram.

చిత్రీక‌ర‌ణ ద‌శ‌లో `హెడ్ కానిస్టేబుల్ వెంక‌ట్రామ‌య్య‌`

CineChitram — Mon, 31 Oct 2016 16:31:08 +0000

ఆర్‌.నారాయ‌ణ‌మూర్తి మాట్లాడుతూ “చ‌ద‌ల‌వాడ శ్రీనివాస‌రావుగారి ద‌ర్శ‌క‌త్వంలో ప‌నిచేయ‌డం ఆనందంగా ఉంది. అస‌లు దేశంలో ప్ర‌జ‌ల స‌మ‌స్య‌ల‌కు కార‌ణ‌మైన న‌ల్ల‌ధ‌నానికి మూలమేంటి? ఓ సాధార‌ణ హెడ్ కానిస్టేబుట్ కుటుంబం, న‌ల్ల‌ధ‌నం వ‌ల్ల ఎలాంటి స‌మ‌స్య‌ల‌ను ఎదుర్కొంది, ఎలా విచ్చిన్న‌మైంది. దానికి ఆ హెడ్ కానిస్టేబుల్ ఏం చేశాడ‌నేదే ఈ సినిమా క‌థ‌. మాన‌వీయ విలువ‌లుపై ఆర్ధిక విలువ‌లు ఎలాంటి ఆధిప‌త్యాన్ని క‌న‌పరుస్తున్నాయి. రాజ‌కీయాల‌ను డ‌బ్బు శాసిస్తుంది. ఇలాంటి సంక్లిష్ట ప‌రిస్థితుల నుండి ప్ర‌జ‌లు ర‌క్షించేదెలా అనే సందేశంతో ఈ సినిమాను తెర‌కెక్కిస్తున్నాం“ అన్నారు.

చ‌ద‌ల‌వాడ శ్రీనివాస‌రావు మాట్లాడుతూ “ బ్లాక్ మ‌నీ వ‌ల్ల దేశ‌మెంతో వెనుక‌బ‌డిపోతుంది. బ్లాక్ మ‌నీ వ‌ల్ల ఎలాంటి స‌మ‌స్య‌లు ఏర్ప‌డ్డాయనే దాన్ని సినిమాలో చూపిస్తున్నాం. అలాగే బ్లాక్‌మ‌నీ స‌మ‌స్య‌ను రూపుమాపి ఓ హెడ్ కానిస్టేబుల్ స‌మాజాన్ని ముందుకు ఎలా న‌డిపాడ‌నేదే చూపిస్తున్నాం. 60 రోజుల పాటు సినిమా రెగ్యుల‌ర్ షూటింగ్ జ‌రుగుతుంది. డిసెంబ‌ర్ 15లోపు చిత్రీక‌ర‌ణ‌ను పూర్తి చేసి జ‌న‌వ‌రిలో సినిమాను తీసుకురావ‌డానికి ప్ర‌య‌త్నాలు చేస్తున్నాం“ అన్నారు.

చ‌ద‌ల‌వాడ తిరుప‌తిరావు మాట్లాడుతూ “మంచి మెసేజ్ ఉన్న సినిమా చేయ‌డం చాలా ఆనందంగా ఉంది. ఆర్‌.నారాయ‌ణ‌మూర్తి మా మ‌నిషి. మా సంస్థ‌లో జ‌య‌సుధ చాలా సినిమాలు చేసింది. ఈ మ‌ధ్య‌నే మేం `బిచ్చ‌గాడు` అనే సినిమా చేశాం. ఆసినిమా ఎంత పెద్ద స‌క్సెస్ అయ్యిందో అంద‌రికీ తెలిసిందే. ఆ స‌క్సెస్‌తో మా బాధ్య‌త మ‌రింత పెరిగింది“ అని చెప్పారు.

ఈ కార్య‌క్ర‌మంలో టి.ప్ర‌సన్న‌కుమార్‌, డి.ఎస్‌.రావు త‌దిత‌రులు పాల్గొన్నారు.

