Cine Chitram Telugu Cinema World
పాన్ ఇండియా స్టార్ ప్రభాస్ ప్రస్తుతం వరుసగా సినిమాలు చేస్తూ క్షణం తీరిక లేకుండా గడుపుతున్నాడు. ఇప్పటికే ఆయన నటిస్తున్న ‘ది రాజా సాబ్’ చిత్ర షూటింగ్ మెజారిటీ శాతం పూర్తి చేసేసుకుంది. ఇక ప్రభాస్ నటిస్తున్న మరో సినిమాను దర్శకుడు హను రాఘవపూడి దర్శకత్వం వహిస్తున్నాడు. ఈ సినిమాకు ‘ఫౌజీ’ అనే టైటిల్ ఫిక్స్ చేయబోతున్నట్లు తెలుస్తోంది.
అయితే, ఈ సినిమాలో ప్రభాస్ పాత్రకు సంబంధించి తాజాగా ఓ ఇంట్రెస్టింగ్ వార్త సోషల్ మీడియాలో షికారు చేస్తోంది. ఈ సినిమాలో ప్రభాస్ ఓ సైనికుడి పాత్రలో నటిస్తున్నట్లు ఇప్పటికే వార్తలు వినపడుతున్నాయి. అయితే, దీంతో పాటు ఆయన ఈ సినిమాలో బ్రాహ్మణ కుటుంబానికి చెందిన వ్యక్తిగా కనిపించనున్నాడట.
‘ఫౌజీ’ చిత్ర షూటింగ్‌కు సంబంధించిన నెక్స్ట్ షెడ్యూల్ మధురై సమీపంలోని కారైకుడి ప్రాంతంలో జరగబోతుంది. ఇక్కడ దేవీపురం అగ్రహారం నేపథ్యంలో బ్రాహ్మణ కుటుంబానికి సంబంధించిన సీన్స్‌ను షూట్ చేస్తున్నట్లు తెలుస్తుంది. ఈ షెడ్యూల్ 20 రోజుల పాటు సాగుతుందని తెలుస్తుంది. ఇక ఈ సినిమాలో ఇమాన్వీ హీరోయిన్‌గా పరిచయం కానున్న సంగతి తెలిసిందే.
The post ఏంటి అలా కనిపించబోతున్నాడా! first appeared on Andhrawatch.com.
