Cine Chitram Telugu Cinema World
గాడ్ ఆఫ్ మాసెస్ నందమూరి బాలకృష్ణ నటిస్తున్న తాజా సినిమా ‘డాకు మహారాజ్’ సంక్రాంతి కానుకగా విడుదల కాబోతుంది. ఈ సినిమాను దర్శకుడు బాబీ డైరెక్ట్ చేయగా పూర్తి యాక్షన్ ఎంటర్‌టైనర్ గా ఈ సినిమా బాక్సాఫీస్ దగ్గర తన సత్తా చూపేందుకు రెడీ అవుతుంది. ఇక ఈ సినిమాలో బాలయ్య పాత్ర, ఈ సినిమాలోని యాక్షన్ గురించి దర్శకుడు బాబీ తాజాగా ఓ ఇంటర్వ్యూలో పలు ఆసక్తికర విషయాలను పంచుకున్నాడు.
‘డాకు మహారాజ్’ సినిమాలో బాలయ్య పాత్ర చాలా పవర్‌ఫుల్‌గా ఉంటుందని.. సైలెంట్‌గా ఉన్నట్లు కనిపించే బాలయ్య, పరిస్థితులను బట్టి విధ్వంసకరంగా ఛేంజ్‌ అవుతాడని. ఆయన చేసే యాక్షన్ వేరే లెవెల్‌లో ఉంటుందని.. అభిమానులు ఊహించిన దానికంటే ఎక్కువ విధ్వంసం ఈ సినిమాలో ఉంటుందని ఆయన చెప్పుకొచ్చాడు. హాలీవుడ్‌లో ‘జాన్ విక్’ మూవీ తరహాలో ఈ సినిమాలో బాలయ్య యాక్షన్ కనిపిస్తుందని బాబీ ఈ సినిమాపై అంచనాలను ఒక్కసారిగా పెంచేశాడు.
ఇక బాలయ్య అంటేనే మాస్ యాక్షన్ ఉంటుంది. అలాంటిది ఈ సినిమాలో ఆయన యాక్షన్ వేరే లెవెల్‌లో ఉంటుందని డైరెక్టర్‌ చెప్పడంతో ఇప్పుడు అభిమానుల్లో ఈ సినిమాపై ఆసక్తి మరింత పెరిగింది. ఈ సినిమాను ఎప్పుడెప్పుడు చూద్దామా అని వారు ఆతృతగా ఎదురు చూస్తున్నారు. ఈ సినిమాలో బాబీ డియోల్ విలన్ పాత్రలో చేస్తుండగా ప్రగ్యా జైస్వాల్, శ్రద్ధా శ్రీనాథ్, చాందిని చౌదరి నటిస్తున్నారు.
The post ఇదో హాలీవుడ్‌ మూవీ! first appeared on Andhrawatch.com.
