పులికొండ పిక్చర్స్ ప్రొడక్షన్ నెం.1 eనాడు ప్రారంభం

పులికొండ పిక్చర్స్ ప్రొడక్షన్ నెం.1గా నల్లూరి శ్రావణ్ దర్శకత్వంలో రామ్, వరుణ్, దివ్య, ప్రియా హీరో హీరోయిన్లుగా యువ నిర్మాత రామ్ నిర్మిస్తున్న eనాడు సినిమా పూజా కార్యక్రమాలు ఈ నెల 28శనివారం హైదరాబాద్ అన్నపూర్ణ స్టూడియోలో ప్రారంభమయ్యాయి. ఈ చిత్రం స్క్రిప్టును తమిళనాడు మాజీ గవర్నర్ కె.రోశయ్య అందించారు  మాజీ డీజీపీ దినేష్ రెడ్డి క్లాప్ నివ్వగా దర్శకనిర్మాత మద్దినేని రమేష్ కెమెరా స్విచ్ ఆన్ చేశారు. ఈ సందర్భంగా ఏర్పాటుచేసిన పాత్రికేయుల సమావేశంలో చిత్ర నిర్మాత రామ్ మాట్లాడుతూ.. ‘సినిమా మీద నాకున్న ప్యాషన్ తో దర్శకుడు శ్రావణ్ చెప్పిన కథ నచ్చి ఈ ప్రాజెక్ట్ స్టార్ట్ చేయడం జరిగింది. రామోజీరావు గారంటే నాకు చాలా ఇష్టం, గౌరవం. ఆ గౌరవంతోనే కధకు యాప్ట్ అయ్యే విధంగా ఉన్న ఈ టైటిల్ పెట్టడం జరిగింది. ఫిబ్రవరి రెండవ వారంలో షూటింగ్ స్టార్ట్ చేసి ఏప్రిల్ లో సినిమా విడుదల చేయడానికి ప్లాన్ చేస్తున్నాం’ అన్నారు.