సునీల్ శ‌ర్మ‌, జ‌య‌ప్ర‌కాశ్ రెడ్డి, త‌నికెళ్ల భ‌ర‌ణి, చ‌ల‌ప‌తిరావు, వెన్నెల కిశోర్‌, వై.విజ‌య‌, స‌మీర్‌, విజ‌య భాస్క‌ర్‌, విజ‌య్‌, పార్వ‌తి త‌దిత‌రులు న‌టిస్తున్న ఈ సినిమాకు సంగీతం: వందేమాత‌రం శ్రీనివాస్‌, డైర‌క్ట‌ర్ ఆఫ్ ఫోటోగ్ర‌ఫీ: కె.సుధాక‌ర్ రెడ్డి, ఎడిట‌ర్‌: మోహ‌న రామారావు, నృత్యాలు: శివ‌సుబ్ర‌హ్మ‌ణ్యం, ఫైట్స్: స‌తీష్ మాస్ట‌ర్‌, స‌మ‌ర్ప‌ణ‌: చ‌ద‌ల‌వాడ తిరుప‌తిరావు, నిర్మాత‌: చ‌ద‌ల‌వాడ ప‌ద్మావ‌తి, క‌థ‌, స్క్రీన్‌ప్లే, మాట‌లు, ద‌ర్శ‌క‌త్వం: చ‌ద‌ల‌వాడ శ్రీనివాస‌రావు.

The post చిత్రీక‌ర‌ణ ద‌శ‌లో `హెడ్ కానిస్టేబుల్ వెంక‌ట్రామ‌య్య‌` appeared first on Cine Chitram.

మీడియా మొఘ‌ల్ రామోజీరావు చేతుల మీదుగా మొదలైన కానిస్టేబుల్ వె౦కట్రామయ్య

CineChitram — Wed, 19 Oct 2016 17:23:51 +0000

శ్రీ తిరుమ‌ల తిరుప‌తి వెంక‌టేశ్వ‌ర ఫిలిమ్స్ తెర‌కెక్కిస్తున్న చిత్రం `హెడ్ కానిస్టేబుల్ వెంక‌ట్రామ‌య్య‌`. ఆర్‌.నారాయ‌ణ‌మూర్తి, జ‌య‌సుధ కీల‌క పాత్ర‌ల్లో న‌టిస్తున్నారు. చ‌ద‌ల‌వాడ ప‌ద్మావ‌తి నిర్మాత‌. చ‌ద‌ల‌వాడ శ్రీనివాస‌రావు ద‌ర్శ‌క‌త్వం వ‌హిస్తున్నారు. ఈ చిత్రం ప్రారంభోత్స‌వం హైద‌రాబాద్‌లోని రామోజీ ఫిల్మ్ సిటీలో బుధ‌వారం ఉద‌యం జ‌రిగింది. మీడియా మొఘ‌ల్ రామోజీరావు ఈ కార్య‌క్ర‌మంలో పాల్గొని జ్యోతి ప్ర‌జ్వ‌ల‌న చేసి ముహూర్త‌పు స‌న్నివేశానికి క్లాప్‌నిచ్చారు. ఫిల్మ్ సిటీ ఎండీ రామ్మోహ‌న్‌రావు కెమెరా స్విచ్చాన్ చేశారు. ఎస్వీ కృష్ణారెడ్డి గౌర‌వ ద‌ర్శ‌క‌త్వం వ‌హించారు.

