Cine Chitram Telugu Cinema World
టాలీవుడ్ హీరో విష్ణు మంచు నటించిన తాజా చిత్రం కన్నప్ప థియేటర్లలో సందడి చేస్తోంది. భారీ అంచనాల నడుమ విడుదలైన ఈ సినిమా బాక్సాఫీస్ వద్ద మంచి స్పందన తెచ్చుకుంది. బాలీవుడ్కు చెందిన దర్శకుడు ముఖేష్ కుమార్ సింగ్ దర్శకత్వంలో తెరకెక్కిన ఈ చిత్రాన్ని డా. ఎం. మోహన్ బాబు భారీ బడ్జెట్తో నిర్మించారు. కథ, నటీనటుల ప్రదర్శన, విజువల్స్ అన్నీ ప్రేక్షకుల మనసు దోచినట్టు కనిపిస్తోంది.
ఇలా ప్రేక్షకుల మద్దతు అందుకుంటూ ముందుకు సాగుతున్న ఈ సినిమాకు ఇప్పుడు మరో సమస్య ఎదురైంది. సినిమా రిలీజ్ అయిన కొద్ది రోజుల్లోనే పైరసీ బారిన పడింది. ఈ విషయాన్ని హీరో విష్ణు స్వయంగా బయటపెట్టాడు. ఇప్పటికే లక్షలాది మంది పైరసీ వెబ్సైట్ల ద్వారా ఈ సినిమాను చూస్తున్నారన్న వార్తల నేపథ్యంలో, వారిపై చర్యలు తీసుకోవడంలో యూనిట్ బిజీగా ఉంది. ఇప్పటివరకు దాదాపు 30 వేలకు పైగా లింక్లను తొలగించామని కానీ పైరసీ ఇంకా ఆగడం లేదని విష్ణు వెల్లడించాడు.
పైరసీ అనేది చట్టవిరుద్ధమే కాకుండా మానవతా విలువలకు కూడా వ్యతిరేకమని ఆయన అభిప్రాయపడ్డాడు. సినిమాలో పనిచేసినవారికి న్యాయం జరగాలంటే, దాన్ని థియేటర్లో చూసి ప్రోత్సహించాలేనని చెప్పాడు. పిల్లలకు మంచి విలువలు నేర్పాలి కానీ, పైరసీలా దొంగతనాన్ని తక్కువగా చూడొద్దని తెలిపాడు.
ఈ సినిమాలో మోహన్ బాబు, మోహన్లాల్, శరత్ కుమార్, ప్రభాస్, అక్షయ్ కుమార్, బ్రహ్మానందం, కాజల్ అగర్వాల్, ప్రియా ముకుందన్ తదితరులు కీలక పాత్రల్లో కనిపించనున్నారు. భారీ తారాగణంతో తెరకెక్కిన ఈ చిత్రానికి పాన్ ఇండియా స్థాయిలో మంచి రెస్పాన్స్ వస్తోంది. పైరసీ వంటి సమస్యలు ఉన్నప్పటికీ, ప్రేక్షకుల ఆదరణతో సినిమా విజయవంతంగా దూసుకెళుతోంది.
