Cine Chitram Telugu Cinema World
పాన్ ఇండియా స్టార్ ప్రభాస్ నటిస్తున్న తాజా సినిమా ‘రాజా సాబ్’ గురించి ప్రేక్షకులు ఎంతగానో ఎదురుచూస్తున్న విషయం తెలిసిందే. ఈ సినిమాను యంగ్‌ అండ్‌ టాలెంటెడ్‌ డైరెక్టర్‌ మారుతి తెరకెక్కిస్తుండగా పూర్తి హర్రర్ కామెడీ మూవీగా ఈ సినిమాను తీర్చిదిద్దుతున్నారు.
ఇక ఈ సినిమాలో ప్రభాస్ పాత్ర ఎప్పుడు చూడని విధంగా ఉండబోతుందని చిత్ర యూనిట్ ముందు నుంచి చెబుతూనే ఉంది. కాగా, ఈ సినిమా షూటింగ్ ప్రస్తుతం చాలావేగంగా జరుగుతుంది.ఈ సినిమాను వేసవి కానుకగా విడుదల చేసేందుకు చిత్ర యూనిట్ రెడీ అవుతుంది. ఈ క్రమంలో డిసెంబర్ చివరినాటికి ఈ మూవీ షూటింగ్‌ని పూర్తి చేయాలని.. క్రిస్మస్ కానుకగా ఈ చిత్ర టీజర్‌ను కూడా విడుదల చేయాలని మారుతి ప్లాన్ అనుకుంటున్నట్లు తెలుస్తుంది.
దీనికోసం మారుతి తీవ్రంగా కష్టపడుతున్నాడని చిత్ర వర్గాల్లో ఓ టాక్‌ వినపడుతుంది. ఈ టీజర్‌తో ‘రాజా సాబ్’ సినిమాపై నెలకొన్న అంచనాలు మరింతరెట్టింపు కావడం ఖాయమని సమాచారం. రాజా సాబ్ సినిమాలో నిధి అగర్వాల్, మాళవిక మోహనన్ హీరోయిన్లుగా నటిస్తున్నారు. ఈ సినిమాకు థమన్ సంగీతం అందిస్తుండగా పీపుల్ మీడియా ఫ్యాక్టరీపై టిజి విశ్వప్రసాద్ ఈ చిత్రాన్ని నిర్మిస్తున్నారు.
The post టీజర్‌ రెడీ అవుతుంది సాబ్! first appeared on Andhrawatch.com.
