సౌభాగ్య చిత్ర , ఎస్.సి.టి సంయుక్తంగా నిర్మిస్తున్న చిత్రం – “శ్రీ స‌త్య‌సాయి బాబా “. ` అమ్మోరు `, ` అరుంధ‌తి` , `దేవుళ్లు ` , వంటి విజువ‌ల్ వండ‌ర్స్ ని  అందించిన కోడి రామ‌కృష్ణ ఈ చిత్రానికి ద‌ర్మ‌క‌త్వం వ‌హిస్తున్నారు. క‌రాటం రాంబాబు నిర్మాత . పుట్ట‌ప‌ర్తి స‌త్య‌సాయి బాబా పై తెర‌కెక్కిస్తున్న ఈ చిత్రానికి మ్యూజిక్ మ్యాస్ట్రో ఇళ‌య‌రాజా స్వ‌రాల్ని అందిస్తున్నారు. జొన్న‌విత్తుల సింగిల్ కార్డులో 14 పాట‌ల‌కు సాహిత్యం అందిచ‌డం విశేషం . ప్ర‌ధాన పాత్ర‌ధారుల‌పై కీల‌క స‌న్నివేశాలు తెర‌కెక్కిస్తున్నారు. ఎదైతే  పుట్ట‌ప‌ర్తిలో జ‌రిగిన సంఘ‌ట‌నల్ని య‌థాత‌థంగా ఈ సినిమాని తీస్తున్నాం. ప్ర‌స్తుతం హైద‌రాబాద్ లో ని రామానాయుడు స్టూడియోస్ లో వేసిన “ప్ర‌శాంతి నిల‌యం “భారీ సెట్ లో నెల రోజుల షూటింగ్ జ‌రుగుతోంది. మార్చి 10 వ‌ర‌కు ఈ షెడ్యూల్ జ‌రుగుతుంది. ఈ సినిమా “ స‌త్య‌సాయి బాబా “ జీవిత చ‌రిత్రని చూపించే అపురూప‌మైన  చిత్రం ఇది. ప్ర‌పంచంలోనే ఎక్క‌డ లేని విధంగా స‌త్య‌సాయి గారు చేప‌ట్టిన క్యాష్ లెస్ ప్రీ హార్ట్ స‌ర్జ‌రీ , అన్ని ఫ్రీ గా ఇచ్చేట్టు పుట్ట‌ప‌ర్తిలో ఏర్పాటు చేసిన విష‌యం తెలిసిందే . ఇప్ప‌టికి కూడా ఇది అమలు జ‌రుగుతూనే ఉన్నాయి. ఇలాంటి ఎన్నో అద్భుత‌మైన విష‌యాల గురించి తెలియ చెప్పే దే ఈ చిత్రం.

 

స‌త్య‌సాయిగా మ‌ల‌యాళ న‌టుడు శ్రీజిత్ విజ‌య్ నటిస్తున్నారు. స‌త్య‌సాయికి మాతృమూర్తిగా జ‌య‌ప్ర‌ద , తండ్రి పాత్ర‌లో శ‌ర‌త్ బాబు న‌టిస్తున్నారు.  ఉల‌గ‌నాయ‌గ‌న్ క‌మ‌ల్ హాస‌న్ కి మేక‌ప్ మేన్ గా ప‌నిచేసిన ర‌మేష్ మెహంతి ఈ చిత్రానికి ప‌ని చేస్తున్నారు. ఇప్పిటికే పాట‌ల రికార్డింగ్ పూర్త‌యింది. మంగళంప‌ల్లి బాల ముర‌ళి కృష్ణ త‌న చివ‌రి సినిమా సాంగ్ కూడా ఈ సినిమానే కావ‌డం విశేషం. ఈ సినిమా పాటల్లో ఆయ‌న పాట హైలెట్ గా నిలుస్తుంది. ఇప్ప‌టికే  ఈ సినిమాకి ఎస్.పి . బాల‌సుబ్ర‌మ‌ణ్యం , వందేమాతరం శ్రీనివాస్ , చిత్ర ,హ‌రిచ‌ర‌ణ్ , విజ‌య్ ప్రకాష్ , క‌వితా కృష్ణ‌మూర్తి , కైలాస్ కేర్ , సుఖ్వింద‌ర్ సింగ్ , మ‌ల్లాడి బ్ర‌ద‌ర్స్ , ఆండ్రియా , టిప్పు , త‌దిత‌రులు గానాల‌పన చేశారు. ప్ర‌ఖ్యాత ఛాయ‌గ్రాహ‌కుడు వాసు ఈ చిత్రానికి ఛాయాగ్ర‌హ‌ణం అందిస్తున్నారు. 

