Cine Chitram Telugu Cinema World
తెలుగు ప్రేక్షకులు ఎంతో ఆసక్తిగా ఎదురుచూస్తున్న మూవీ ‘తండేల్’ వరల్డ్వైడ్ విడుదలకు సిద్దమయ్యింది. ఈ సినిమాను ఫిబ్రవరి 7న గ్రాండ్ విడుదలకు ప్లాన్ చేశారు. ఇక ఈ సినిమాతో అక్కినేని నాగచైతన్య, అందాల భామ సాయి పల్లవి మరోసారి బాక్సాఫీస్ను షేక్ చేయడం ఖాయమని చిత్ర యూనిట్ చాలా ధీమాగా ఉంది.
విడుదల తేదీ దగ్గరపడటంతో ఈ మూవీ ప్రమోషన్స్ను వేగవంతం చేసింది చిత్ర బృందం.ఈ క్రమంలోనే ఈ చిత్రానికి సంబంధించిన థియేట్రికల్ ట్రైలర్ను మేకర్స్ తాజాగా రిలీజ్ చేశారు. ‘తండేల్’ అనే ఇంట్రెస్టింగ్ టైటిల్తోనే సినిమాపై బజ్ క్రియేట్ చేసిన చిత్ర యూనిట్, ఇప్పుడు ఈ ట్రైలర్తో అంచనాలను రెట్టింపు చేశారు.
నాగచైతన్య, సాయి పల్లవి పాత్రల మధ్య లవ్ స్టోరీ కొన్ని సంవత్సరాల పాటు గుర్తుండిపోయేలా ‘తండేల్’ చిత్రంలో చూపెట్టనున్నట్లు ఈ ట్రైలర్ చూస్తే అర్థమవుతుంది. పీరియాడిక్ మూవీ గా రానున్న ఈ మూవీలో భారత్-పాకిస్థాన్ వైరానికి సంబంధించి కూడా కొన్ని సన్నివేశాలు కూడా మనకు ఈ ట్రైలర్లో చూపెట్టారు. డైలాగులు కూడా చాలా పవర్ఫుల్గా ఉండటంతో అభిమానులకు ఈ ట్రైలర్ బాగా కనెక్ట్ అవుతున్నట్లు తెలుస్తుంది.
అంతేగాక, యాక్షన్కు ఎలాంటి కొదువలేకుండా దర్శకుడు చందు మొండేటి తీసుకున్న జాగ్రత్తలు మాస్ ప్రేక్షకులను మెప్పించే విధంగా ఉండబోతున్నట్లు ట్రైలర్ చెప్పేసింది.
The post ఇక రాజులమ్మ జాతరే! first appeared on Andhrawatch.com.
