Cine Chitram Telugu Cinema World
కన్నడ అందాల భామ రుక్మిణి వసంత్ ప్రస్తుతం టాలీవుడ్, సాండల్వుడ్ కలిపి హాట్ టాపిక్ అవుతోంది. ‘సప్తసాగరాలు దాటి’ సినిమా తర్వాత ఆమె పేరు ఒక్కసారిగా దేశవ్యాప్తంగా హైలైట్ అయింది. ఆ సినిమా విజయం కంటే ఎక్కువగా రుక్మిణి తెరమీద చూపిన అమాయకమైన హావభావాలు, సహజమైన అందం ఫిలిం మేకర్స్కి బాగా నచ్చాయి. అందుకే ఆమెను స్టార్ హీరోల సినిమాల్లో చూడాలని ఆఫర్లు వరుసగా వస్తున్నాయి.
ఇప్పటికే రుక్మిణి చేతిలో పాన్ ఇండియా రేంజ్ ప్రాజెక్టులు సిద్ధంగా ఉన్నాయి. రిషబ్ శెట్టి తెరకెక్కిస్తున్న ‘కాంతార 1’లో కీలక పాత్రలో కనిపించనుంది. అలానే ఎన్టీఆర్ నటిస్తున్న ‘డ్రాగన్’, యష్ హీరోగా రూపొందుతున్న ‘టాక్సిక్’ సినిమాల్లో కూడా ఆమె ప్రధాన పాత్రల్లో కనిపించబోతోంది. ఇలా ఒకేసారి పెద్ద సినిమాలు వరుసగా దక్కడంతో రుక్మిణి స్టార్ ఇమేజ్ మరింత పెరిగింది.
అయితే రుక్మిణి ఫేమస్ కావడానికి ముందు నుంచే అందరి దృష్టిని ఆకర్షించింది ఆమె హీరో శివకార్తికేయన్తో చేసిన ‘మదరాసి’ సినిమా ద్వారా. ఏఆర్ మురుగదాస్ దర్శకత్వం వహించిన ఈ చిత్రం సెప్టెంబర్ 5న ప్రేక్షకుల ముందుకు రాబోతోంది. ఈ సినిమా విజయమే రుక్మిణి కెరీర్లో టర్నింగ్ పాయింట్ అవుతుందా అన్న ఉత్కంఠ అందరిలో ఉంది.