ఆర్‌.నారాయ‌ణ‌మూర్తి మాట్లాడుతూ “ఈ చిత్ర ద‌ర్శ‌కుడు చ‌ద‌ల‌వాడ శ్రీనివాస‌రావుకు సినిమాల పిచ్చి ఉండేది. వాళ్ల పెద్ద‌న్న‌కు అది న‌చ్చేది కాదు. కానీ చిన్న‌న్న ఆయ‌న్ని ప్రోత్స‌హించి సినిమా రంగంలో గొప్ప‌గా చూస్తున్నారు. ఆయ‌న‌తో ఈ సినిమా చేయ‌డం ఆనందంగా ఉంది. నేను ఇందులో హెడ్‌కానిస్టేబుల్‌గా న‌టిస్తున్నాను. నేను ఏ సినిమా చేసినా స‌రే పోలీసు త‌మ్ముళ్లు నా ద‌గ్గ‌ర‌కొచ్చి అన్నా మా వేషం వేయొచ్చుక‌దా… అని అడిగేవారు. త‌ప్ప‌కుండా చేస్తాన‌ని గ‌తంలో మాటిచ్చాను. ఈ సినిమాతో నా మాట నెర‌వేర్చుకునే అవ‌కాశం వ‌చ్చింది. క‌థ విన‌గానే ఈ వేషం వేయాల‌నిపించింది. చేస్తున్నాను. నాకు సావిత్రిగారంటే ఇష్టం. ఆ త‌ర్వాత జ‌య‌సుధ‌గారి న‌ట‌నంటే ఇష్టం. జ‌య‌సుధ‌గారితో చేయ‌డం ఆనందంగా ఉంది“ అని అన్నారు.

చ‌ద‌ల‌వాడ శ్రీనివాస‌రావు మాట్లాడుతూ “ సినిమా చాలా ప‌వ‌ర్‌ఫుల్ మీడియా. ఎప్పుడూ అడ్వాన్స్ గా ఆలోచిస్తుంది. అప్పుడెప్పుడో తీసిన `మాయాబ‌జార్‌`లో టీవీల‌ను చూపించారు. రామోజీరావుగారు తీసిన `మయూరి` ఎంత స్ఫూర్తి నింపిందో తెలిసిందే. ఈ మ‌ధ్య మేం తీసిన `బిచ్చగాడు` కూడా చాలా మంచి సినిమాగా ఆడింది. ఐదేళ్ల క్రితం రామోజీరావుగారు `అర్థ‌క్రాంతి` అనే మీటింగ్‌ను పెట్టారు. అందులో చ‌ర్చించిన అంశం న‌న్ను చాలా కాలం వెంటాడింది. బ్లాక్ మ‌నీ వ‌ల్ల ఎంత న‌ష్టం జ‌రుగుతోంది.., మ‌రీ ముఖ్యంగా మ‌ధ్య త‌ర‌గ‌తి వాళ్లు ఎలా దాని వ‌ల్ల న‌ష్ట‌పోతున్నారు వంటి అంశాల గురించి ఆలోచించాను. డ‌బ్బు ఒక‌చోట ఆగిపోవ‌డం వ‌ల్ల ఉద్యోగం ఉండ‌దు. ఫ్లోటింగ్ ఉండ‌దు. అందుకే ప్ర‌భుత్వం ఈ విష‌యంలో చ‌ర్య‌లు తీసుకోవాలి. ట్రాన్సాక్ష‌న్స్ అన్నీ బ్యాంకుల ద్వారా జ‌ర‌గాలి అనే కాన్సెప్ట్ తో అల్లుకున్నాం. నారాయ‌ణ‌మూర్తిగారికి క‌థ న‌చ్చి చేయ‌డానికి ఒప్పుకున్నారు. జ‌య‌సుధ‌గారు ఫోన్‌లో విని చేస్తాన‌న్నారు. ఈ రోజు నుంచి ఈ సినిమా మొద‌లైంది. కంటిన్యూయ‌స్‌గా ఒకే షెడ్యూల్లో తీస్తాం. జ‌న‌వ‌రిలో విడుద‌ల చేస్తాం. వందేమాత‌రం సంగీతంలో ఇప్ప‌టికే పాట‌ల‌ను రికార్డ్ చేశాం. ఏసుదాస్‌గారు, బాలుగారు, కీర‌వాణిగారు పాట‌ల‌ను పాడారు. చాలా బాగా వ‌చ్చాయి“ అని చెప్పారు.

