Cine Chitram Telugu Cinema World
మెగాస్టార్ చిరంజీవి తాజా సినిమా ‘విశ్వంభర’ టాలీవుడ్ ప్రేక్షకుల్లో భారీ అంచనాలు క్రియేట్ చేస్తోంది. ఈ సినిమాను దర్శకుడు వశిష్ఠ డైరెక్ట్ చేస్తుండగా పూర్తి సోషియో ఫాంటసీ మూవీగా ఇది ప్రేక్షకులను అలరించేందుకు రెడీ అవుతుంది. ఇక ఇప్పటికే ఈ సినిమా నుంచి టీజర్‌ను విడుదల చేశారు మూవీ మేకర్స్. దీంతో ఈ సినిమాను ఎప్పుడెప్పుడు విడుదల చేస్తారా అని అందరూ ఎంతో ఆసక్తిగా చూస్తున్నారు.
అయితే, ఈ సినిమాను ముందు సంక్రాంతి 2025 కానుకగా విడుదల చేయాలని చిత్ర యూనిట్ ప్లాన్ చేసింది. కానీ, ‘గేమ్ ఛేంజర్’ విడుదల కోసం ఈ మూవీ విడుదల తేదీని వాయిదా వేశారు. ఇక ఇప్పుడు సమ్మర్ బరిలో ఈ సినిమాను తీసుకొచ్చేందుకు మేకర్స్ ప్రయత్నిస్తున్నారని తెలుస్తుంది. ఈ సినిమాకు సంబంధించిన మేజర్ షూటింగ్ పార్ట్ పూర్తి కావడంతో వారు ఈ చిత్ర డిజిటల్ రైట్స్ డీల్‌ను కూడా క్లోజ్ చేసే పనిలో ఉన్నారని తెలుస్తుంది.
ఇప్పటికే ఈ సినిమాకు భారీ బడ్జెట్ అవుతుండటంతో ఈ చిత్ర డిజిటల్ రైట్స్‌ను భారీ రేటుకు అమ్మాలని మేకర్స్ అనుకుంటున్నారంట. ఈ మూవీకి సంబంధించిన డిజిటల్ రైట్స్ కోసం అమెజాన్ ప్రైమ్ వీడియో, నెట్‌ఫ్లిక్స్ వంటి సంస్థలు ముందుకు వచ్చాయి. ఇప్పుడు జీ స్టూడియోస్ కూడా విశ్వంభర చిత్ర యూనిట్‌తో చర్చలు జరుపుతోందట. ఒక్కసారి యూవీ క్రియేషన్స్ ఈ డీల్‌ను క్లోజ్ చేయగానే ‘విశ్వంభర’ విడుదల తేదీని ప్రకటించడం ఖాయమని మేకర్స్ అంటున్నారు.
The post అదొక్కటే బ్యాలెన్స్‌! first appeared on Andhrawatch.com.
