Cine Chitram Telugu Cinema World
టాలీవుడ్ మాన్ ఆఫ్ మాజిక్ అక్కినేని నాగార్జున తాజాగా చేసిన ‘కుబేర’ సినిమా మంచి హిట్ కొట్టింది. ఇందులో ఆయన వేసిన పాత్రకు ప్రేక్షకుల నుంచి మంచి ప్రశంసలు వచ్చాయి. ఆ విధమైన రోల్స్ పట్ల నాగ్ ఇప్పుడు మరింత ఆసక్తి చూపిస్తున్నట్టు ఇండస్ట్రీ టాక్. ఈ విజయంతో మరికొన్ని విభిన్నమైన సినిమాల్ని చేయాలని భావిస్తున్న ఆయన, తన 100వ సినిమాను కూడా ఫైనల్ చేసినట్టు సమాచారం బయటికి వచ్చింది.
తమిళ ఇండస్ట్రీకి చెందిన దర్శకుడు కార్తీక్ చెప్పిన ఓ కొత్త కాన్సెప్ట్ నాగార్జునకు నచ్చి గ్రీన్ సిగ్నల్ ఇచ్చారట. ఈ ప్రెస్టీజియస్ ప్రాజెక్ట్ను అన్నపూర్ణ స్టూడియోస్ నిర్మించబోతున్నట్టు ఫిలింనగర్లో చర్చ సాగుతోంది. ఇది పూర్తిగా ఓ విభిన్నమైన కథతో తెరకెక్కబోతుందట. అంతేకాదు, ఈ సినిమా తర్వాత కూడా నాగార్జున మరో ప్రాజెక్ట్పై పనులు స్టార్ట్ చేయబోతున్నారట.
తమిళంలో మంచి స్పందన తెచ్చుకున్న ‘అయోతి’ అనే సినిమా ప్రస్తుతం నాగార్జున దృష్టిని ఆకర్షించినట్టు తెలుస్తోంది. ఇందులో శశికుమార్ చేసిన పాత్ర, కథా నేపథ్యం అన్నీ కలిసి నాగార్జునకు చాలా నచ్చాయని సమాచారం. దాంతో ఈ సినిమాను తెలుగులో రీమేక్ చేయాలని నాగ్ ఆసక్తి చూపిస్తున్నారట. ఈ రీమేక్ను ట్రిడెంట్ ఆర్ట్స్ బ్యానర్ పై తెరకెక్కించే అవకాశం ఉందని టాలీవుడ్ వర్గాల్లో వినిపిస్తోంది.
ఇప్పుడు ఫ్యాన్స్ ఆశిస్తూ ఉన్నది ఒక్కటే. ఆగస్టు 29, నాగార్జున పుట్టినరోజున ఈ రెండు సినిమాల ప్రకటనలతో పెద్ద సర్ప్రైజ్ ఇస్తారా అన్నది తెలియాల్సి ఉంది. ప్రస్తుతం రెండు ప్రాజెక్టుల మీద కూడా హై బజ్ నెలకొంది. త్వరలోనే అధికారిక అప్డేట్స్ రానున్నాయి.