జ‌య‌సుధ మాట్లాడుతూ “ఈ చిత్రం నాకు చాలా స్పెష‌ల్‌. నేను హీరోయిన్‌గా చేసేట‌ప్పుడు కొన్ని క‌థ‌లు, కాంబినేష‌న్లు విన‌గానే కొత్త‌గా అనిపించేది. ఈ సినిమా నాకు అలాగే అనిపిస్తోంది. నారాయ‌ణ‌మూర్తిగారు ఎప్ప‌టి నుంచో తెలుసు. అయితే ఆయ‌న ప‌క్క‌న చేయ‌డం ఇదే తొలిసారి. యాక్ట‌ర్‌గా ఆయ‌నంటే నాకు ఇష్టం. కెమెరా ముందు మేమిద్ద‌రం పోటాపోటీగా న‌టించాల‌నుకుంటున్నాం“ అని అన్నారు.

చ‌ద‌ల‌వాడ తిరుప‌తిరావు మాట్లాడుతూ “మాది తెనాలి. ఈ సినిమా చేయ‌డం చాలా ఆనందంగా ఉంది. ఆర్‌.నారాయ‌ణ‌మూర్తి మా మ‌నిషి. మా సంస్థ‌లో జ‌య‌సుధ చాలా సినిమాలు చేసింది. ఈ మ‌ధ్య‌నే మేం `బిచ్చ‌గాడు` అనే సినిమా చేశాం. ఈ సినిమా మార్కెటింగ్‌కి మ‌యూరి ఫిల్మ్స్ హెల్ప్ చేశారు. తాజా చిత్రాన్ని షోలే, ఖుర్బానీతో పోలుస్తున్నారు. మేం వ‌రుస‌గా 20 సినిమాల‌ను ఫిల్మ్ సిటీలో చేస్తాం“ అని చెప్పారు.

చ‌ల‌ప‌తిరావు మాట్లాడుతూ “ఈ ఏడాది వ‌రుస‌గా సినిమాలు చేస్తాన‌ని అంటున్నారు ఈ నిర్మాత‌లు. సొసైటీకి ఉప‌యోగ‌ప‌డేలా ఆ సినిమాలు ఉంటాయ‌ని భావిస్తున్నాను“ అని అన్నారు.

వై.విజ‌య మాట్లాడుతూ “టైటిల్ విన‌గానే సినిమా హిట్ అనిపించింది. ఈ పాత్ర‌ని మీరే చేయాల‌ని ఈ నిర్మాత చెప్పారు. అలాంటి నిర్మాత ఉండ‌టం చాలా అదృష్టం“ అని చెప్పారు.

ఈ కార్య‌క్ర‌మంలో జె.పి., విజ‌య భాస్క‌ర్‌, వెన్నెల కిశోర్‌, స‌మీర్, సునీల్ శ‌ర్మ‌ త‌దిత‌రులు పాల్గొన్నారు.

The post మీడియా మొఘ‌ల్ రామోజీరావు చేతుల మీదుగా మొదలైన కానిస్టేబుల్ వె౦కట్రామయ్య appeared first on Cine Chitram.

ఆర్‌.నారాయ‌ణ‌మూర్తి, జ‌య‌సుధ జంట‌గా అక్టోబ‌ర్ 19న ప్రారంభం కానున్న `హెడ్ కానిస్టేబుల్ వెంక‌ట్రామ‌య్య‌`