Stills

The post ⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠⁠ప్ర‌శాంతి నిల‌యంలో షూటింగ్ జ‌రుపుకొంటున్న “ శ్రీ స‌త్య‌సాయి బాబా “ appeared first on Cine Chitram.

సౌభాగ్య చిత్ర ప‌తాకంపై తెర‌కెక్కుతున్న చిత్రం `శ్రీ స‌త్య‌సాయి బాబా`. `అమ్మోరు`, `అరుంధ‌తి`, `దేవుళ్లు` వంటి విజువ‌ల్ వండ‌ర్స్‌ని అందించిన కోడి రామ‌కృష్ణ ఈ చిత్రానికి ద‌ర్శ‌క‌త్వం వ‌హిస్తున్నారు. `దేవుళ్లు` నిర్మాత‌ క‌రాటం రాంబాబు నిర్మిస్తున్నారు. పుట్ట‌ప‌ర్తి స‌త్య‌సాయి బాబాపై తెర‌కెక్కిస్తున్న సేవా ధృక్ప‌థ‌ భ‌క్తి చిత్ర‌మిది. మ్యాస్ట్రో ఇళ‌య‌రాజా స్వ‌రాల్ని అందిస్తున్నారు. జొన్న‌విత్తుల రామ‌లింగేశ్వ‌ర‌రావు సింగిల్ కార్డ్‌లో 14 పాట‌లకు సాహిత్యం అందించ‌డం విశేషం. ఇటీవ‌లే మొద‌టి షెడ్యూల్ పూర్త‌యింది. అక్టోబ‌ర్ 14 నుంచి 2వ షెడ్యూల్ చిత్రీక‌ర‌ణ అల్లూమినియం ఫ్యాక్ట‌రీ, సార‌థి స్టూడియోస్‌లో వేసిన భారీ సెట్స్‌లో తెర‌కెక్కించారు. తాజా షెడ్యూల్ పూర్త‌యింది. ఈ షెడ్యూల్లో ప్ర‌ధాన పాత్ర‌ధారుల‌పై కీల‌క స‌న్నివేశాలు తెర‌కెక్కించారు. 

స‌త్య‌సాయిగా మ‌ల‌యాళ న‌టుడు శ్రీ‌జిత్ విజ‌య్ న‌టిస్తున్నారు. స‌త్య‌సాయికి మాతృమూర్తి గా జ‌య‌ప్ర‌ద‌, తండ్రి పాత్ర‌లో శ‌ర‌త్‌బాబు న‌టిస్తున్నారు. ఉల‌గ‌నాయ‌గ‌న్ క‌మ‌ల్‌హాస‌న్‌కి మేక‌ప్‌మేన్‌గా ప‌నిచేసిన ర‌మేష్ మెహంతి ఈ చిత్రానికి ప‌ని చేస్తున్నారు. ఇటీవ‌లే పాట‌ల రికార్డింగ్ పూర్త‌యింది. ఎస్‌.పి.బాల‌సుబ్ర‌మ‌ణ్యం, వందేమాత‌రం శ్రీ‌నివాస్‌, హ‌రిహ‌ర‌న్‌, బాల ముర‌ళి కృష్ణ‌, చిత్ర‌, హ‌రిచ‌ర‌ణ్‌, విజ‌య్ ప్ర‌కాష్‌, క‌వితా కృష్ణ‌మూర్తి, కైలాస్ గురి, సుఖ్వింద‌ర్ సింగ్, మ‌ల్లాడి బ్ర‌ద‌ర్స్‌, ఆండ్రియా, టిప్పు త‌దిత‌రులు గానాలాప‌న చేశారు. ప్ర‌ఖ్యాత ఛాయాగ్రాహ‌కుడు బి.వాసు ఈ చిత్రానికి ఛాయాగ్ర‌హ‌ణం అందిస్తున్నారు.

The post ​`శ్రీ స‌త్య‌సాయి బాబా` 2వ షెడ్యూల్ పూర్తి appeared first on Cine Chitram.

