Cine Chitram Telugu Cinema World
పాన్ ఇండియా స్టార్ ప్రభాస్ యాక్ట్ చేస్తున్న తాజా సినిమా ‘ది రాజా సాబ్’ ఇప్పటికే శరవేగంగా షూటింగ్ జరుపుకుంటోంది. ఈ సినిమాను దర్శకుడు మారుతి పూర్తి హార్రర్ కామెడీ ఎంటర్‌టైనర్‌గా తీర్చిదిద్దుతున్నాడు. ఇక ఈ సినిమా తరువాత ప్రభాస్ ‘ఫౌజీ’ అనే సినిమాలో యాక్ట్ చేస్తున్నాడు.
ఈ సినిమా తరువాత తన నెక్స్ట్ చిత్రాన్ని దర్శకుడు సందీప్ రెడ్డి వంగా డైరెక్షన్‌లో తెరకెక్కించనున్నట్లు తెలిసిన విషయమే. ఈ సినిమాకు ‘స్పిరిట్’ అనే ఇంట్రెస్టింగ్ టైటిల్‌ను మేకర్స్ ఫిక్స్ చేసిన సంగతి తెలిసిందే. కాగా, ఈ సినిమా కోసం అభిమానులు ఎంతో ఆసక్తిగా ఎదురు చూస్తున్నారు. ఈ సినిమాకు సంబంధించి తాజాగా ఓ ఇంట్రెస్టింగ్ వార్త సినీ వర్గాల్లో షికారు చేస్తుంది.
‘స్పిరిట్’ సినిమాను అత్యంత ప్రెస్టీజియస్‌గా దర్శకుడు సందీప్ రెడ్డి వంగా తీర్చిదిద్దుతున్నాడు. అయితే, ఈ సినిమాలో ఓ స్పెషల్ సాంగ్ ఉండనుందని.. ఇది సినిమాకే హైలైట్‌గా నిలిచి రికార్డులు క్రియేట్ చేయడం గ్యారంటీ అని తెలుస్తుంది.
ఈ స్పెషల్ సాంగ్ కోసం మ్యూజిక్ డైరెక్టర్ హర్షవర్ధన్ రామేశ్వర్ ఇప్పటికే సాలిడ్ ట్యూన్ కూడా కంపోజ్ చేసినట్లు సమాచారం. మొత్తానికి ‘స్పిరిట్’ విషయంలో దర్శకుడు సందీప్ రెడ్డి వంగా ఎలాంటి అంచనాలను క్రియేట్ చేస్తాడా అనేది ప్రస్తుతం ఆసక్తికరంగా మారింది.
The post ‘స్పిరిట్’లో సెన్సేషన్ క్రియేట్ చేయనున్న స్పెషల్ సాంగ్..? first appeared on Andhrawatch.com.
