నిర్మాణాంత‌ర కార్య‌క్ర‌మాల్లో విజ‌య్ సేతుప‌తి `డా.ధ‌ర్మ‌రాజు ఎం.బి.బి.ఎస్‌`

డిఫరెంట్ మూవీస్‌తో తమిళంలో వరుస విజయాలో దూసుకెళ్తున్న హీరో విజయ్ సేతుపతి `పిజ్జా` సినిమాతో తెలుగు ప్రేక్షకులకు కూడా దగ్గరయ్యాడు. విజయ్ సేతుపతి కథానాయకుడుగా శీను రామ‌సామి ద‌ర్శ‌క‌త్వంలో రూపొందిన `ధర్మదొరై` చిత్రం ..తమిళంలో ఘన విజయం సాధించింది. ఈ చిత్రాన్ని తెలుగులో సుధా సినిమాస్‌ బ్యాన‌ర్‌పై జె.సాంబ‌శివ‌రావు నిర్మాత‌గా `డా.ధ‌ర్మ‌రాజు ఎం.బి.బి.ఎస్‌.` పేరుతో విడుద‌ల చేస్తున్నారు.

ప‌విత్ర‌మైన డాక్ట‌రు వృత్తిలోని ఓ యువ‌కుడు ఎలాంటి స‌మ‌స్య‌ల‌ను ఎదుర్కొన్నాడు. ఆ స‌మ‌స్య‌ల‌ను ఎలా అధిగ‌మించాడు అనేదే సినిమా క‌థ‌. స్టార్ హీరోయిన్‌, మిల్కీ బ్యూటీ త‌మ‌న్నా ఈ చిత్రంలో హీరోయిన్‌గా న‌టించింది. త‌మిళంలో సెన్సేష‌న‌ల్ విజ‌యాన్ని సాధించిన ఈ సినిమాలో విజ‌య్ సేతుపతి త‌ల్లి పాత్ర‌లో సీనియ‌ర్ న‌టి రాధిక న‌టించ‌డం విశేషం. స్టార్ మ్యూజిక్ డైరెక్ట‌ర్ యువ‌న్ శంక‌ర్ రాజా ఈ చిత్రానికి సంగీతం అందించాడు. బిచ్చ‌గాడు వంటి సెన్సేష‌న్ చిత్రానికి మాట‌లు పాటలు అందించిన భాష్య‌శ్రీ ఈ చిత్రానికి మాట‌లు, పాట‌లు అందిస్తున్నారు. ప్ర‌స్తుతం ఈ సినిమా నిర్మాణాంత‌ర కార్య‌క్ర‌మాలు శ‌ర‌వేగంగా జ‌రుగుతున్నాయి. త్వ‌ర‌లోనే ఆడియో విడుద‌ల చేసి, సినిమాను విడుద‌ల చేయ‌డానికి ప్లాన్ చేస్తున్నామ‌ని నిర్మాత జె.సాంబ‌శివ‌రావు తెలియ‌జేశారు.

విజ‌య్ సేతుప‌తి, త‌మ‌న్నా, రాధిక‌, ఐశ్వ‌ర్య రాజేష్‌, సృష్టి డాంగే త‌దిత‌రులు న‌టించిన ఈ చిత్రానికి సంగీతంః యువ‌న్‌శంక‌ర్ రాజా, సినిమాటోగ్ర‌ఫీః ఎం.సుకుమార్‌, ఎడిటింగ్ః కాశీవిశ్వ‌నాథ్‌, నిర్మాతః జె.సాంబ‌శివ‌రావు, ద‌ర్శ‌క‌త్వంః శీను రామ‌సామి.

Stills

ఫణి ఫిలిం ఫ్యాక్టరీ “స్ట్రేంజర్” సెకండ్ షెడ్యూల్ పూర్తి !!

స్వీయ దర్శకత్వంలో యువ ప్రతిభాశాలి ఫణికుమార్ అద్దేపల్లి నిర్మిస్తున్న చిత్రం “స్ట్రేంజర్”. మర్డర్ మిస్టరీ నేపథ్యంలో.. గోవా బ్యాక్ డ్రాప్ …