Cine Chitram Telugu Cinema World
‘మెగా పవర్ స్టార్ రామ్ చరణ్’ హీరోగా దర్శకుడు బుచ్చిబాబు సానా డైరెక్షన్‌లో రాబోతున్న ‘ఆర్ సి 16’ సినిమా షూటింగ్ శరవేగంగా నడుస్తుంది. అయితే, ఈ సినిమాలో బాలీవుడ్ స్టార్ హీరో రణ్ బీర్ కపూర్ ఒక చిన్న క్యారెక్టర్ ని చేస్తున్నట్టుగా రూమర్స్ వినపడ్డాయి. పైగా ఇప్పటికే రణ్‌బీర్‌కు దర్శకుడు కథ కూడా వినిపించాడని.. రణ్ బీర్ కూడా ‘ఆర్ సి 16’కి ఓకే చెప్పారని ఆ రూమర్స్ విషయం. కానీ, తాజా సమాచారం ప్రకారం.. ఈ వార్తల్లో ఎలాంటి వాస్తవం లేదని తెలుస్తోంది.
రణ్ బీర్ కపూర్ ఈ సినిమాలో ఎలాంటి క్యారెక్టర్ చేయడం లేదని సమాచారం. కాకపోతే, సినిమాలో కథకి అనుగుణంగా ఓ ఐదు నిమిషాల పాటు ఉండే ఓ స్పెషల్ పాత్ర ఒకటి ఉందట. ఆ పాత్ర కోసం ఓ బాలీవుడ్ స్టార్ ను ఒప్పించే పనిలో ఉంది టీమ్. కానీ, ఇంకా ఏ హీరోని టీమ్ అప్రోచ్ అవ్వలేదని సమాచారం.
కాగా ఈ సినిమాలో రామ్ చరణ్ సరసన హీరోయిన్ గా జాన్వీకపూర్‌ నటిస్తున్న సంగతి తెలిసిందే. యానిమల్ మూవీతో విలన్ గా ఫామ్ లోకి వచ్చిన బాబీ డియోల్ కూడా ఈ సినిమాలో నటించే ఛాన్స్ ఉందని ఇప్పటికే వార్తలు వచ్చాయి.
The post అవి రూమార్సే! first appeared on Andhrawatch.com.