CineChitram — Sun, 16 Oct 2016 18:21:04 +0000

వినూత్న‌మైన క‌థాంశంతో తెర‌కెక్కి రూ25కోట్ల‌కు పైగా వ‌సూళ్ల‌ను సాధించిన `బిచ్చ‌గాడు` చిత్రాన్ని తెలుగు ప్రేక్ష‌కుల‌కు అందించిన సంస్థ శ్రీ తిరుమ‌ల తిరుప‌తి వెంక‌టేశ్వ‌ర ఫిలిమ్స్. ప్ర‌జ‌ల‌కు ప‌లు విష‌యాల‌పై అవ‌గాహ‌న క‌ల్పిస్తూ, వారిలో నిత్యం చైత‌న్యాన్ని నింపడానికి వెండితెర మార్గాన్ని ఎంపిక చేసుకున్న బ‌హుముఖ ప్ర‌జ్ఞాశాలి పీపుల్స్ స్టార్ ఆర్‌.నారాయ‌ణ‌మూర్తి. హీరోయిన్‌గా తెలుగు తెర‌కు ప‌రిచ‌య‌మై స్టార్ హీరోయిన్‌గా ఎదిగి, కేర‌క్ట‌ర్ ఆర్టిస్టుగా మారి స‌హ‌జ‌న‌టి అని తెలుగువారి చేత అభిమానంగా పిలిపించుకుంటున్న న‌టి జ‌య‌సుధ‌. ఇప్పుడు ఈ ముగ్గురూ… అంటే.. శ్రీ తిరుమ‌ల తిరుప‌త వెంక‌టేశ్వ‌ర ఫిలిమ్స్, పీపుల్స్ స్టార్ ఆర్‌.నారాయ‌ణ‌మూర్తి, స‌హ‌జ న‌ట‌డి జ‌య‌సుధ క‌లిసి ఓ సినిమాకు ప‌నిచేయ‌నున్నారు. పీపుల్స్ స్టార్ ఆర్‌.నారాయ‌ణ‌మూర్తి ఆ సినిమాకు ద‌ర్శ‌క‌త్వం వ‌హిస్తార‌నుకుంటే మాత్రం పొర‌పాటు ప‌డ్డ‌ట్టే. ఆయ‌న ఈ సినిమాలో క‌థానాయ‌కునిగా న‌టించ‌నున్నారు. హెడ్ కానిస్టేబుల్ వెంక‌ట్రామ‌య్య‌గా టైటిల్ పాత్ర‌ను ప్లే చేయ‌నున్నారు. ఆయ‌న స‌తీమ‌ణిగా స‌హ‌జ‌న‌టి జ‌య‌సుధ న‌టించ‌నున్నారు. త‌నివితీరా ఇంటిల్లిపాదీ క‌లిసి కూర్చుని చూసే కుటుంబ‌చిత్రాలు క‌రువైపోతున్న ఈ రోజుల్లో ఆర్‌.నారాయ‌ణ‌మూర్తిని, స‌హ‌జ‌న‌టి జ‌య‌సుధ‌ను మంచి క‌థ చెప్పి ఒప్పించి ద‌ర్శ‌క‌త్వం చేయ‌డానికి న‌డుం బిగించారు ఏస్ ప్రొడ్యూస‌ర్ చ‌ద‌ల‌వాడ శ్రీనివాస‌రావు. `ఒరేయ్..రిక్షా` చిత్రం త‌ర్వాత త‌న స్వంత నిర్మాణ సంస్థ‌లో కాకుండా, ఎంతో మంది ద‌ర్శ‌కులు, నిర్మాణ సంస్థ‌లు ఎంత మంచి ఆఫ‌ర్ ఇచ్చినా ఒప్పుకోకుండా, క‌థ న‌చ్చ‌డంతో పాటు చ‌ద‌ల‌వాడ శ్రీనివాస‌రావుపై అభిమానంతో శ్రీతిరుమ‌ల తిరుప‌తి వెంక‌టేశ్వ‌ర ఫిలింస్ బ్యాన‌ర్‌లో ఆర్‌.నారాయ‌ణ‌మూర్తి న‌టిస్తున్న చిత్ర‌మిదే కావ‌డం విశేషం.

