Cine Chitram Telugu Cinema World
ఇప్పటి తరం హీరోయిన్స్లో టాప్ స్పీడ్తో దూసుకెళ్తున్న పేరు శ్రీలీల. విజయాలా, అపజయాలా అనే తేడా లేకుండా వరుసగా సినిమాలు చేస్తూ పాన్ ఇండియా లెవెల్లో బిజీగా మారిపోయింది. తాజాగా ఆమె నుంచి ఒక కొత్త అప్డేట్ బయటకు వచ్చింది. సోషల్ మీడియాలో షేర్ చేసిన పోస్టర్ ఇప్పుడు ఫ్యాన్స్ మధ్య చర్చకు దారి తీసింది.
ఆ పోస్టర్లో శ్రీలీల ఓ స్టైలిష్ లుక్లో కనిపిస్తోంది. “ఏజెంట్ మిర్చి” అనే పేరుతో ఆ పిక్కి క్యాప్షన్ ఇచ్చింది. అందుకే ఇప్పుడు అందరి దృష్టి ఆ ప్రాజెక్ట్పైనే ఉంది. ఇది కొత్త సినిమా అనుకోవాలా? లేక వెబ్ సిరీస్ లేదా ఓటిటి ప్రాజెక్ట్ అనుకోవాలా? అన్నది మాత్రం క్లారిటీకి రాలేదు.
మరింత ఆసక్తికరంగా, ఈ ప్రాజెక్ట్కి సంబంధించిన వివరాలు అక్టోబర్ 19న రివీల్ చేస్తానని శ్రీలీల చెప్పింది. అంతేకాదు, ఇది హిందీ ప్రాజెక్ట్ అయ్యే అవకాశం ఉందనే టాక్ కూడా వినిపిస్తోంది. మొత్తానికి “ఏజెంట్ మిర్చి” పోస్టర్తో శ్రీలీల మళ్లీ వార్తల్లోకి వచ్చేసింది.
