Cine Chitram Telugu Cinema World
నందమూరి బాలకృష్ణ ప్రస్తుతం నటిస్తున్న భారీ సినిమా అఖండ 2పై అభిమానుల్లో భారీ ఆసక్తి నెలకొంది. బోయపాటి శ్రీను దర్శకత్వంలో తెరకెక్కుతున్న ఈ ప్రాజెక్ట్కి మొదటి భాగమైన అఖండ ఇచ్చిన సక్సెస్ కారణంగా రెండో భాగం పట్ల మరింత క్రేజ్ ఏర్పడింది. ఈ ఏడాది బాలయ్య నుంచి ఇది రెండో సినిమా కావడంతో ఫ్యాన్స్తో పాటు ట్రేడ్ వర్గాల్లోనూ మంచి బజ్ కొనసాగుతోంది.
ఇక సెప్టెంబర్ 25న ఈ సినిమా విడుదల కావాలని మేకర్స్ ప్రకటించినప్పటి నుంచే ఇంకొక పెద్ద హైప్ మొదలైంది. ఎందుకంటే అదే రోజున పవన్ కళ్యాణ్ నటించిన ఓజి సినిమా కూడా విడుదల కానుంది. అంటే ఇద్దరు మాస్ హీరోల సినిమాలు ఒకే రోజున థియేటర్లలో రానుండటంతో ప్రేక్షకుల్లో ఆసక్తి ముమ్మరమైంది. ఈ ఇద్దరి సినిమాలు బాక్సాఫీస్ దగ్గర ఏ రేంజ్ లో క్లాష్ అవుతాయో చూడాల్సిందే.
ఇప్పటివరకు వినిపిస్తున్న సమాచారం ప్రకారం, అఖండ 2లో గ్రాఫిక్స్ పని కొంత ఆలస్యం కావొచ్చనే అభిప్రాయాలు ఉన్నాయి. కానీ తాజాగా దర్శకుడు బోయపాటి స్వయంగా ఈ సినిమా విడుదల తేదీ మార్చే ప్రసక్తే లేదని స్పష్టంగా చెప్పినట్టు తెలుస్తోంది. అన్నీ అనుకున్న విధంగా జరిగితే అఖండ 2 థియేటర్లలో సెప్టెంబర్ 25ననే ప్రేక్షకులను అలరించనుంది.
దీంతో పవన్ కళ్యాణ్ ‘ఓజి’ Vs బాలకృష్ణ ‘అఖండ 2’ అనే రేంజ్ లో బాక్సాఫీస్ పోటీ ఖచ్చితంగా ఉండబోతుంది. అభిమానులు, సినిమా ప్రేమికులు ఇప్పుడు ఈ రెండు సినిమాల రన్ను ఆసక్తిగా తిలకించేందుకు సిద్ధమవుతున్నారు.