చ‌ద‌ల‌వాడ తిరుప‌తిరావు స‌మ‌ర్ప‌ణ‌లో చ‌ద‌ల‌వాడ ప‌ద్మావ‌తి నిర్మాత‌గా రూపొంద‌నున్న `హెడ్ కానిస్టేబుల్ వెంక‌ట్రామ‌య్య‌` సినిమాకు క‌థ‌, మాట‌లు, స్క్రీన్ ప్లేను అందించి ద‌ర్శ‌క‌త్వ బాధ్య‌త‌ల‌ను కూడా చ‌ద‌ల‌వాడ శ్రీనివాస‌రావు నిర్వ‌హిస్తున్నారు. ఆర్‌.నారాయ‌ణ‌మూర్తి సినిమాలంటేనే సంగీతానికి ఎంతో ప్రాముఖ్య‌త ఉంటుంది. అలాంటిది ఆయ‌నే క‌థానాయ‌కునిగా న‌టిస్తున్న సినిమాకు పాట‌లు ఎంత‌టి కీల‌క‌పాత్ర‌ను పోషిస్తాయో వేరుగా చెప్ప‌క్క‌ర్లేదు. ఈ విష‌యాన్ని ముందే గ‌మ‌నించిన చ‌ద‌ల‌వాడ శ్రీనివాస‌రావు పాట‌ల విష‌యంలో జాగ్ర‌త్త‌లు తీసుకున్నారు. .ప్ర‌ముఖ సంగీత ద‌ర్శ‌కుడు వందేమాత‌రం శ్రీనివాస్ చేత సంగీతాన్ని చేయించుకోవ‌డానికి స‌న్న‌ద్ధుల‌య్యారు. ఇప్ప‌టికే సినీ జ‌నాల్లో క్రేజ్‌ను సంపాదించుకున్న‌ ఈ సినిమాకు సుద్దాల అశోక్ తేజ, గోరేటి వెంక‌న్న సాహిత్యాన్ని అందిస్తున్నారు. సుధాక‌ర్ రెడ్డి సినిమాటోగ్ర‌ఫీ అందిస్తున్నారు. ఈ సంద‌ర్భంగా..

ద‌ర్శ‌కులు చ‌ద‌ల‌వాడ శ్రీనివాస‌రావు మాట్లాడుతూ – “హెడ్ కానిస్టేబుల్ వెంక‌ట్రామ‌య్య‌ చిత్రం అక్టోబ‌ర్ 19న రామోజీ ఫిలింసిటీలో అతిర‌థ‌మ‌హార‌థుల స‌మ‌క్షంలో వైభ‌వంగా ప్రారంభం కానుంది. 60 రోజుల పాటు రామోజీ ఫిలింసిటీ, హైద‌రాబాద్ ప‌రిస‌ర ప్రాంతాల్లో చిత్రీక‌ర‌ణ జ‌ర‌గ‌నుంది. నీతి, నిజాయితీ గ‌ల ఓ పోలీస్ అధికారి నిజ జీవితంలో, వృత్తిప‌రంగా ఎలాంటి స‌మ‌స్య‌ల‌ను ఎదుర్కొన్నాడు? వాటిని అదిగ‌మించి విజ‌య‌మెలా సాధించాడ‌నేదే క‌థాంశం. డిఫ‌రెంట్ కాంబినేష‌న్‌లో వ‌స్తున్న సినిమా ఇది. సినిమాలంటే ఆస‌క్తితో చిత్ర నిర్మాణ రంగంలో అడుగు పెట్టిన నాకు, కుటుంబ‌విలువ‌ల‌తో సాగే ఈ సినిమాకు ద‌ర్శ‌క‌త్వం చేయాల‌నిపించింది. కుటుంబ ప్రేక్ష‌కుల‌ను ఆక‌ట్టుకునే భావోద్వేగాల‌తో పాటు అన్ని ర‌కాల వాణిజ్య విలువ‌ల‌ను జోడించి తెర‌కెక్కిస్తాం. త‌ప్ప‌కుండా మా `హెడ్‌కానిస్టేబుల్ వెంక‌ట్రామ‌య్య‌` అంద‌రికీ న‌చ్చే సినిమా అవుతుంద‌ని మాత్రం ధీమాను వ్య‌క్తం చేస్తున్నాను“ అని అన్నారు.

chadala-wada-srinivasarao

jayasudha

rarayanamurthy

The post ఆర్‌.నారాయ‌ణ‌మూర్తి, జ‌య‌సుధ జంట‌గా అక్టోబ‌ర్ 19న ప్రారంభం కానున్న `హెడ్ కానిస్టేబుల్ వెంక‌ట్రామ‌య్య‌` appeared first on Cine Chitram.