సాధారణంగా దర్శకులు ఒకే జోనర్‌కు పరిమితమవుతారు. కానీ ప్రతి జోనర్ నుండి అరడజనుకుపైగా హిట్స్ ఇచ్చిన ఏకైక తెలుగు దర్శకుడు కోడి రామకృష్ణ. అలాంటి దర్శకులు దేశంలో లేరు. కుటుంబ కథాంశాలతో ఇంట్లో రామయ్య వీధిలో కృష్ణయ్య, దేశభక్తి నేపథ్యంలో అంకుశం, భారత్‌బంద్, భక్తి ప్రధాన  కథాంశంతో అమ్మోరు, అరుంధతి…ఇలా ప్రతి జోనర్ నుండి  హిట్స్ ఇచ్చిన సమర్థత, ప్రతిభ కోడిరామకృష్ణ సొంతం అని అన్నారు ప్రముఖ దర్శకుడు ఎన్.శంకర్. కోడి రామకృష్ణ దర్శకత్వం వహించిన తాజా చిత్రం నాగభరణం. రమ్య, దిగంత్, సాయికుమార్ ప్రధాన పాత్రల్లో  నటించారు. సాజిద్ ఖురేషి, ధావల్ గడ, సొహైల్ అన్సారీ నిర్మించారు. సురక్ష్ ఎంటర్‌టైన్‌మెంట్ మీడియా ద్వారా తెలంగాణ, ఆంధ్రప్రదేశ్ రాష్ర్టాల్లో మల్కాపురం శివకుమార్ ఈ సినిమాను విడుదలచేస్తున్నారు. గురుకిరణ్ స్వరాలను సమకూర్చిన ఈ  చిత్ర గీతాలు గురువారం హైదరాబాద్‌లో విడుదలయ్యాయి. బిగ్‌సీడీని తెలంగాణ శాసనమండలి సభ్యుడు కర్నె ప్రభాకర్ విడుదలచేశారు. ఆడియో సీడీలను దర్శకుడు ఎన్.శంకర్ ఆవిష్కరించారు. తొలి ప్రతిని సాయికుమార్ స్వీకరించడంతో పాటు ప్రచార చిత్రాన్ని విడుదలచేశారు. ఈ సందర్భంగా కోడిరామకృష్ణ మాట్లాడుతూ సినిమా తీయడానికి సృజనాత్మకత ఒక్కటే  సరిపోదు. మంచి కథ, తపన కలిగిన నిర్మాత అవసరం. పాము నేపథ్యంలో ఓ కథ వినిపించడానికి నిర్మాత జయంతిలాల్ గడ ఆఫీస్‌కు వెళ్లాను. ఆ సమయంలో అక్కడ ఉన్న సాజిద్ ఖురేషి ఎంత కష్టపడైనా ఈ సినిమాను తానే నిర్మిస్తానని అన్నారు. నిర్మాతగా తన సినిమా గురించి అందరూ గొప్పగా చెప్పుకోవాలన్నారు. తపన, ఓపిక,  ఎన్నో వ్యయప్రయాసాలకోర్చి ఈ సినిమా చేశారు. కన్నడ నటుడు విష్ణువర్ధన్‌తో  ఓ సినిమా చేయాలని కోరిక  ఉండేది. ఆయనతో నాకు మంచి సాన్నిహిత్యముంది. గతంలో ఆయనకు ఓ కథ వినిపించాను. కథ నచ్చడంతో సినిమా చేస్తానని మాటిచ్చారు.   బ్యాంకాక్ వెళ్లి కథను డెవలప్ చేసుకునే వచ్చేసరికి విష్ణువర్ధన్ మరణించారు. ఈ సినిమాలో పతాకఘట్టాల్లో విష్ణువర్ధన్‌ను గ్రాఫిక్స్ రూపంలో చూపించాలనే ఆలోచన నిర్మాత సాజిద్ ఖురేషిది. విష్ణువర్ధన్‌ను తెరపై చూసి ఆయన భార్య భారతి కన్నీరు పెట్టుకున్నారు. తన చివరి సినిమాలో నేను మళ్లీ నటుడిగానే పుడతా అని విష్ణువర్ధన్ చెప్పారు. దానికి ఈ చిత్రం  ఫస్ట్ ట్రైలర్ అని  నిరూపించింది. ఆంధ్రా, తెలంగాణ రెండు రాష్ర్టాలకు సరిపోయే బలం మా సినిమాలో ఉంది. ప్రేక్షకులు తమ కష్టాలను కన్నీళ్లను మర్చిపోయి ఎంజాయ్ చేస్తూ సినిమా చూడాలి. ప్రేక్షకులకు ఆ సంతోషాన్ని అందించాలనే తపనతో ప్రతి సినిమా చేస్తాను. ఈ ట్రైలర్ చూసి ఓ పెద్ద నటుడు, నిర్మాత ఫోన్ చేసి విష్ణువర్ధన్ తరహాలో   మా నాన్నను  తెరపై చూసుకోవాలనుందని అభినందించారు. శివకుమార్ లాంటి ప్రొడ్యూసర్ ఉంటే పరిశ్రమ ఎప్పుడూ బాగుంటుంది అన్నారు. ఈ మధ్యకాలంలో పాము కథాంశంతో సినిమాలు రాలేదు. మంచి సినిమాను  ప్రేక్షకులకు అందించాలనే తపనతో ఈ సినిమాను తెలంగాణ, ఆంధ్రప్రదేశ్ రాష్ర్టాల్లో సురక్ష్ ఎంటర్‌టైన్‌మెంట్ మీడియా ద్వారా విడుదల చేస్తున్నాను. టీజర్‌కు అద్భుతమైన స్పందన లభిస్తోంది. అక్టోబర్ 14న ప్రపంచవ్యాప్తంగా ప్రేక్షకుల ముందుకు తీసుకురానున్నాం. ఎగ్జిబిటర్స్ నుండి చక్కటి స్పందన లభిస్తుంది.  బిజినెస్ దాదాపు పూర్తయింది. ఈ సినిమాకు తొలి హీరో కోడిరామకృష్ణ అయితే రెండో హీరో మకుట సంస్థ. వారి అందించిన గ్రాఫిక్స్ ప్రధాన ఆకర్షణగా నిలుస్తాయి అని మల్కాపురం శివకుమార్ పేర్కొన్నారు. ఎమ్మెల్సీ కర్నె ప్రభాకర్ మాట్లాడుతూ శివకుమార్ నాకు ఆత్మీయుడు, ప్రాణస్నేహితుడు. సినిమా రంగంలో నాకు శంకర్, శివకుమార్ తప్ప ఎవరూ తెలియదు. 1988లో మొదటిసారి కోడి రామకృష్ణను సికింద్రాబాద్ ప్రాంతాల్లో ఓ సినిమా చిత్రీకరిస్తున్న సమయంలో చూశాను. గ్రామీణ నేపథ్యంలో అమ్మోరు సినిమాను అద్భుతంగా  రూపొందించారాయన. శివకుమార్‌కు ఈ సినిమాతో పెద్ద విజయం దక్కాలని,  అతడు పెట్టిన డబ్బులు తిరిగిరావాలని కోరుకుంటున్నాను అని తెలిపారు. ఈ కార్యక్రమంలో సాయికుమార్, తమ్మలపల్లి రామసత్యనారాయణ, మకుట ప్రతినిధిలు పీటర్, దొరబాబు, ఓవర్సీస్ డిస్ట్రిబ్యూటర్ మురళి, సుదర్శన్, సురేష్ కొండేటి, గిరిధర్ మామిడిపల్లి, బీఏ రాజు తదితరులు పాల్గొన్నారు. రమేష్‌భట్, సాధుకోకిల, ముకుల్‌దేవ్ ప్రధాన పాత్రల్లో  నటించిన ఈ చిత్రానికి సినిమాటోగ్రఫీ: హెచ్.సి.వేణు, సంగీతం: గురుకిరణ్, అర్ట్: వై  నాగరాజు, పాటలు: శ్రీరామ్ తపస్వి, ఫైట్స్: రవి వర్మ, థ్రిల్లర్ మంజు, ఎడిటింగ్: జోని హర్ష, వి. సురేష్ కుమార్, కొరియోగ్రఫీ: గణేష్ ఆచార్య, చిన్ని ప్రకాష్, ఇమ్రాన్  సర్ధారియా, కలై, నిర్మాతలు: సాజిద్ ఖురేషి, ధవల్ గడ, సొహైల్ అన్సారీ, దర్శకత్వం: కోడి  రామకృష్ణ. 

 

The post నాగభరణం గీతావిష్కరణ appeared first on Cine Chitram.